Listeriose: Meatco verwerp vals berigte
Meatco se produkte is veilig en word aan streng laboratoriumtoetse onderwerp.
Ronelle Rademeyer - Die Namibiese abattoir en vleisverwerker Meatco sê hy was geskok om te sien een van sy geblikte soutvleisprodukte word op sosiale media met die dodelike listeriose-uitbreking in Suid-Afrika verbind.
Listeriose-infeksies word deur die bakterie Listeria monocytogenes veroorsaak.
In ’n verklaring waarsku Meatco die publiek om nié met die verspreiding van hierdie vals inligting voort te gaan nie. Die produk wat valslik hiermee verbind word, is geblikte Eloolo-beesvleis.
Me. Rosa Katjivena, hoof van gehaltebeheer by Meatco, sê in die verklaring nie een van Meatco se produkte hou enige gesondheidsgevare soos listeriose-infeksies in nie.
Mnr. Aaron Motsoaledi, die Suid-Afrikaanse minister van gesondheid, het Sondag bekend gemaak die oorsprong van die dodelike stam van listeriose is teruggespoor na die Enterprise-fabriek in Polokwane in die Limpopo-provinsie.
Produkte soos polonie, Weense worsies en kouevleis wat daar vervaardig word, is as die bron uitgewys.
Die ministerie van landbou, water en bosbou het in reaksie hierop Maandag ’n verbod geplaas op die invoer van enige verwerkte vleisprodukte wat van Enterprise Foods of Rainbow Chickens in Suid-Afrika afkomstig is. Verskeie ander buurlande in die streek het dieselfde gedoen.
Dit sluit in produkte soos polonies, Russians, Frankfurters, Viennas, salami’s, spek en smeerwors.
LABORATORIUMTOETSE
Dr. Diana van Schalkwyk, een van Meatco se direkteure en ’n bekende Namibiese voedselwetenskaplike, sê in die afgelope die 25 jaar wat sy as wetenskaplike by toetse vir die aanwesigheid van Listeria monocytogenes betrokke is, was die uitslag nog nooit positief nie. Dit sluit in toetse vir Woolworths en verskeie ander kliënte.
“Dié bakterie word by ’n temperature van 75 grade Celsuis en hoër vernietig. Dit beteken dat produkte soos geblikte soutvleis wat tydens die vervaardiging teen baie hoër temperature gekook word, veilig is,” sê sy.
Verder kan verbruikers danksy Meatco se interne laboratorium daarvan verseker wees dat die hoogste gesondheidstandaarde gehandhaaf word.
Dit is ’n wêreldklas laboratorium en streng ISO-standaarde geld, sê Van Schalkwyk.
Die laboratorium monitor voortdurend onverwerkte produkte wat Meatco se fabriek binnekom om seker te maak die samestelling- en mikrobe-standaarde, asook regeringsregulasies word nagekom,” sê sy.
Volgens me. Kalihulu Shapwa, die laboratoriumbestuurder, word een keer per maand vir die aanwesigheid van Listeria monocytogenes getoets.
Listeriose-infeksies word deur die bakterie Listeria monocytogenes veroorsaak.
In ’n verklaring waarsku Meatco die publiek om nié met die verspreiding van hierdie vals inligting voort te gaan nie. Die produk wat valslik hiermee verbind word, is geblikte Eloolo-beesvleis.
Me. Rosa Katjivena, hoof van gehaltebeheer by Meatco, sê in die verklaring nie een van Meatco se produkte hou enige gesondheidsgevare soos listeriose-infeksies in nie.
Mnr. Aaron Motsoaledi, die Suid-Afrikaanse minister van gesondheid, het Sondag bekend gemaak die oorsprong van die dodelike stam van listeriose is teruggespoor na die Enterprise-fabriek in Polokwane in die Limpopo-provinsie.
Produkte soos polonie, Weense worsies en kouevleis wat daar vervaardig word, is as die bron uitgewys.
Die ministerie van landbou, water en bosbou het in reaksie hierop Maandag ’n verbod geplaas op die invoer van enige verwerkte vleisprodukte wat van Enterprise Foods of Rainbow Chickens in Suid-Afrika afkomstig is. Verskeie ander buurlande in die streek het dieselfde gedoen.
Dit sluit in produkte soos polonies, Russians, Frankfurters, Viennas, salami’s, spek en smeerwors.
LABORATORIUMTOETSE
Dr. Diana van Schalkwyk, een van Meatco se direkteure en ’n bekende Namibiese voedselwetenskaplike, sê in die afgelope die 25 jaar wat sy as wetenskaplike by toetse vir die aanwesigheid van Listeria monocytogenes betrokke is, was die uitslag nog nooit positief nie. Dit sluit in toetse vir Woolworths en verskeie ander kliënte.
“Dié bakterie word by ’n temperature van 75 grade Celsuis en hoër vernietig. Dit beteken dat produkte soos geblikte soutvleis wat tydens die vervaardiging teen baie hoër temperature gekook word, veilig is,” sê sy.
Verder kan verbruikers danksy Meatco se interne laboratorium daarvan verseker wees dat die hoogste gesondheidstandaarde gehandhaaf word.
Dit is ’n wêreldklas laboratorium en streng ISO-standaarde geld, sê Van Schalkwyk.
Die laboratorium monitor voortdurend onverwerkte produkte wat Meatco se fabriek binnekom om seker te maak die samestelling- en mikrobe-standaarde, asook regeringsregulasies word nagekom,” sê sy.
Volgens me. Kalihulu Shapwa, die laboratoriumbestuurder, word een keer per maand vir die aanwesigheid van Listeria monocytogenes getoets.
Kommentaar
Republikein
Geen kommentaar is op hierdie artikel gelaat nie