Loslitdag gee bejaardes hupstoot

‘Geen onderskeid tussen klas, ras, geslag’

07 September 2018 | Gebeure
Tanja Bause - Vanjaar se Loslitdag gaan ’n viering van ons land se verskillende kulture wees.

Dié dag, ten bate van die Namibiese Hulpfonds vir Bejaardes (Noah), vind op 28 September plaas.

Deelnemers aan vanjaar se pretdag kan volgens die tema “Namibiese kultuur” aantrek.

Past. Gerhard Maasdorp, raadsvoorsitter van Noah, het alle skole en besighede uitgenooi om aan Loslitdag deel te neem.

“Besighede wat aan die kompetisie vir die besgeklede werkers deelneem, kan N$10 000 wen,” het Maasdorp gesê.

Vanjaar word geldinsamelings-armbande teen N$20 by Waltons, Wimpy en uitgesoekte Furnmart/Home Corp-winkels verkoop. Dit kan ook by [email protected] bestel word.

“Skole wat die meeste armbande verkoop, kan N$5 000 wen.

“Beide die skool- en besigheidskompetisies sal op Loslitdag op die Loslitdag/Casual Day Facebook-bladsy plaasvind.

“Diegene met die meeste likes op Facebook, wen. Die wenners sal op 2 November om 15:07 op Kanaal 7 bekend gemaak word,” het hy gesê.

Waltons sal vir die vierde agtereenvolgende jaar die skool met die besgeklede leerlinge met N$5 000 beloon.

Besighede kan hulself op dié dag tussen 06:00 en 8:00 by 12 kruisings in Windhoek bemark.

Dié geld sal ook ten bate van Noah aangewend word.

Noah is ’n liefdadigheid wat in Oktober 2000 gestig is met die doel om plaaslike bejaardes se lewensgehalte te bevorder.

Dit word gedoen deur tot hul mediese uitgawes by te dra.

“Alle Namibiërs ouer as 60, wat nie aan ’n mediese fonds behoort nie en nie hul mediese uitgawes kan dek nie, kom in aanmerking vir hulp uit ons fonds, met hoegenaamd geen onderskeid tussen klas, ras of geslag nie,” het Maasdorp gesê.

Senior burgers kan aansoek vir mediese ondersteuning by die Noah-kantoor in die Kanaal 7-gebou doen.

Die raad vergader elke maand om aansoeke te evalueer en goed te keur.

Die afgelope jaar het Noah 146 bejaardes met brille, gehoortoestelle, rolstoele en loopringe ondersteun.

Verlede jaar is N$299 071,85 op Loslitdag vir Noah ingesamel.

Soortgelyk

 

Honderde miljoene vir veevoer nodig

17 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

17 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

17 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

17 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

17 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

17 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

17 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

17 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

17 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...