Lonekommissie dien nuwe opdrag vir huishulpe in
Elvira Hattingh
Die Namibiese Lonekommissie het gister 'n hersiene loonopdrag vir huishulpe aan die minister van arbeid, nywerheidsbetrekkinge en werkskepping, Erkki Nghimtina, oorhandig. Die minister sal dit bestudeer en dit dan na die kabinet vir goedkeuring stuur. Dit volg op die eerste loonopdrag wat in April 2014 van krag geword het en bevat voorstelle vir onder meer minimum lone, werksure, opleiding, vastetermynkontrakte, akkommodasie vir huishulpe wat by werkgewers woon en ook hoe die opdrag afgedwing gaan word. Die kommissie wou nie verdere inligting oor die inhoud van die hersiene opdrag bekend maak totdat dit deur die kabinet goedgekeur is nie. Na verwagting behoort dit vanjaar nog geïmplementeer te word.
Die Namibiese Lonekommissie het gister 'n hersiene loonopdrag vir huishulpe aan die minister van arbeid, nywerheidsbetrekkinge en werkskepping, Erkki Nghimtina, oorhandig. Die minister sal dit bestudeer en dit dan na die kabinet vir goedkeuring stuur. Dit volg op die eerste loonopdrag wat in April 2014 van krag geword het en bevat voorstelle vir onder meer minimum lone, werksure, opleiding, vastetermynkontrakte, akkommodasie vir huishulpe wat by werkgewers woon en ook hoe die opdrag afgedwing gaan word. Die kommissie wou nie verdere inligting oor die inhoud van die hersiene opdrag bekend maak totdat dit deur die kabinet goedgekeur is nie. Na verwagting behoort dit vanjaar nog geïmplementeer te word.
Kommentaar
Republikein
Geen kommentaar is op hierdie artikel gelaat nie