Leeus verdoof Stars se ster effens
Die voorlopers se titelkans bly in sy eie hande, ondanks die terugslag eergisteraand.
Black Africa het Dinsdagaand by die Sam Nujoma-stadion in Katutura sy MTC Namibiese Premierliga (NPL) botsing onverwags teen African Stars met 1-0 gewen. Die wenners het sodoende met drie ligapunte nader gekruip aan “Starlile” wat tans die voorloper met 52 ligapunte is.
Beide spanne was ietwat huiwerig aan die begin, maar sake het begin ontdooi toe Stars met 20 minute verstreke sy eerste kans vir 'n doel gekry het. Ongelukkig skiet Panduleni Nekundi se poging bo-oor die doelhok om 'n gulde kans te verspeel.
Met reën wat oor die hoofstad uitgesak het, was dit nie maklik vir die spelers om op die gladderige sintetiese veld te speel nie, maar beide klubs het nogtans hul beste gelewer om met rustyd doelloos te gaan koeldrankies geniet.
In die tweede helfte is dit Black Africa wat die krane oopdraai en sy teenstander tot oorgawe dwing toe die plaasvervanger Salomo Kamulilo 'n hoekskop netjies met 'n kopstoot teen die doelnet laat klap.
Met die wedstryd op sy rug en bykomende tyd bykans verstreke het Stars wel die kans gehad om 'n gelykopuitslag af te dwing. Ongelukkig vir hulle het die jong Calvin Spiegel, doelwagter van die Leeus, breed in hul pad gestaan en kon Stars nie sukses behaal nie.
Bobby Samaria, hoofafrigter van Stars, was ná sy span se bloedneus steeds optimisties oor hul bekerkanse.
“Natuurlik is ons teleurgesteld dat dié een onder ons neus weggeglip het. Black Africa het letterlik net een kans gekry om 'n doel te behaal en dit benut. Ons het ook kanse gehad, maar het misluk om dit in doele te omskep. Hul doelwagter het vanaand die verskil tussen nul en drie punte beteken, want ons was volgens my die beter span vanaand,” was die afrigter se mening.
Samaria, wat as breier al etlike trofeë agter sy naam het, sê daar is steeds 'n kussing van vyf punte tussen sy span en Black Africa wat met 47 ligapunte in die tweede posisie lê, met nog vyf ligawedstryde oor.
“Ons ry ons eie bus, dus is ons titelkanse in ons eie hande. Ons sal moet aanhou om goeie sokker te speel en wedstryde te wen,” het die breier uitgewys.
Lucky Richter, sy eweknie by BA, was gelukkig met sy span se vertoning en vertel dat goeie beplanning tot hul oorwinning gelei het.
“Ons het die vaste fasette oor en oor geoefen en dit is waar ons doel vandaan gekom het. Dit was 'n goeie wedstryd en ek is seker ons ondersteuners het dit geniet. Om ons titeldrome lewendig te hou, sal ons al die oorblywende wedstryde moet inpalm en dan sal die ander klubs ons 'n guns moet doen deur Stars te klop.
“Ons doelwagter Calvin verdien spesiale vermelding, want hy het die wedstryd vir ons gewen. Hy is nog jonk en leer nog elke dag wat dit behels om 'n goeie doelwagter te wees. In die begindae het hy 'n bietjie gesukkel, maar deesdae is hy tops,” het Richter ingenome gesê.
- Nampa
Beide spanne was ietwat huiwerig aan die begin, maar sake het begin ontdooi toe Stars met 20 minute verstreke sy eerste kans vir 'n doel gekry het. Ongelukkig skiet Panduleni Nekundi se poging bo-oor die doelhok om 'n gulde kans te verspeel.
Met reën wat oor die hoofstad uitgesak het, was dit nie maklik vir die spelers om op die gladderige sintetiese veld te speel nie, maar beide klubs het nogtans hul beste gelewer om met rustyd doelloos te gaan koeldrankies geniet.
In die tweede helfte is dit Black Africa wat die krane oopdraai en sy teenstander tot oorgawe dwing toe die plaasvervanger Salomo Kamulilo 'n hoekskop netjies met 'n kopstoot teen die doelnet laat klap.
Met die wedstryd op sy rug en bykomende tyd bykans verstreke het Stars wel die kans gehad om 'n gelykopuitslag af te dwing. Ongelukkig vir hulle het die jong Calvin Spiegel, doelwagter van die Leeus, breed in hul pad gestaan en kon Stars nie sukses behaal nie.
Bobby Samaria, hoofafrigter van Stars, was ná sy span se bloedneus steeds optimisties oor hul bekerkanse.
“Natuurlik is ons teleurgesteld dat dié een onder ons neus weggeglip het. Black Africa het letterlik net een kans gekry om 'n doel te behaal en dit benut. Ons het ook kanse gehad, maar het misluk om dit in doele te omskep. Hul doelwagter het vanaand die verskil tussen nul en drie punte beteken, want ons was volgens my die beter span vanaand,” was die afrigter se mening.
Samaria, wat as breier al etlike trofeë agter sy naam het, sê daar is steeds 'n kussing van vyf punte tussen sy span en Black Africa wat met 47 ligapunte in die tweede posisie lê, met nog vyf ligawedstryde oor.
“Ons ry ons eie bus, dus is ons titelkanse in ons eie hande. Ons sal moet aanhou om goeie sokker te speel en wedstryde te wen,” het die breier uitgewys.
Lucky Richter, sy eweknie by BA, was gelukkig met sy span se vertoning en vertel dat goeie beplanning tot hul oorwinning gelei het.
“Ons het die vaste fasette oor en oor geoefen en dit is waar ons doel vandaan gekom het. Dit was 'n goeie wedstryd en ek is seker ons ondersteuners het dit geniet. Om ons titeldrome lewendig te hou, sal ons al die oorblywende wedstryde moet inpalm en dan sal die ander klubs ons 'n guns moet doen deur Stars te klop.
“Ons doelwagter Calvin verdien spesiale vermelding, want hy het die wedstryd vir ons gewen. Hy is nog jonk en leer nog elke dag wat dit behels om 'n goeie doelwagter te wees. In die begindae het hy 'n bietjie gesukkel, maar deesdae is hy tops,” het Richter ingenome gesê.
- Nampa
Kommentaar
Republikein
Geen kommentaar is op hierdie artikel gelaat nie