Landbouleiers bespreek droogtehulp met !Naruseb

Ryno van der Merwe: Mediaberigte verwarrend

13 June 2019 | Landbou
Ronelle Rademeyer - Landbouleiers van die unies wat kommersiële boere en opkomende kommersiële boere verteenwoordig het gister met mnr. Alpheus !Naruseb, minister van landbou, water en bosbou, oor die verdeling van die beloofde N$573 miljoen se droogtehulp vergader.

Mnr. Ryno van der Merwe, president van die Namibië Landbou-unie (NLU), sê hy en die Namibië Opkomende Kommersiële Boere-unie (Necfu) se president, dr. Ndahafa Nghifindaka, het op 20 Mei aan !Naruseb geskryf om antwoorde op ‘n klomp vrae te kry.

“Ons het gesê ons wil presies weet hoe die hulp toegeken gaan word. Dit is nooit direk aan ons as kommersiële boere gekommunikeer nie en wat ons in die media lees, is verwarrrend,” sê hy.

Dit sluit in onduidelikheid oor die beloofde N$31,3 miljoen as aansporing vir die bemarking van vee, huur van weiding en vervoerkoste. Volgens die NLU se interpretasie is N$25 miljoen vir noodbemarking beskikbaar, maar dit is 'n druppel aan die emmer.

Verder kan boere wat meer as ‘n sekere getal vee verkoop het, nie vir die voer- en leksubsidies in aanmerking kom nie.

Van der Merwe wou nie gister die fyner besonderhede van die vergadering bespreek nie, aangesien !Naruseb onderneem het om ‘n nuusverklaring met die fyner besonderhede uit te reik.

“Wat wel insiggewend was, is dat die regering nog N$271 miljoen van die beloofde bedrag kortkom,” sê hy. Met die aankondiging van die droogtehulp is dit nie so uitgespel nie.

Die regering se latere voorstel oor ‘n vrywillige, eenmalige 2%-bydrae deur belastingbetalers van hul maandelikse inkomste om die tekort aan te vul, het ‘n storm onder Namibiërs ontketen.

Verskeie lande het reeds geld en voedselhulp gegee of beloof nadat pres. Hage Geingob in Mei ‘n noodtoestand afgekondig het.

Vanjaar se droogte word as die ergste in menseheugenis beskou – veral omdat weidingstoestande landswyd haglik is. Alle landboubedrywe buiten houtskoolproduksie steier onder die impak.

Soortgelyk

 

Dringende kragonderbreking op Rehoboth, Windhoek-suid

1 dag gelede | Energie

NamPower het aangekondig dat 'n kragonderbreking vandag vir Rehoboth en suidelike dele van Windhoek tussen 10:00 en13:00 geskeduleer is. "Die kragonderbreking is beplan sodat dringende...

Studente eindelik geholpe

1 dag gelede | Onderwys

Die Namibiese Nasionale Studenteorganisasie (Nanso) sê die 12 624 nuwe studente wat vanjaar aanvanklik nie finansiële hulp sou ontvang nie, gaan nou wel ondersteuning ontvang....

Kabinet sê ja vir Chinese tabakplaas

1 dag gelede | Ministeries

Ronelle RademeyerDie kabinet het die groen lig aan die Chinese tabakverbouer- en verspreider Namibia Oriental Tobacco gegee om 10 000 ha grond in 'n staatswoud...

Be­drog­saak sloer 7 jaar

1 dag gelede | Howe

Ronelle Rademeyer - Sewe jaar nadat ’n bedrogsaak van sowat N$4 miljoen teen twee voormalige boekhouers van Mariental aanhangig gemaak is, moes dié verhoor vandeesweek...

Kinderregte eerste!

1 dag gelede | Mense

Sondag word die Dag van die Afrikakind gevier. Daar is meer as 880 000 kinders jonger as 15 jaar in die land, toon die jongste...

'Nimt-moordenaar' sê sy bekentenis was vals

1 dag gelede | Howe

Erwin Leuchner op SwakopmundDie ambagsdosent wat aangekla is van die dubbele skokmoord op Arandis sê hy het net 'n bekentenis aan die polisie afgelê omdat...

Weer, Vrydag 14 Junie 2019

1 dag gelede | Weer

BINNELAND: Sonnig en koud tot warm in die Suide. Elders sal dit mooiweer en warm tot baie warm wees.KUS: Sonnig, winderig en warm tot baie...

Kalender 14 Junie

1 dag gelede | Kuns en vermaak

Nou aan die gang» Sluit by die Windhoek-DBV aan vir hul jaarlikse fondsinsameling vir troeteldiere sonder huise. Tydens Animals by Night sal talentvolle Namibiese...

Operasie Kalahariwoestyn eis eerste slagoffer

1 dag gelede | Polisie

Francoise Steynberg - Operasie Kalahariwoestyn het sy eerste slagoffer geëis toe ‘n taxibestuurder vroeg gisteroggend in die Greenwell Matongo-nedersetting in die Wanaheda-woonbuurt in die hoofstad...