Landbou-, suiwelbedryf in die knyp

‘Dringende nuwe planne nodig’

11 February 2020 | Landbou
Elvira Hattingh - Die voortslepende droogte, tesame met swak ekonomiese toestande, het Namibië se suiwelbedryf in ’n krisis gedompel – soveel so dat van die produsente die bedryf sal verlaat, sê die Suiwelprodusentevereniging.

Boonop hou die sluiting van die Hardapskema se besproeiingswater moontlik katastrofiese gevolge in, omdat suiwelprodusente op die skema sowat 80% van plaaslik geproduseerde melk verskaf.

Dit, aldus die Namibië Landbou-unie (NLU) se jongste nuusbrief. Suiwelprodusente sê verlede jaar was die volume plaaslike melkproduksie 9% swakker.

In 2018 is sowat 23 miljoen liter melk gelewer, waar net 21 miljoen liter verlede jaar gelewer is.

Ook dui die melkproduksiekoste-indeks aan suiwelprodusente se voerkoste het sedert 2018 met 13% gestyg, wat beteken hul uitgawes was hoër as hul inkomste.

REËNSEISOEN ONDERGEMIDDELD

Terselfdertyd toon rekords dat reën wat sedert die begin van Januarie geval het, nog nie ’n sterk positiewe invloed op die huidige reënseisoen gehad nie.

Inteendeel, die grootste dele van die land het tot dusver ’n ondergemiddelde of ietwat ondergemiddelde seisoen gehad – aldus ’n verslag wat Vrydag deur die ministerie van werke en vervoer se afdeling vir meteorologiese dienste uitgereik is.

Volgens die verslag het bonormale reëns gedurende Januarie in sekere dele in die ||Kharas-, Oshana-, Okavango- en Otjozondjupastreek voorgekom, maar groter dele van die land het ondernormale reën tussen Oktober verlede jaar en Januarie aangeteken.

Die suidelike en sentrale dele van die land het min tot geen reën van die tweede week in Januarie af ontvang.

Terselfdertyd, sê die ministerie, het swaar reënbuie binne 24 uur in Januarie op plekke soos Kahenge (90 mm), Koës (84 mm), Katima Mulilo (63,8 mm), Mukwe (63 mm) en Ncamagoros (59 mm) voorgekom.

Gemiddelde reëns het op plekke soos die suidelike en sentrale dele van die Otjozondjupastreek, die oostelike Zambezi-, oostelike Kavango-, Ohangwena-, Oshikoto-, suidelike Oshona- en oostelike Omusatistreek voorgekom.

NLU BESPREEK DROOGTE

Intussen is die droogte ook as dringende saak tydens die Namibië Landbou-unie (NLU) se afgelope bestuurskomitee-vergadering bespreek.

“Hoewel groot gebiede in die Noordelike kommersiële dele van die land reën ontvang het, ervaar die sentrale en suidelike dele van die land ’n ernstige krisis. Daarteenoor het produsente verlede jaar nog vee gehad om af te rond en te verkoop. Vanjaar is dringende nuwe planne nodig,” lui die NLU se jongste nuusbrief.

Die NLU het boereverengings versoek om steun te bied en bewus te wees van boere se emosionele en finansiële krisisse. Die NLU het ’n hulplyn vir lede wat in nood verkeer.

Terselfdertyd is planne bespreek om individuele, vertroulike steun te bied aan boere wat geldelike krisisse ervaar, terwyl die Dare to Care-projek dalk ná Maart 2020 weer in die lewe geroep sal word – dié keer om humanitêre hulp te verleen.

Die NLU wil ook nouer met die Namibië Boere-droogtehulpfonds se bestuurder, me. Henriette Le Grange (kor) saamwerk.

Daar is ook met die ministerie van landbou, water en bosbou oor die droogte vergader, wat insluit dat die huidige situasie onder oë geneem moet word, terwyl herstel ná die droogte asook ’n langtermyn- droogtestrategie bespreek is.

[email protected]

Soortgelyk

 

Ministerie bemagtig mans én vroue

47 minute gelede | Ministeries

Die algemene siening dat die ministerie van geslagsgelykheid en kinderwelsyn net vir vroue en kinders is, is onwaar en onproduktief. “Sommige mans dink hierdie ministerie...

Damme voller

11 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

11 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Weerlig slaan meisie (11) dood

11 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

11 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

NamWater to fix Opuwo’s supply woes

11 ure gelede | Plaaslik

Uakutura Kambaekua – Since 2017, Opuwo town has been faced with diminished water supply, a predicament blamed on high water loss in distribution systems, which...

Havana, Otjomuise powered by June

11 ure gelede | Energie

The ministry of urban and rural development has committed a total of N$14 million for electrification for the 2019/20 financial year, an amount that is...

A significant contributor to Namibia's economic landscape

11 ure gelede | Byvoegsels

Hangana Seafood (Pty) Ltd is a 100% Namibian-owned company, passionate about “Creating a future, enhancing life” for its employees, country and the people of Namibia....

Corona: Afrika 66% gereed

11 ure gelede | Gesondheid

Henriette Lamprecht – Afrika se algehele gereedheidsvlak vir die coronavirussiekte (covid-19) staan op 66%. Volgens dr. Matshidiso Moeti, die Wêreldgesondheidsorganisasie (WHO) se streeksdirekteur vir Afrika,...