Laerskoolspannetjie deur die bank uitgerus

13 August 2019 | Sport
Die Primêre Skool Wilhelm Nortier het die afgelope jare sake in die onder 11- en o.13-sokkerligas in Grootfontein oorheers en het gevolglik goeie getalle opgelewer wanneer die sone- of streekspanne vir o.13's gekies is.

“Ons was ook deurlopend gelukkig dat jaarliks een of twee van ons spelers in die NSSU se nasionale span gekies is,” sê mnr. Christoph Murangi, die afrigter en sportorganiseerder van die skool.

Ondanks die toewyding van spelers en afrigters is egter in die afgelope twee jaar 'n afname in die getalle sokkerspelers gesien.

“Ons het besef dat ons spelers nie die tegniese vaardighede en taktiese dissipline gehad het om in ons jong onder 11-sokkerspan suksesvol te wees nie.

“Ons plaaslike ligas vir laerskole maak net voorsiening vir o.11 en jonger as 13 jaar. Op 'n vergadering het ons besluit om met ons spelers so jonk as sewe jaar te begin oefen, met die hoop om hulle te help om die nodige vaardighede aan te leer teen die tyd dat hulle tien jaar bereik,” sê Murangi.

Die skool het onlangs sokker bygevoeg by sy Sportdag-program, wat tevore net 'n dag vir netbal en rugby was.

“Ons het die primêre skole Luiperdheuwel (Grootfontein) en Donatus (Otjiwarongo) genooi om aan ons mini-sokkerfees deel te neem, wat deur die onder 7- en o.9-seuns gespeel is.

“Ek kan getuig dat die dag 'n groot sukses was en ons hoop om dit in die toekoms nog beter te maak.

“Dit alles het my geïnspireer om aan die deur te klop van me. Tanja de Jager, takbestuurder van FNB Grootfontein, want ons seuns het nie sokkeruitrusting om in te speel nie.

“Ons verstaan dat korporatiewe ondernemings soos FNB Namibia verskeie keuses het wanneer hulle oorweeg om borgskappe en geleent­hede vir gemeenskapsprojekte goed te keur en ek is baie dankbaar dat hulle ingestem het om ons o.9 sokker­seuns met uitrusting te borg.

“Ondanks die moeilike ekonomiese tye in Namibië, is ons gelukkig in ons dorpie Grootfontein om ondernemings soos FNB Namibia en dr. David Nkwanga Mondo, 'n algemene praktisyn, te hê wat altyd bereid is om terug te ploeg in die gemeenskap en 'n proaktiewe rol in jeugsportontwikkeling te neem.

“Ons waardeer hul goeie gebaar en doen 'n beroep op sakelui en ondernemings in Grootfontein om die voorbeeld te volg, aan boord te kom en te help waar hulle kan en hulself daartoe te verbind om 'n positiewe impak op jeugontwikkeling te hê.”

Mnr. Greg Pollmann, mede-afrigter en onderwyser, sê: “Namens almal by die Laerskool Wilhelm Nortier wil ek my hartlike dank uitspreek vir die ruim borgskap van FNB. Ons sal tyd en hulpbronne in ons jong talent belê, want dit is ons plaaslike sokkersterre. ”

Stuward Schuster, die onder 9 spankaptein, sê: “Ons is baie bly dat ons nuwe sokkertruie van FNB ontvang het. Ons sal altyd ons bes doen en sal ons skool of borg nooit in die steek laat nie.”

Soortgelyk

 

Windhoek se beursie leeg

6 ure gelede | Regering

Denver Kisting – Die verlies van die Windhoekse stadsraad (CoW) vir sy 2018-boekjaar is ’n kortkop duskant ’n miljard – meer as N$814,4 miljoen.Dié bedrag...

Man sterf in bootbrand

6 ure gelede | Ongelukke

‘n Brand wat Saterdagoggend op die Ocean Tide-stokvisboot ontstaan het, het die lewe van ‘n man geëis, het die polisie gister bevestig. Die boot was...

Henties hou weer dié fees

6 ure gelede | Byvoegsels

Die organiseerders van die Hentiesfees sê vanjaar sal daar nog meer besoekers by die geleent­heid as vorige jare wees. Op 23 en 24 Augustus gaan...

Weer, Maandag 19 Augustus 2019

6 ure gelede | Weer

BINNELAND: Gedeeltelik bewolk en warm in die Verre Suide. Elders sal dit sonnig en warm tot baie warm met winderige toestande wees.KUS: Gedeeltelik bewolk en...

Nida moet sê oor groot geld

6 ure gelede | Plaaslik

Augetto Graig – Die soeklig val vanmiddag op die geldsake van die enorme agentskap vir nywerheidsontwikkeling in Namibië (Nida) wat in beheer van sowat N$2...

Opposisie: Verwyder Katrina

6 ure gelede | Politiek

Catherine Sasman – Die jeugliga van die Popular Democratic Movement (PDMYL) het ‘n beroep gedoen dat die veroordeelde oudgoewerneur van die Hardapstreek en oudminister van...

Raak liries oor 'Suidwes'

6 ure gelede | Byvoegsels

Die vyftiental Suid-Afrikaanse ­musikante wat die verhoog gaan deel by hierdie jaar se Hentiesfees, sluit onder andere die sangeres Jezelle, bekend vir haar liedjie “Suidwes”,...

Henties Bay is where /Honeb's heart is

6 ure gelede | Byvoegsels

There is much more to Henties Bay than it simply being known as fishing haven, holiday resort and a retirement village, says the mayor of...

Feesprogram

6 ure gelede | Byvoegsels

Vrydag 23 Augustus 2019 09:00 Hekke open ...