Lorriedrywer van Gobabis dood langs SA pad gevind

21 October 2019 | Mense
Ronelle Rademeyer - ’n Direkteur van die vervoermaatskappy Grain Carriers Namibia sal vandag op Coligny in Suid-Afrika se Noordwes-provinsie die liggaam van ’n 20-jarige lorriedrywer van Gobabis uitken wat Saterdagoggend dood in die veld naby dié dorp gevind is.

Mnr. Marius Esterhuizen, Grain Carriers Namibia se depotbestuurder, het gister by navraag bevestig vragmotor 502 het om Saterdag om 06:31 langs die pad tussen Coligny en Lichtenburg afgetrek.

Die 20-jarige mnr. Adriaan Labuschagne was die bestuurder.

Hy sê hy het sowat twee ure later ’n oproep ontvang waartydens hy in kennis gestel is Labuschagne se liggaam is in die veld ’n ent van die vragmotor af gevind.

Mnr. Tobie Spangenberg, een van die vervoermaatskappy se direkteure, het dieselfde dag na die toneel deurgery, sê Esterhuizen.

“Hy sal môre (vandag) sy liggaam gaan uitken.”

Labuschagne se naasbestaandes is kort ná die vervoermaatskappy die nuus ontvang het deur ’n predikant van Gobabis van sy dood in kennis gestel.

Verskeie van sy vriende het intussen in plasings op sy Facebook-blad hul skok en hartseer uitgespreek.

’n Oudskoolmaat skryf: “Adriaan, ek het sopas die slegte nuus gekry (en) ek weet ek praat net op Facebook en jy hoor of sien my nie. Maar jy was regtig ’n goeie mens, ek onthou net goeie goed van jou en hoe jy my altyd maak lag het op skool . . .”

Labuschagne word deur sy vriende as ’n “special mens” beskryf en iemand “wat diep spore los”.

’n Plasing oor die voorval het ook op die Facebook-blad SA Long-Distance Truckers verskyn.

“Dit is verskriklik. So hartseer. Ons vragmotorbestuurders gaan deur verskriklike tye in 2019. So baie gevaar, stres, haat daar buite . . .” skryf Laureen Bertin.

George Ntarafo skryf: “Vragmotorbestuurders, ons moet harder bid ten einde die druk in die bedryf te oorleef.”

Esterhuizen wou nie die omstandighede rondom sy dood bespreek nie en sê die ondersoek is in die Suid-Afrikaanse polisie se hande.

Soortgelyk

 

Twee 'renosterstropers' verskyn in Gobabis-hof

1 uur gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

4 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

6 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

17 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

17 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

17 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

17 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

17 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...

Weer, Maandag 1 Junie 2020

17 ure gelede | Weer

BINNELAND: Gedeeltelik bewolk en baie warm in die Zambezi- en Kavangostreek. Elders sonnig en warm tot baie warm. Winderige weer sal oor die binneland heers....