Leeus: Andries wil nie stagneer op heelagter

08 March 2018 | Sport
Christo Buchner



Een van Swys de Bruin se gunste­ling-sêgoed aan sy spelers is “geen tyding is goeie tyding”.

“Daarom is dit eintlik goed as hy nie baie met jou praat nie, want dan weet jy dinge is nog op die regte pad,” sê die Leeus se Springbok-heelagter, Andries Coetzee.

Coetzee het vanjaar al uithalerspel vanuit die laaste vesting gelewer, maar erken dat jy elke nuwe seisoen daardie knoppie moet druk om weer van nuuts af te begin.

“Jy kan nie altyd net op dieselfde trant wil aangaan en net doen wat jy die vorige jaar gedoen het nie. Ek voel elke nuwe seisoen moet as 'n nuwe uitdaging gesien word en jy moet nuwe uitdagings vir jouself stel. Jy kan dit nie bekostig om net van jaar tot jaar te wil aangaan nie, maak nie saak hoe goed dinge die vorige jaar dalk vir jou verloop het nie. Op dié manier sal jy maklik in 'n groef verval,” glo Coetzee.

“Ek voel vanjaar gemaklik op die veld. Die ruggraat van enige agterlyn is jou nege (skrumskakel), tien (losskakel) en 15 (heelagter), veral ook wat die teenaanvalle betref en daarom moet ons deurgaans skerp wees,” sê hy.

Dié nr. 15 was verlede jaar Allister Coetzee se eerste keuse op heelagter in die Springbok-span en sal die nuwe Bok-breier, Rassie Erasmus, vanjaar opnuut van sy deugde wil oortuig.

Wat die aanslag van die Blues Saterdag op Ellispark betref, sê Coetzee die Leeus staal hulle vir 'n fisieke aanslag, “soos dit maar altyd die geval teen Kiwi-­spanne is. Hulle is ook baie goed met teenaanvalle, en ons sal nie kan bekostig om sommer net besit af te staan en hulle hardloopkans te gee nie,” sê hy.

Die flank Cyle Brink is op sy beurt van mening dat jy nooit regtig seker is wat om van die span van Auckland te verwag nie. Dit is die eerste Nieu-Seelandse teenstand waarmee die Leeus hierdie seisoen te doen gaan kry en Brink lê klem op hul onvoorspelbaarheid.

“As 'n bal losspat is hulle altyd gevaarlik en daarom gaan dit nodig wees dat ons hou by ons strukture. Ons wil ook nie te diep delf in wat hulle dalk gaan doen nie, maar eerder konsentreer op die doelwitte wat ons vir onsself stel,” sê hy.

“Die Blues is wel 'n span propvol individuele sterre, wat as dit hul dag is die wêreld vir jou baie moeilik kan maak. Hulle sal ook desperaat wees vir 'n oorwinning nadat hulle hul eerste twee wedstryde verloor het en ons sal nie die fout maak om hulle gering te skat nie,” verseker hy.

– Netwerk24

Soortgelyk

 

Man sterf op Walvisbaai-Swakopmund-pad

7 ure gelede | Ongelukke

Die 27-jarige Franico Esly Huseb is vandag omstreeks 07:30 dood, nadat die bakkie waarin hy op reis was op die pad tussen Swakopmund en Walvisbaai...

Eksamenuitslae dán bekend

8 ure gelede | Onderwys

Die voorlopige uitslae vir graad 10 (JSC) en graad 12 (NSSC) hoë vlak vir voltydse en deeltydse kandidate word aanstaande Donderdag (20 Desember) amptelik bekendgemaak....

Drie meisies verdrink in sandputte

9 ure gelede | Ongelukke

Die Namibiese polisie in die Ohangwenastreek het ‘n beroep op kontrakteurs gedoen om sandputte toe te stoot wat geskep is met die uitgrawe van sand...

1,6 miljoen toeriste besoek Namibië in 2017

10 ure gelede | Toerisme

Altesaam 2,2% meer toeriste het Namibië in 2017 as in die vorige jaar besoek met meer as 1,6 miljoen buitelandse toeriste wat die land ingestroom...

Studente betaal meer by Unam

10 ure gelede | Onderwys

Die finansiële verknorsing waarin die Universiteit van Namibië (Unam) verkeer, tesame met die algemene ekonomiese vooruitsig vir die land, het die universiteitsraad genoop om klasgelde...

Plunderwoude: Ministerie ontken ongerymdhede

21 ure gelede | Plaaslik

Elvira Hattingh - Die ministerie van landbou, water en bosbou sê die meerderheid permitte wat vir die oes en vervoer van hout uitgereik is, is...

Polisie op sy knieë

21 ure gelede | Polisie

Denver Kisting – Die inspekteur-generaal van die Namibiese polisie, lt.genl. Sebastian Ndeitunga, sê die land se finansiële verknorsing het die mag op sy knieë.Ndeitunga het...

Avihe-moordenaar het dalk landuit gevlug

21 ure gelede | Misdaad

Denver Kisting – As Avihe Cheryl Ujaha (9) nie deur iemand in haar binnekring vermoor is nie, is haar moordenaar(s) waarskynlik al landuit.Só sê die...

Weer vir 13 Desember 2018

21 ure gelede | Weer

BINNELAND: Gedeeltelik bewolk en baie tot bloedig warm met geïsoleerde buie plek-plek in die noordelike en sentrale dele. Elders sal dit sonnig en baie tot...