Lerena veg teen toetsuitslag

08 November 2018 | Sport
Kevin Lerena, Suid-Afrika se huidige IBO-wêreldkampioenbokser in die junior swaargewigklas wat positief getoets het vir 'n verbode middel, sê hy is vasbeslote om sy naam in ere te herstel.

Die negatiewe bevinding, wat deur die Wêreldboksraad (WBC) onthul is, kom uit 'n toets wat op 18 Oktober in Johannesburg deur VADA uitgevoer is. VADA is die Vrywillige Anti-opkikkervereniging - 'n organisasie wat saam met die WBC werk.

“Ek is verstom oor dié skielike ontwikkeling, maar ek sal die saak tot die bitter einde beveg omdat ek nie skuldig is aan die gebruik van middels om prestasie te verbeter nie,” het Lerena in 'n eksklusiewe onderhoud aan Sport24 gesê.

“Ek het vanoggend gehoor van die uitslag en ek en my span beveg reeds die saak. Die WBC is in kontak met my promotor, Rodney Berman. Hulle moes bekend maak dat ek positief getoets het, as standaard prosedure.”

Lerena, wat van 'n skouerbesering herstel het, sê die enigste manier hoe die middel in sy stelsel kon kom, is deur per abuis een van sy vrou se tablette in te neem. Weens sy besering het Lerena 'n aantal tablette gekry en volgens hom deel hy dieselfde tablethouertjie as sy vrou.

“Die middel waarvoor ek positief getoets het, is 'n produk wat my vrou, Gina, neem. In al my pynmedikasie moet ek seker die verkeerde tablet geneem het.

“Dit is 'n spesifieke medikasie wat aan my vrou voorgeskryf is en dit verbeter nie jou genetiese potensiaal of prestasie nie, want dit is nie 'n anaboliese middel nie.”

Lerena (26), wat sedert sy debuut in 2009 'n beroepsrekord van 21-1 opgebou het, sou eers volgende Maart terug in die kryt klim.

“So, om watter rede sal ek prestasieverbeterende opkikkers nodig hê? Ek het te lank en te hard gewerk om my loopbaan só weg te gooi.”  – Sport24

Soortgelyk

 

Polisie konfiskeer kerk se luidsprekers in Oshakati

23 ure gelede | Plaaslik

Die polisie het luidsprekers wat aan die New Jerusalem Ministry in Oshakati se informele nedersetting Oneshila behoort, vandeesweek ná klagtes van rusverstoring gekonfiskeer.Volgens inspekteur Thomas...

Olifante beskadig optiese kabels naby Khorixas

1 dag gelede | Plaaslik

‘n Trop olifante het inwoners in die Noorde van die land sonder landlyn- en selfoonverbinding gelaat, nadat die optiese kabel tussen Omatjete en Khorixas Donderdagmiddag...

Skietklub lê weer aan

1 dag gelede | Howe

Denver Kisting - Mnr. Norman Tjombe, die regsverteenwoordiger van die Rehoboth-skietklub, het vanoggend (Vrydag) bevestig sake is terug na normaal.Dít kom nadat die Namibiese weermag...

'Boere se veglus verdwyn'

1 dag gelede | Landbou

Ronelle Rademeyer en Elvira Hattingh - Twee bekende boere van die Suide sê die droogte het boere op hul knieë.“Ek was gister by ’n veiling...

Egpaar herontdek skaars plantjie

1 dag gelede | Omgewing

Denver Kisting – ’n Dekaan by die Namibië Universiteit van Wetenskap en Tegnologie (Nust), dr. Rolf Becker, en sy vrou, me. Alma Moller, het verlede...

Kalender 18 Januarie

1 dag gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots Unam se beeldende kunste-uitstalling vir 2018 aan. Dié uitstalling is tans...

'DRK maak staat op ons'

1 dag gelede | Politiek

Inwoners van die Demokratiese Republiek van die Kongo (DRK) maak staat op lande deel van die Suider-Afrikaanse Ontwikkelingsgemeenskap (SADC) om die land weer op die...

Operasie Hornkranz: Meer misdaad aangemeld

1 dag gelede | Misdaad

Augetto Graig Die Namibiese polisie het Woensdag by die Israel Patrick Iyambo-polisiekollege in Olympia terugvoering gegee aan die visepresident, mnr. Nangolo Mbumba, en die...

Weer vir 18 Januarie

1 dag gelede | Weer

BINNELAND: Sonnig en warm tot baie warm in die //Kharasstreek, andersins gedeeltelik bewolk en baie tot bloedig warm met 'n paar tot geïsoleerde donderbuie in...