Lüderitz eis deursigtigheid oor mangaan

‘Pas strafmaatreëls toe’

04 February 2019 | Ministeries
Catherine Sasman - Lüderitz-inwoners eis 'n onmiddellike moratorium op die beweging van mangaanerts van en na die NamPort-hawe tot voldoende maatskaplike en omgewingsnavorsing gedoen is om die moontlike negatiewe impak daarvan te identifiseer en te beperk.

Hulle eis verder die onwettige storting van mangaanerts buite die dorp in Desember en Januarie moet deeglik ondersoek word en die betrokke persoon of liggaam moet strafregtelik vervolg word.

TradePort Namibia CC, 'n Suid-Afrikaans-gebaseerde maatskappy wat plaaslik geregistreer is, het mangaanerts op 'n betonblad langs TransNamib se treinspoor gestort, wat deur NamPort se hawe uitgevoer moes word.

TradePort het mangaanerts deur die Ariamsvlei-grenspos vervoer en die erts sonder die vereiste omgewingsklaringsertifikaat van die ministerie van die omgewing en toerisme gestort.



Terwyl die kwessie van die klaringsertifikaat nou onder die loep is, het NamPort onderneem om die erts in 'n stoor by die haweperseel te berg.

Inwoners het vandeesweek 'n klagskrif aan die minister van die omgewing en toerisme, mnr. Pohamba Shifeta, gestuur en ook die Teenkorrupsiekommissie (ACC) en ombudsman, mnr. John Walters, gekontak om ondersoek in te stel.

Hulle wil verhoed dat soortgelyke voorvalle sonder die vereiste prosedures, klaringsertifikate of permitte plaasvind.

Hulle het hul kommer uitgepsreek oor moontlike omgewingsbesoedeling en die impak op plaaslike besighede – veral visserye, akwakultuur en toerisme – wat hierdie transito-uitvoer van mangaanerts deur die twee Suid-Afrikaanse maatskappye kan hê.

Die klagskrif sê enige erge impak op die omgewing weens besoedeling kan beteken Namibië is in stryd met die Europese Unie (EU) en internasionale gesondheidsbeheer op die plaaslike visbedryf, wat hoofsaaklik produkte na die EU uitvoer.

Inwoners is bekommerd die besoeling kan 'n verwoestende impak op alle mariene produkte hê, wat in die Lüderitz-gebied geoes word.

Inwoners meen ook die transito-uitvoere deur die Lüderitz-hawe kan Namibië volgens die Internasionale Standaarde-organisasie se reëls en boetes in die gedrang bring, wat op beide NamPort-hawens van toepassing is.

“Dit kan Namibië se geloofwaardigheid en status ernstig skaad in die blatante oortredings van baie konvensies, verdrae en so meer, wat Namibië onderteken het. Dit kan ’n einde maak aan uitvoere en invoere per see van alle produkte wat vir menslike gebruik bedoel is, en lei tot die ineenstorting van nywerhede wat werk aan duisende mense verskaf, en 'n ernstige impak op die land hê," lui die klagskrif.



Die inwoners het benadruk hulle is nie teen ontwikkeling nie, maar vrees die bedreiging van hul gesondheid, lewens en bestaan, die omgewing en die dorp se hardverdiende ekonomiese pilare, wat volgens hulle reeds wankelrig is.

"Ons is teen die gebrek aan deursigtigheid van alle betrokke partye en hul oortreding van die omgewingsbestuurwet gekant," lui die klagskrif.

Soortgelyk

 

Antjie Krog plaas gewraakte toespraak in konteks

6 ure gelede | Kuns en vermaak

Ronelle Rademeyer - Die veelbekroonde Suid-Afrikaanse digter, skrywer en akademikus, Antjie Krog, het in ’n radio-onderhoud die konteks verskaf vir ’n toespraak deur haar wat...

Hep E: 28 gevalle 'n dag

19 ure gelede | Gesondheid

Henriette LamprechtByna 30 nuwe gevalle van hepatitis E is in die laaste week van Julie daagliks oraloor die land aangeteken. Die siekte het boonop die...

Kaalkiekies saai amok aanlyn

19 ure gelede | Misdaad

Denver KistingSo onlangs soos gisteroggend moes die stadspolisie in Windhoek hulle na 'n toneel haas nadat 'n vrou haar lewe probeer neem het weens gelekte...

Die weer vir 8 Augustus 2019

19 ure gelede | Weer

BINNELAND: Gedeeltelik bewolk en koud tot matig in die Suide. Elders sal dit gedeeltelik bewolk en warm tot baie warm wees.KUS: Gedeeltelik bewolk en matig...

Ministerie steek stokkie voor mossel-oes

19 ure gelede | Ministeries

Erwin LeuschnerDie minister van visserye en mariene hulpbronne, mnr. Bernard Esau, het gister die oes van witmossels vir kommersiële gebruik verbied. Hy het dit by...

Ma hoop seuntjie leef nog ná 22 jaar ...

19 ure gelede | Misdaad

Denver Kisting – Meer as 22 jaar ná ’n negejarige seuntjie van die Kaapse Vlakte van sy ouerhuis verdwyn het, hoop sy ma hy lewe...

Dubbele moordenaar kry vyfde prokureur

19 ure gelede | Howe

font face="Verdana">Die man wat Dinsdag in die Windhoekse hoërhof skuldig bevind is aan die moord op twee vroue in Januarie 2016 het gister sy vyfde...

Bekendes belê groot in gasvryheidsbedryf

19 ure gelede | Toerisme

Ronelle Rademeyer - Die gewildheid van die drie Stellenbosch-restaurante in die Bougainvillea-sentrum in Klein Windhoek – The Stellenbosch Wine Bar, Tasting Room en Market –...

Polisie sing Kalahariwoestyn-lofliedere

19 ure gelede | Polisie

Denver Kisting Sedert die polisie verlede jaar met ander owerhede begin kragte saamsnoer het om misdaad te bestry, het misdaadbedrywighede met nagenoeg 9% afgeneem.So sê...