Koue goues voor jou oë gebrou
’n Windhoekse hotel, restaurant en konferensiesentrum maak sy eie bier volgens die Reinheitsgebot met net die beste mout en hop uit Duitsland.
Tanja Bause – Sowat 20 jaar gelede het mnr. Torsten Krumnow en me. Terri Low die Roof of Africa-hotel, -restaurant en -konferensiesentrum begin bedryf.
Afgesien van die restaurant is daar 27 kamers, konferensiegeriewe, ’n mikrobrouery én ’n slaghuis, wat die restaurant en kroeg van voorraad verskaf.
Die brouery is in Januarie 2018 aangebring, omdat Krumnow jare lank na regte pilsener-bier op soek was, en net lager-bier in Namibië beskikbaar was.
Twee jaar gelde is herstelwerk by Roof of Africa gedoen en terselfdertyd is ’n klein broukamer agter glas aangebring.
“Ons brou ses dae ’n maand bier en gaste kan die proses dophou. Hulle kan hier sit en ’n bier geniet, terwyl hulle kyk hoe dit gebrou word,” het hy gesê.
Krumnow het twee jaar lank oorweeg om sy eie bier te brou.
Hy het na Oostenryk gereis om die kuns van bierbrou te bestudeer.
Roof of Africa se bierbrou-toerusting is ook uit Oostenryk afkomstig en plaaslik laat installeer.
Die bier word volgens die Reinheitsgebot met net die beste mout en hop uit Duitsland gebrou. Ook die water word gefiltreer en dan met Naukluft-mineraalwater gemeng.
Tans word vier verskillende biere volgens die verskaffer van die brouery-toerusting se resep gebrou.
“Ons brou die Roof Draught, Roof Draught wat nie gefiltreer is nie, Roof Pilsener en Roof Dark Lager.”
“Die pilsener is nie so bitter soos dit waaraan ek gewoond is nie, maar die voordeel van ons brouery is dat ons ons bier volgens ons kliënte se smaak kan aanpas.”
Die bier word 12 ure lank in die vertoonbrouery gebrou voor dit na die kelder gepomp word, waar dit vir ses tot agt weke in vatte gis.
Dan word die bier na verskillende stoorvatte gepomp en van hier af is dit direk met ’n pyp aan die kraan in die kroeg gekoppel.
“Die bier het geen kontak met die buitewêreld tot dit in die glas is nie, en niks word bygevoeg nie. Dit word ook voortdurend koud gehou. Langs die vier bierpype wat na die kroeg lei, is twee yspype wat verseker dit bly koud.”
Roof of Africa se bier word slegs vir verbruik in die kroeg en restaurant gebrou en glad nie gebotteleer nie.
Maar dit is nie net Roof of Africa se bier wat tuisgemaak is nie. Op die perseel is ook ’n slaghuis wat alle vleissnitte, wors, ham, spek en polonies maak.
“Ons koop die bees of wildsvleis direk by die boer. Ek ken die boer persoonlik en weet presies wat ek kry. Die hele karkas word hier in ons slaghuis opgesny en verwerk,” het Krumnow gesê.
’n Duitse slagmeester sny die karkasse eenmaal ’n week op en maak wors.
“Ons maak byvoorbeeld ’n sampioenwors, lewerwors, bratwurst en wienerwurst. Ons gebruik alles. Die bene word vir souse, soppe en aftreksel gebruik. Daar bly niks van die karkas oor wanneer ons daarmee klaar is nie.
“Ons koop niks meer aan nie. Alle vleis wat met ontbyt bedien word, kom uit ons eie slaghuis. So ook alles wat met middag- en aandete bedien word.”
Die restaurant is sewe dae ’n week vir die publiek oop.
Funksiegeriewe vir tot 200 gaste is ook beskikbaar.
Afgesien van die restaurant is daar 27 kamers, konferensiegeriewe, ’n mikrobrouery én ’n slaghuis, wat die restaurant en kroeg van voorraad verskaf.
Die brouery is in Januarie 2018 aangebring, omdat Krumnow jare lank na regte pilsener-bier op soek was, en net lager-bier in Namibië beskikbaar was.
Twee jaar gelde is herstelwerk by Roof of Africa gedoen en terselfdertyd is ’n klein broukamer agter glas aangebring.
“Ons brou ses dae ’n maand bier en gaste kan die proses dophou. Hulle kan hier sit en ’n bier geniet, terwyl hulle kyk hoe dit gebrou word,” het hy gesê.
Krumnow het twee jaar lank oorweeg om sy eie bier te brou.
Hy het na Oostenryk gereis om die kuns van bierbrou te bestudeer.
Roof of Africa se bierbrou-toerusting is ook uit Oostenryk afkomstig en plaaslik laat installeer.
Die bier word volgens die Reinheitsgebot met net die beste mout en hop uit Duitsland gebrou. Ook die water word gefiltreer en dan met Naukluft-mineraalwater gemeng.
Tans word vier verskillende biere volgens die verskaffer van die brouery-toerusting se resep gebrou.
“Ons brou die Roof Draught, Roof Draught wat nie gefiltreer is nie, Roof Pilsener en Roof Dark Lager.”
“Die pilsener is nie so bitter soos dit waaraan ek gewoond is nie, maar die voordeel van ons brouery is dat ons ons bier volgens ons kliënte se smaak kan aanpas.”
Die bier word 12 ure lank in die vertoonbrouery gebrou voor dit na die kelder gepomp word, waar dit vir ses tot agt weke in vatte gis.
Dan word die bier na verskillende stoorvatte gepomp en van hier af is dit direk met ’n pyp aan die kraan in die kroeg gekoppel.
“Die bier het geen kontak met die buitewêreld tot dit in die glas is nie, en niks word bygevoeg nie. Dit word ook voortdurend koud gehou. Langs die vier bierpype wat na die kroeg lei, is twee yspype wat verseker dit bly koud.”
Roof of Africa se bier word slegs vir verbruik in die kroeg en restaurant gebrou en glad nie gebotteleer nie.
Maar dit is nie net Roof of Africa se bier wat tuisgemaak is nie. Op die perseel is ook ’n slaghuis wat alle vleissnitte, wors, ham, spek en polonies maak.
“Ons koop die bees of wildsvleis direk by die boer. Ek ken die boer persoonlik en weet presies wat ek kry. Die hele karkas word hier in ons slaghuis opgesny en verwerk,” het Krumnow gesê.
’n Duitse slagmeester sny die karkasse eenmaal ’n week op en maak wors.
“Ons maak byvoorbeeld ’n sampioenwors, lewerwors, bratwurst en wienerwurst. Ons gebruik alles. Die bene word vir souse, soppe en aftreksel gebruik. Daar bly niks van die karkas oor wanneer ons daarmee klaar is nie.
“Ons koop niks meer aan nie. Alle vleis wat met ontbyt bedien word, kom uit ons eie slaghuis. So ook alles wat met middag- en aandete bedien word.”
Die restaurant is sewe dae ’n week vir die publiek oop.
Funksiegeriewe vir tot 200 gaste is ook beskikbaar.
Kommentaar
Republikein
Geen kommentaar is op hierdie artikel gelaat nie