Laat koppe rol - Jooste, SPYL

‘Verwyder hulle van partylys’

18 November 2019 | Politiek
Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.

Nadat die beleërde minister van visserye en mariene hulpbronne, mnr. Bernard Esau, en die minister van justisie, mnr. Sacky Shanghala, skynbaar onder dwang hul bedankings ingedien het ná die onthullings dat hulle omkoopgeld ontvang het vir viskwotas aan die Yslandiese maatskappy Samherji, het die minister van staatsondernemings, mnr. Leon Jooste, aangedring dat een van hul medebeskuldigdes ook uit sy pos verwyder word.

Jooste het Vrydag voorgestel dat mnr. James Hatuikulipi as raadslid van Fishcor en enige filiaal van die maatskappy onmiddellik verwyder moet word.

Jooste dring aan dat enige vorm van volmag van Hatuikulipi herroep word, insluitend enige ondertekeningsbevoegdhede by finansiële instellings.

Hy dring ook aan dat die uitvoerende hoof van Fishcor, mnr. Mike Nghipunya, uit sy pos ontslaan en ‘n bevoegde persoon in sy plek aangestel word.

Die Swapo-jeugliga dring ook aan op ‘n ondersoekende kommissie om agter die kap van die byl van die vis-skandaal te kom.

Die liga sê alle toekennings van viskwotas in 2018 moet gekanselleer word omdat die proses nie vertrou kan word nie.

Die SPYL se woordvoerder, mnr. Gerson Dumeni, het gesê die liga dring ook aan dat alle kandidate op die Swapo-partylys wat in korrupsiesake geïmpliseer is, van die lys verwyder word.

Voorts sê die liggaam dat viskwotas nie aan individue toegeken moet word nie, maar eerder aan streeksrade en plaaslike owerhede waardeur ‘n groter gedeelte van die Namibiese nasie baat daaruit kan kry.

Jooste sê daar is ‘n algemene miskonsepsie onder Namibiërs oor berigte van korrupsie waaroor die afgelope vier jaar berig is. Hy sê die regering, en veral president Hage Geingob, is onredelik gekritiseer dat hy nie sterk genoeg teen korrupsie optree nie.

Jooste sê sedert 2015 is daar drie groot stappe gedoen op korrupsie die nek in te slaan.

Dít, sê hy, sluit in die sentralisering van die regering se beleid op staatsaankope, wat volgens hom beslis onreëlmatighede gaan beperk.

“Die doeltreffendheid van die proses moet verbeter, maar die werklikheid is dat die lae inkoop en die gebrek aan nakoming van sekere instellings die doeltreffendheid van die prosesse beïnvloed het, terwyl 'n mate van onbehoorlike kritiek teen die Raad op Openbare Verkryging gelewer is,” het Jooste gesê.

Hy sê die wet op openbare-private vennootskappe gaan voorts die kommersiële werksaamhede van semi-staatsinstellings bepaal.

‘n Derde element om korrupsie te beveg, sê hy, is die totstandkoming van die ministerie van staatsondernemings en die goedkeuring van die hibriedbestuursmodel.

Oor die toekoms van Fishcor het Jooste gesê die maatskappy kan gebruik word as ‘n effektiewe, kommersiële instrument om plaaslike deelname in die visbedryf te bewerkstellig.

Hy sê dit is noodsaaklik om ‘n model te konsepsualiseer waar ware breë-gebaseerde waardetoevoeging op lang termyn bereik word uit die opbrengs van die land se natuurlike hulpbronne.

Soortgelyk

 

Harte en hande oop

2 ure gelede |

Leandrea Louw op Walvisbaai – Namibiërs van oraloor het gister hul hande diep in hul sakke gesteek om inwoners van Walvisbaai by te staan wat...

The humble Chef Honey

2 ure gelede | Mense

Justicia Shipena Well-known as Chef Honey, 23-year-old Patrica Doeses strives for a better community. She matriculated from Amazing Kids Private School and Academy,...

'Ons wag nie vir virus om te verdwyn'

2 ure gelede | Gesondheid

Leandrea Louw – Dit is nie nou die tyd om vinger te wys nie, maar eerder vir alle partye om saam te werk. “Die...

Weer, Dinsdag 28 Julie 2020

2 ure gelede | Weer

BINNELAND: Gedeeltelik bewolk en matig in die Suide; elders sonnig en matig tot warm.KUS: Gedeeltelik bewolk en warm tot baie warm met miskolle in die...

Sowat sestig persent van kapitaalprojekte onvoltooid

2 ure gelede | Infrastruktuur

Kristien Kruger – Die minister van werke en vervoer, mnr. John Mutorwa, het gister in Windhoek die media asook lede van die departemente oor die...

'Horingsmokkelaar' by Vioolsdrif-grenspos vas

2 ure gelede | Misdaad

Francoise Steynberg – 'n Man met dubbele burgerskap en twee identiteite wat met die rooftog van 33 renosterhorings uit 'n kluis in 'n huis op...

WorldSkills Africa postponed

2 ure gelede | Plaaslik

Justicia Shipena The Namibia Training Authority (NTA) last Monday announced the postponement of WorldSkills Africa 2020 (WSA2020) competition, which was slated to take...

Regering slag gans wat goue eiers lê

2 ure gelede | Landbou

Dr. Kobus Laubscher – Die impak van die uitgerekte droogte in sekere dele van Suid-Afrika skrei teen die voortydige opheffing van die noodtoestand en laat...

Dagboek vir die landbouer

2 ure gelede | Landbou

Agra ProVision se kortkursusse• 3-4 Augustus: Lewendehaweproduksie in Winddoek• 5-6 Augustus: Hidroponika & Akwaponika in Windhoek• 11-12 Augustus: Hidroponika & Akwaponika op Walvisbaai/­Swakopmund.• 8-19 Augustus:...