Lange Danilo skaats in groen en goud

14 January 2020 | Sport
Andrew Poolman - Die woestynland Namibië het 'n ietwat verskuilde teenwoordigheid op die yshokkiebaan by die IIHF onder 20 wêreldkampioenskap vir mans (afdeling III) wat gister in Sofia, die hoofstad van Bulgarye, begin het.

Danilo von Ludwiger maak sy debuut in die groen en goud vir die Suid-Afrikaanse o.20-manspan. Die atletiese Windhoeker met sy imponerende 1.95 m en 90 kg is as 'n voorspeler gekies.

Die voormalige hoofseun van Windhoek Gimnasium in 2018 het tevore by twee geleenthede vir Namibië op internasionale vlak rolskaatshokkie gespeel, maar het eers verlede jaar in Augustus die eerste keer yshokkie in Pretoria begin speel. Hy speel sedertdien vir die Pretoria Capitals-klub en het sodanig beïndruk dat hy die Suid-Afrikaanse span gehaal het.

Die SA manspan het hul toernooi gister teen Australië geopen (verloor 1-5) en speel vandag teen Turkye. Hul laaste groepwedstryd is Donderdag teen Chinese Taipei, voor die uitspeelwedstryde vir die finale plekke. Mexiko, Nieu-Seeland, Ysland en Bulgarye is die spanne in die ander groep.

Die SA o.20-vroue het in Desember aan die Liga III wêreldkampioenskap deelgeneem en het dié toernooi gewen. Gevolglik is daar waarskynlik ietwat van 'n “verwagtende druk” op die manspan vir 'n soortgelyke prestasie.

Von Ludwiger was in Oktober die slagoffer van 'n motorkaping op 'n snelweg naby Pretoria, terwyl hy en 'n oudskoolmaat en medestudent by Tuks, Trusty Kavezuva, na Namibië op pad was. Die gewapende boosdoeners, geklee in koeëlvaste baadjies, het hulle as polisiebeamptes voorgedoen en het die twee met 'n blou lig op die dak afgetrek.

Twee dae later het FlyWestair die twee kosteloos na Windhoek teruggebring.

Danilo se moeder, Birgitte, sê: “Beide Danilo en Trusty het gedurende hul vakansie van traumaberading gebruik gemaak. Hulle albei is nou in hul tweede jaar van mediese studies by Tuks en het reeds op 6 Januarie weer met klasse by die Universiteit van Pretoria begin.

“Niks van hul gesteelde besittings of dokumente, nóg die gesteelde voertuig, is tot dusver opgespoor nie. Alles moes vervang word. Die belangrikste is egter hul lewens en daarvoor bly ons oneindig dankbaar!”

Op 'n ligter noot was Danilo en die ander twee Von Ludwiger-broers, Andriko en Roman, in Desember saam lede van die wenspan by die Bank Windhoek Beach Bash strandvlugbaltoernooi by Langstrand.

Soortgelyk

 

69 nuwe gevalle stoot bevestigde gevalle op tot 1...

5 ure gelede | Gesondheid

Die aantal bevestigde Covid-19-gevalle in die land het vandag met 69 tot 1 687 opgeskuif. Volgens die minister van gesondheid en maatskaplike dienste (MoHSS) dr....

Covid-19-gevalle styg met 96 tot 1 618

1 dag gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê die aantal Covid-19-gevalle het met 96 tot 1 618 gestyg. Hiervan is 75...

Verkeer tussen Namibië, Kaap weens Covid-19 ontwrig

1 dag gelede | Vervoer

Ronelle Rademeyer - Vragverkeer tussen Namibië en die Wes-Kaap kan sedert Donderdagaand nie langs die kortste roete oor die Oranjerivier plaasvind nie, aangesien Suid-Afrika sy...

24-year-old ensuring safety via TaxiConnect

1 dag gelede | Mense

MICHELLINE NAWATISESTaxiConnect is a locally developed ride-hailing company founded in April 2020. TaxiConnect offers an interactive and smart technology of taxi booking for customers and...

Te min isolasie, suurstof vir Walvis se episentrum

1 dag gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

1 dag gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

1 dag gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

1 dag gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

1 dag gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....