Lewende opperwet

11 February 2019 | Menings
Namibië het Saterdag teruggekyk op 'n baie uitsonderlike en trotse oomblik in sy geskiedenis: die grondwetskrywende vergadering se eenparige aanvaardig van die Grondwet op 9 Februarie 1990.

Dié dag kan nie gevier word sonder om met ontsag te besin oor die uitdagings waarmee ons steeds worstel nie.

Wyle prof. Kader Asmal, die Suid-Afrikaanse politikus en menseregtekenner wat destyds nou betrokke was by ons grondwetskrywende proses, het die vaders en moeders van ons opperwet se taak vergelyk met die stryd wat in die heuwels gevoer is terwyl die geveg in die vallei voortduur.

Nege-en-twingtig jaar later is armoede en gebrekkige infrastruktuur in informele woongebiede, onderwys, gesondheidsdienste asook politieke onverdraagsaamheid en verdagmakery die gevegte wat steeds woed.

Die Grondwet was immers nie 'n eenmalige gebeurtenis nie. Dit is 'n lewende dokument waarvan die betekenis voortdurend gestalte moet kry in die lewens van die mense van hierdie land.

Die vrou in Katutura wat met 'n siek kind in haar arms vir ure lank haar beurt by die hospitaal afwag, is hoofstuk 3 van ons Grondwet.

So ook die kleinboer op die oewer van die Oranjerivier wat staatmaak op sy reg op toegang tot water. Of die middeljarige man wat wil leer lees en skryf. Net so is die kind naby die Angolese grens wie se reg op onderwys aangetas word omdat daar nie 'n skool naby is nie, 'n aanklag ingevolge ons hoogste wet.

Die Grondwet is 'n durende proses.

En dit is die burgerlike samelewing se plig om die regering voortdurend hieroor tot verantwoording te roep.





Rapport, 10 Februarie 2019

Eskom: Word Cyril dalk SA se Thatcher?

Die belangrikste doen-dinge op pres. Cyril Ramaphosa se wenslys is items wat hy liewer sal wil uitstel tot ná die verkiesing op 8 Mei.

Op daardie uitstel-lys is die verkleining of “hersamestelling” van die staatsdiens, soos hy dit Donderdagaand in sy staatsrede genoem het. Nog een is die verkleining van die kabinet. En dan natuurlik die lelike p-woord in ons politiek: privatisering.

Donderdagaand se aankondigings berei die weg vir Eskom se privatisering.

Eskom het voor Nersa gesê sy voorspelde verlies beloop R20 miljard.

As die regering nie ingryp by Eskom nie, word die kans elke dag groter dat hy uiteindelik hoed in die hand by die Internasionale Monetêre Fonds sal moet gaan staan.

En dit wil Ramaphosa tot elke prys keer.

Die enigste probleem is die tydsberekening vir die geveg.

Soortgelyk

 

Kameelperde nou internasionaal beskerm

1 dag gelede | Omgewing

Kameelperde spog nou met internasionale beskerming. Die meerderheid van die 183 lidlande by die Konvensie vir die Handel in Bedreigde Spesies (Cites) se 18de beraad...

7 sterf op vooraand van langnaweek op paaie

1 dag gelede | Ongelukke

Sewe mense het Donderdagnag in vier verskillende padongelukke in die land gesterf.Die eerste noodlottige ongeluk het sowat 17 kilometer noord van Otjiwarongo plaasgevind en twee...

Dubbele betaling van toelae in Augustus 'n fout

1 dag gelede | Ministeries

Sommige begunstigdes het ’n dubbele betaling van hul maatskaplike toelaag vir Julie en Augustus ontvang. Volgens die minsterie van armoedeverligting en maatskaplike welsyn was die...

Opposisie eis Imalwa se kop

1 dag gelede | Misdaad

Ellanie SmitOpposisiepartye het gister deur die bank geëis dat aanklaer-generaal Martha Imalwa se kop oor veral die hantering van die verlore GIPF-miljoene rol.Terselfdertyd het die...

Gestrande walvis: Polisie verjaag skare

1 dag gelede | Omgewing

Tanja Bause Die Namibiese polisie en hul spe­siale taakmag se hulp moes gister ingeroep word ná omstanders op die lewende, gestrande boggelrugwalvis by Onafhanklikheidstrand op...

Werknemers wil hoofstad melk

1 dag gelede | Regering

Denver Kisting Werknemers van die Windhoekse stadsraad (CoW) wil binne 14 dae antwoorde van die raad hê oor hul eis vir 'n 15%-salarisverhoging.Voltydse werknemers dring...

Weer, Vrydag 23 Augustus 2019

1 dag gelede | Weer

BINNELAND: Sonnig en baie warm, maar warm in die Khomasstreek.KUS: Sonnig en baie tot bloedig warm met sandstorms plek-plek.GETYE BY WALVISBAAI: H 08:02 L 13:50...

Katrina weer eens in ACC se visier

1 dag gelede | Misdaad

Denver Kisting Die aanklaer-generaal, me. Martha Imalwa, het dié week erken die vervolgingsgesag het Katrina Hanse-Himarwa opnuut in sy visier.Imalwa het Woensdagmiddag gesê die Teenkorrupsiekommissie...

Kalender 23 Augustus

1 dag gelede | Kuns en vermaak

Nou aan die gang» Lotus Zen Den bied vandag ’n mindfulness-werkwinkel vir tieners aan. Die idee is om hul hanteringsvaardighede in die vinnige wêreld waarin...