Kêrel verwurg, begrawe eksmeisie glo

14 February 2018 | Misdaad
Henriette Lamprecht



In nog 'n voorval van geslagsgeweld is 'n jong onderwyseres die naweek na bewering deur haar kêrel in die noorde van die land vermoor. Die 26-jarige me. Cecilia Muropua is glo Sondag­oggend vroeg deur haar kêrel op Divundu verwurg en is glo later kilometers verder in 'n vlak graf by Rundu begrawe.

Die 32-jarige verdagte het glo Saterdagaand uit Rundu by Cecilia se woonstel in Divundu opgedaag. Die paartjie het glo in 'n woordewisseling betrokke geraak, met vriende van Cecicilia wat later aan haar familie sou sê dit het geklink of sy in pyn was. By nadere ondersoek deur bekommerde vriende en familie die volgende dag was Cecilia se woonsteldeur gesluit.

Die polisie se hulp is ingeroep om die deur oop te breek en daar was glo tekens van 'n struweling in die woonstel.

Cecilia se kêrel het ná ondervraging deur die bekommerde familie oor waar sy haar bevind, glo erken hy het haar verwurg.

Die verdagte het glo ook 'n skulderkenning aan die polisie gemaak.

Volgens hom het die woordewisseling gegaan oor iets wat hy op Cecilia se selfoon gesien het.

Hy het haar toe glo verwurg, die liggaam in sy motor se kattebak gelaai en die meer as 200 km na Rundu teruggery waar hy eers gestop het om 'n graaf by sy huis te kry.

Cecilia se lyk is in die dorp se nywerheidsgebied tussen bosse begrawe. Haar liggaam was na bewering halfnaak en sy het glo net 'n lyfkous aangehad.

Volgens 'n familielid het Cecilia en die verdagte 'n onstabiele verhouding gehad en het sy na bewering reeds 'n geruime tyd gelede die verhouding beëindig.

Die verdagte het haar egter glo steeds meedoënloos gevolg en probeer om die verhouding te hervat.

Die moord is deur die woordvoerder van die Namibiese polisie, adj.komm. Edwin Kanguatjivi, bevestig.

Volgens Kanguatjivi sal die verdagte in die landdroshof op Rundu op aanklagte van moord, verkragting, dwarsboming van die gereg asook die skending van 'n menslike liggaam verskyn.

Intussen berig Denver Kisting 'n rusie tussen twee vriendinne het glo gisteroggend vroeg tot die dood van 'n jong vrou in 'n Windhoekse voorstad gelei.

Volgens hoofinspekteur Kauna Shikwambi van die polisie se skakelafdeling het me. Denise Willemse (22) na haar kamer teruggekeer nadat sy en die verdagte glo elders stry gekry het.

Teen 01:54 het die verdagte Willemse glo tot by haar huis in Okuryangava in Katutura agtervolg, oor die heining gespring en haar met 'n mes toegetakel.

Willemse het na wat verneem word op die toneel aan haar borswonde beswyk.

Haar naasbestaandes is volgens Shikwambi reeds van haar dood verwittig. 'n Verdagte (25) is sedertdien weens die moord aangekeer en sal eersdaags in die hof verskyn. Shikwambi sê in dié stadium is die rede vir die stryery tussen die twee vroue nog onbekend. Die polisieondersoek duur voort.

Soortgelyk

 

Hare waai by skolerugby

1 uur gelede | Plaaslik

“Monré is nie 'n m*ffie nie. Hy is nie 'n ou wat kla oor dit of oor dat nie. Maar hy was só geskok en...

Kerk hou lidmate glo agter slot en grendel

1 uur gelede | Plaaslik

Augetto Graig en Ronelle RademeyerDie Namibiese polisie was tot laat gister nog besig om lidmate te ondervra oor vermeende ongerymdhede by die kerk van die...

Internasionale ruimtestasie kom wéér

1 uur gelede | Wetenskap

Elvira Hattingh Windhoekers wat die daaglikse verskyning sedert Saterdag van die internasionale ruimtestasie bo die stad gemis het, moet môre om 19:36 wéér opkyk,...

Weer vir 21 Augustus 2018

1 uur gelede | Weer

WEERWAAK: Koue toestande word vandag oor die Suide verwag.BINNELAND: Gedeeltelik bewolk en koud tot matig in die Suide, met 'n paar ligte neerslae wat...

Drie verskyn vir Doll-aanval

1 uur gelede | Howe

Henriette Lamprecht – Drie mans wat na bewering verlede week ’n boer wreedaardig in sy plaasopstal aangeval het, bly agter tralies. Mnre. Laurence Aib (25),...

Matriekpartytjie eindig in tragedie

1 uur gelede | Ongelukke

Francoise SteynbergDit is maar die begin van matriekafskeidfunksies lands­wyd en drie Suide-seuns het Saterdag ná 'n partytjie op Keetmans­hoop gesterf.In twee afsonderlike voorvalle is 'n...

Swapo-boek verkoop soos soetkoek

1 uur gelede | Kuns en vermaak

Denver Kisting – Volgens plaaslike boekwinkels kan hulle nie met die pas verskene boek Swapo Captive: A comrade’s experience of betrayal and torture voorbly nie.In...

Polisie ontplooi vir padveiligheid

1 uur gelede | Polisie

Die inspekteur-generaal van die Namibiese polisie, lt.genl. Sebastian Ndeitunga, het as deel van 'n 12 maande lange nasionale padveiligheidsoperasie opdrag gegee dat polisiebeamptes langs die...

'Breek heinings af, beskerm wild'

1 uur gelede | Omgewing

Francoise Steynberg Volgens navorsers van die Groter Sossusvlei-Namib Landskapprojek (GSNL) sou gemsbokke, springbokke en bergsebras oor 'n groter gebied beweeg het as dit nie vir...