Laaste CLaSH-kalender bekend gestel

14 September 2017 | Gebeure
Maria Eiseb



Die Vereniging vir Kinders met Taal-, Spraak- en Gehoorgestremdhede in Namibië (CLaSH) het die finale weergawe van hul 2018-­kalender in die hoofstad bekend gestel.

By die geleentheid het me. Heidi Beinhauer, CLaSH se direkteur, gesê dit is die laaste keer dat die kalender gedruk sal word met sowat N$55 000 se ondersteuning van die Padfonds­administrasie (RFA).

Beinhauer het gesê die eerste twee uitgawes kon die vereniging self finasier, maar daarna moes hulle hulp inroep. Mnr. Rianus !Gonteb, uitvoerende hoof van programbestuur en beleidsadvies, het vir mnr. Ali Ipinge, uitvoerende hoof van die RFA, verteenwoordig en gesê hul maatskappy het 'n maatskaplike strategie om die minderbevoorregtes, insluitende bejaardes, vroue en kinders te help.

Hulle ondersteun ook onderwys en opleiding, veral op die gebied van ingenieurswese en finansies, het !Gonteb gesê.

“Ons is bly om CLaSH te ondersteun. Dit sal nie die einde van die vriend­skap wees nie, dis maar net die begin,” het hy gesê.

Mnr. Roland Graf, ontwerper en jare­lange vriend van CLaSH, sê hy het destyds, toe hy begin het om die vereniging se kalender te ondersteun, tegniese uitdagings ervaar.

Hy sê die kinders is vir hom “besonders en wonderlik”.

“Hulle het later vir my soos my eie kinders gevoel. Dit was 'n plesier om saam met hulle te werk,” het Graf gesê.

Beinhauer het gesê daar is verskeie redes waarom volgende jaar se kalender die laaste sal wees.

Een van die redes is dat mense meer van moderne tegnologie gebruik maak, soos hul selfone, as van gedrukte kalenders, wat verkope belemmer.

“Deesdae is die mark nie soos dit in die verlede was nie, en dis hoekom die vereniging besluit het dit sal die laaste keer wees om die kalender te druk,” het sy gesê.

Soortgelyk

 

Theo Mujoro is nuwe hoof van verkiesings

16 ure gelede | Politiek

Mnr. Theophilus (Theo) Mujoro is vanaf 1 September vanjaar vir ‘n tydperk van vyf jaar aangestel as die nuwe hoof verkiesingsbeampte van die Verkiesingskommissie van...

Nuwe spoedkameras getoets

17 ure gelede | Infrastruktuur

Die Namibiese polisie se verkeersbeamptes toets van gister af die werking van nuwe spoedkameras op Namibië se hoofpaaie. Veral in die Erongo- en Otjozondjupastreek word...

Onderwys: ‘Gebruik wat julle het om fondse in te...

18 ure gelede | Onderwys

Die minister van onderwys, kuns en kultuur, me. Katrina Hanse-Himarwa het ’n beroep op skole gedoen om beskikbare middele te gebruik om fondse vir hul...

Otjomuru-kliniek aan regering oorhandig

18 ure gelede | Gesondheid

Die Otjomuru-kliniek naby die Otjomuru-nedersetting sowat 27 km oos van Okangwati in die Kunenestreek, is aan die regering oorhandig. Die konstruksie van die kliniek was...

Nuwe visekanselier vir Unam

18 ure gelede | Onderwys

Die Universiteit van Namibië (Unam) sal voorleggings deur die vier kandidate vir die universiteit se visekanselierspos regstreeks op YouTube, Twitter, Facebook en hul webwerf uitsaai.Die...

Windhoek se krane dalk oor twee seisoene leeg ...

1 dag gelede | Omgewing

Elvira Hattingh - Windhoek het genoeg water om twee reënseisoene te dek, indien dit bykomende waterbronne in die Noorde, asook die Windhoek-akwifer onvolhoubaar gebruik én...

Wag die Skedelkus op Harry en sy bruid?

1 dag gelede | Toerisme

Des Erasmus - Prins Harry-koors teister die gebied tussen Hentiesbaai en die monding van die Kunenerivier op die noordgrens en die ooreenstemmende leeu- en renosterwêreld...

Weer vir 22 Junie 2018

1 dag gelede | Weer

BINNELAND: Koud aanvanklik in die binneland. Dit sal gedeeltelik bewolk en warm tot baie warm oor die verre Noordooste en die Khomasstreek wees. Elders sal...

Fosfaat-debat begin oor

1 dag gelede | Omgewing

Augetto Graig - Die ontginning van fosfaat op Namibiese seebodem is vir eers van die baan af. Die minister van die omgewing en toerisme,...