Landdros, aanklaer klim in kryt
1Denver Kisting
'n Voorval waartydens 'n aanklaer Vrydag aan minagting skuldig bevind is, is besig om in 'n groter storm te ontaard.
Landdros Gerrit van Pletzen het Vrydagoggend vir mnr. Rowan van Wyk, 'n staatsaanklaer by die Windhoek-landdroshof, tot 30 dae tronkstraf gevonnis nadat hy hom aan minagting van die hof skuldig bevind het.
Luidens die hofrekords van die verrigtinge het 'n woordewisseling tussen die twee mans ontstaan oor waar 'n bedrogdossier was.
Van Wyk het glo gesê die aanklaer-generaal se beslissing in die bedrogsaak, wat Vrydag op die hofrol was, is steeds nie beskikbaar nie.
Van Pletzen het glo toe gesê Van Wyk impliseer daarmee dat die dossier nog by die aanklaer-generaal se kantoor lê.
Van Wyk het dit ontken waarna Van Pletzen volgens die hofrekords gesê het: “Meneer, deur te sê die beslissing is nie beskikbaar nie, impliseer direk die dossier ís by die aanklaer-generaal se kantoor en dat die vertraging daar lê. Ek wil niks verder hoor nie.”
Toe bars die bom met Van Wyk wat gesê het Van Pletzen beledig hom, waarna die landdros hom beveel het om niks verder kwyt te raak nie.
“Ek sal nie stilbly nie,” het Van Wyk glo voorts gereageer en verseg om stil te bly, waarna hy aan minagting skuldig bevind en 30 tronkstraf opgelê is.
Republikein verneem Van Wyk stem nie saam met wat die hofrekords aandui werklik Vrydag in die hof gebeur het nie.
Daar word aangevoer Van Pletzen het vir hom gesê om sy bek te hou (“shut up”) en dít het hom sodanig gegrief dat hy die landdros glo ingelig het sy gedrag is disrespekvol en onprofessioneel.
Na wat verneem word, beplan 'n aantal aanklaers verbonde aan dié hof om Van Pletzen by die landdrostekommissie te verkla omdat Vrydag se voorval na bewering geen geïsoleerde voorval is nie.
Van Pletzen het gistermiddag by navraag gesê Van Wyk lieg dat hy beveel is “om sy bek te hou”. “Ek het nooit vir hom gesê 'shut up' nie. Hy is 'n leuenaar.”
Toe Republikein hom oor die voorgenome klag teen hom inlig, het hy gesê: “Ag, laat hulle dit doen.”
Hy sê hy is keelvol daarvoor dat aanklaers die hof belieg wanneer hulle vra dat 'n saak opnuut uitgestel word. “Ek is onpopulêr omdat ek die enigste een is wat sê ek aanvaar dit nie.”
Trouens, sê hy, gaan hy vandeesweek sélf 'n ondersoek van stapel laat stuur oor aanklaers wat die howe onder wanindrukke bring.
Die staat het Vrydag reeds 'n prokureur aangestel om namens Van Wyk om borgtog aansoek te doen en 'n appèl namens die aanklaer teen die skuldigbevinding en vonnis te behartig.
Van Pletzen het hom toe hangende dié appèl, wat op Vrydag 27 Julie aangehoor sal word, op waarskuwing vrygelaat.
Van Wyk het gister aan Republikein gesê dit is die eerste voorval van só 'n aard waarby hy ingesleep word tydens die vyf jaar wat hy al aankla. “Ek het nog nooit so iets oorgekom nie.”
Wat hom betref, is sy bevoegdheid as aanklaer nog van krag en gaan hy vandag vir werk aanmeld.
'n Voorval waartydens 'n aanklaer Vrydag aan minagting skuldig bevind is, is besig om in 'n groter storm te ontaard.
Landdros Gerrit van Pletzen het Vrydagoggend vir mnr. Rowan van Wyk, 'n staatsaanklaer by die Windhoek-landdroshof, tot 30 dae tronkstraf gevonnis nadat hy hom aan minagting van die hof skuldig bevind het.
Luidens die hofrekords van die verrigtinge het 'n woordewisseling tussen die twee mans ontstaan oor waar 'n bedrogdossier was.
Van Wyk het glo gesê die aanklaer-generaal se beslissing in die bedrogsaak, wat Vrydag op die hofrol was, is steeds nie beskikbaar nie.
Van Pletzen het glo toe gesê Van Wyk impliseer daarmee dat die dossier nog by die aanklaer-generaal se kantoor lê.
Van Wyk het dit ontken waarna Van Pletzen volgens die hofrekords gesê het: “Meneer, deur te sê die beslissing is nie beskikbaar nie, impliseer direk die dossier ís by die aanklaer-generaal se kantoor en dat die vertraging daar lê. Ek wil niks verder hoor nie.”
Toe bars die bom met Van Wyk wat gesê het Van Pletzen beledig hom, waarna die landdros hom beveel het om niks verder kwyt te raak nie.
“Ek sal nie stilbly nie,” het Van Wyk glo voorts gereageer en verseg om stil te bly, waarna hy aan minagting skuldig bevind en 30 tronkstraf opgelê is.
Republikein verneem Van Wyk stem nie saam met wat die hofrekords aandui werklik Vrydag in die hof gebeur het nie.
Daar word aangevoer Van Pletzen het vir hom gesê om sy bek te hou (“shut up”) en dít het hom sodanig gegrief dat hy die landdros glo ingelig het sy gedrag is disrespekvol en onprofessioneel.
Na wat verneem word, beplan 'n aantal aanklaers verbonde aan dié hof om Van Pletzen by die landdrostekommissie te verkla omdat Vrydag se voorval na bewering geen geïsoleerde voorval is nie.
Van Pletzen het gistermiddag by navraag gesê Van Wyk lieg dat hy beveel is “om sy bek te hou”. “Ek het nooit vir hom gesê 'shut up' nie. Hy is 'n leuenaar.”
Toe Republikein hom oor die voorgenome klag teen hom inlig, het hy gesê: “Ag, laat hulle dit doen.”
Hy sê hy is keelvol daarvoor dat aanklaers die hof belieg wanneer hulle vra dat 'n saak opnuut uitgestel word. “Ek is onpopulêr omdat ek die enigste een is wat sê ek aanvaar dit nie.”
Trouens, sê hy, gaan hy vandeesweek sélf 'n ondersoek van stapel laat stuur oor aanklaers wat die howe onder wanindrukke bring.
Die staat het Vrydag reeds 'n prokureur aangestel om namens Van Wyk om borgtog aansoek te doen en 'n appèl namens die aanklaer teen die skuldigbevinding en vonnis te behartig.
Van Pletzen het hom toe hangende dié appèl, wat op Vrydag 27 Julie aangehoor sal word, op waarskuwing vrygelaat.
Van Wyk het gister aan Republikein gesê dit is die eerste voorval van só 'n aard waarby hy ingesleep word tydens die vyf jaar wat hy al aankla. “Ek het nog nooit so iets oorgekom nie.”
Wat hom betref, is sy bevoegdheid as aanklaer nog van krag en gaan hy vandag vir werk aanmeld.
Kommentaar
Republikein
Geen kommentaar is op hierdie artikel gelaat nie