Lewendehawebaas 'n tevrede man
Die groot- en kleinveebeoordelings tydens die Windhoek Skou is vanjaar goed deur die publiek bygewoon.
Ronelle Rademeyer - Die koördineerder van die lewende hawe by die Windhoek Skou, mnr. Hennie Kruger, is 'n tevrede man.
Hy sê die inskrywings vir vanjaar se Windhoek Skou het nie net “baie opgetel” ná die droogte nie, maar beoordelings is ook goed bygewoon.
“Verlede Sondag toe die Simbras nasionale kampioenskappe aangebied het, was daar meer toeskouers as ooit tevore. Dit was 'n uiters besige dag met die meeste besoekers wat ek nog ooit hier gesien het.”
Kruger sê die besluit om die grootveeprogram te verkort en die rasbeoordelings reeds die eerste Saterdag en Sondag van die skou aan te bied, werk goed. “Die eerste skounaweek val met die einde van die maand saam en baie mense besoek dan die skou. Voorheen het die beoordelings op 'n Maandag en Dinsdag geskied wanneer Windhoekers by die werk is en dit nie kan bywoon nie.
Hy meen egter daar sal in die toekoms “ernstig” na die skoudatums op die onderskeie dorpe gekyk moet word. “Die datums bots te veel en dit word 'n al groter probleem vir die telers wat met hul diere skou,” sê hy.
Volgende jaar bied die Simmentalers en die Brahmane nasionale kampioenskappe aan en Kruger sê hy verwag 'n reuse-opkoms.
Kruger, wat al 11 jaar die lewendehawelogistiek by die skou behartig, sê die borge se bydrae is “geweldig groot”.
“Ek wil ook die telers bedank wat die opoffering maak om met hul diere te kom skou. Die voorbereiding daarvoor begin al maande voor die tyd.”
Hy sê hulle is vir lang tye van die plaas af weg en dit kos hulle boonop baie geld.
Hy sê die inskrywings vir vanjaar se Windhoek Skou het nie net “baie opgetel” ná die droogte nie, maar beoordelings is ook goed bygewoon.
“Verlede Sondag toe die Simbras nasionale kampioenskappe aangebied het, was daar meer toeskouers as ooit tevore. Dit was 'n uiters besige dag met die meeste besoekers wat ek nog ooit hier gesien het.”
Kruger sê die besluit om die grootveeprogram te verkort en die rasbeoordelings reeds die eerste Saterdag en Sondag van die skou aan te bied, werk goed. “Die eerste skounaweek val met die einde van die maand saam en baie mense besoek dan die skou. Voorheen het die beoordelings op 'n Maandag en Dinsdag geskied wanneer Windhoekers by die werk is en dit nie kan bywoon nie.
Hy meen egter daar sal in die toekoms “ernstig” na die skoudatums op die onderskeie dorpe gekyk moet word. “Die datums bots te veel en dit word 'n al groter probleem vir die telers wat met hul diere skou,” sê hy.
Volgende jaar bied die Simmentalers en die Brahmane nasionale kampioenskappe aan en Kruger sê hy verwag 'n reuse-opkoms.
Kruger, wat al 11 jaar die lewendehawelogistiek by die skou behartig, sê die borge se bydrae is “geweldig groot”.
“Ek wil ook die telers bedank wat die opoffering maak om met hul diere te kom skou. Die voorbereiding daarvoor begin al maande voor die tyd.”
Hy sê hulle is vir lang tye van die plaas af weg en dit kos hulle boonop baie geld.
Kommentaar
Republikein
Geen kommentaar is op hierdie artikel gelaat nie