Koëspan brul hard vir 35ste jaar

Veldrenne

12 July 2019 | Sport
Tielman van Lill - Die jaarlikse Koëspan-veldren is die afgelope naweek in die suide van Namibië tussen die Kalahari-duine met 'n reuse-sukses onder die vaandel van die Namibiese Motorsportfede­rasie (NMSF) vir kwads, verskillende motorfiets­afdelings en karre gehou.

Rickus Vermeulen wat aan die stuur van sake gestaan het, sê die byeenkoms het 46 inskrywings vir die amptelike ren vanuit Suid-Afrika en Namibië ontvang. Ses spesiaal geboude voertuie, drie Sandmasters en ses 4x4-bakkies het vir die motorklas ingeskryf.

Die motorfietsryers kon in die junior (6 deelnemers), 500 cc- (12), 250 cc- (vier) en kwadsafdeling (ses), asook die kategorie vir padwaardige veeldoelige sportmotorfietse (drie) inskryf.

Die groot uitdaging wat gewoonlik op die Vrydag afgehandel word, het in die verlede uit drie rondtes van 40 kilometer bestaan. Die trajek is reeds vir 'n paar jaar in gebruik en welbekend onder die gereelde deelnemers, wat enige besoeker vir die eerste keer beslis sou benadeel het.

'n Plan moes gemaak word en vanjaar het die organiseerders besluit om die speelveld vir almal meer gelyk te maak. 'n Nuwe pad van 66 km is dus uitgelê wat volgens die “rally raid”-beginsel gejaag moes word. Die juniors in die motorfietsafdeling moes net twee rondtes van 12 km aandurf.

Toe die stof ná Vrydag se aksie gaan lê het, kon deelnemers en toeskouers rustig kuier en die prysuitdeling is afgehandel.

Saterdag was natuurlik die dag waarop die manne mekaar met talle uitdagings op sosiale vlak die stryd aangesê het en 'n heerlike naweek kon afgesluit word nadat die enjins stil geword het.

Met die sosiale kompetisie van Saterdag kon manne jarelange vriend­skappe voortsit, terwyl onderlinge mededinging in die kwartmyl-sleepren op die pan, duinklim en miniveldren tot die uiterste geneem is.

Vermeulen sê die kompetisie is moont­lik gemaak deur Total Namibië, FNB Mariental, Mariental Toyota en CH Civils wat die hoofborge was.

“Die naweek was 'n ongelooflike sukses. Nadat ons aanvanklik getwyfel het hoe die bywoning weens die huidige finansiële knyptang gaan wees, was hier verskriklik baie mense wat deelgeneem en kom kuier het. Saterdag alleen is duisend mense deur die hekke.

“Ek was nog nie by vrees­lik baie van die ander veldrenbyeenkomste in Namibië nie, maar wat ek van die ander ouens hoor wat hier was en wat weet, hap-hap ons beslis aan die voorreg om onsself as die grootste veldrenbyeenkoms in die land te sien.

“Ons bedank elke deelnemer, toeskouer, mense wat gehelp het, die organiseerders en dan natuurlik ons borge Total, Toyota, FNB en CH Civils wat die naweek moontlik gemaak het,” het Vermeulen aan die koerant gesê.

Die voorste uitslae:



MOTORFIETSE (3x66 km).

250 cc: 1 Dirk Hohmeier, 2 William Smith, 3 Cilliers Marais, 4 Emil Duvenhage.

500 cc: 1 Martin Louwrens, 2 Wayne Schablinsky, 3 Heinz Ernie, 4 Ruan de Lange, 5 Bruno Kircher.

Kwads: 1 Clive Crouse, 2 Hanno Moller, 3 Thomas Potgieter, 4 Pieter Rossouw.

Veeldoelige sportmotorfietse: 1 Dirk Trümer, 2 Werner Schulz.

Juniors (2x12 km): 1 André Barnard, 2 Leehan van der Walt, 3 Marco Conradie, 4 Albert Kriel.



KARRE (3x66 km)

Doelgeboude veldvoertuie: 1 Tinus Cloete, 2 Harry Moths, 3 Danie Retief, 4 Piet Retief. Sandmasters: Geen deelnemer kon die strawwe roete voltooi nie.

4x4-voertuie: 1 Johan Engels, 2 Dawid de Bruyn, 3 Bonzai Combrinck, 4 Jan Liebenberg.

Soortgelyk

 

Geingob: Kabinet sien mense se woede oor kurrupsie

1 dag gelede | Regering

Pres. Hage Geingob het vanoggend vanjaar se die laaste kabinetsvergadering gelei.Hy sê die land se topleierskap is bewus van die huidige korrupsiestorm in die visbedryf,...

Von Bach, Daan Viljoen kry water

1 dag gelede | Omgewing

Die Von Bachdam is nou 2,5% voller as Maandag. Teen 09:00 vanoggend het 3,4 m³ water die dam elke sekonde binnegevloei. NamWater het pas ’n...

NHE to build houses in informal settlement

2 dae gelede | Infrastruktuur

The National Housing Enterprise (NHE) has embarked on a pilot study for the construction of houses for qualified land owners living in informal settlements.Speaking at...

Crafting a future

2 dae gelede | Mense

Elizabeth JosephFrancois Wahl studied B.Acc at Stellenbosch University and is a qualified chartered accountant. Since taking the seat as the CEO of Nictus Furnishers, he...

Oordragplanne van Hatuikulipi’s gefnuik

2 dae gelede | Misdaad

Ronelle Rademeyer - Die Teenkorrupsiekommissie (ACC) het gistermiddag by die aktekantoor in Windhoek beslag gelê op dokumente vir die oordrag van 15 deeltiteleenhede op Swakopmund...

Waarskuwing: Swaar storms tot Saterdag

2 dae gelede | Weer

Elvira Hattingh - Terwyl ’n vrou van Otjiwarongo Woensdag gesterf het toe reënwater haar meegesleur het, waarsku die Namibiese weerkantoor nog swaar storms kan tot...

Highly mechanised

2 dae gelede | Mense

Justicia Shipena Vivacious Marco Swart is a mechanical technician in the packaging engineering department at Namibia Breweries Limited (NBL) - a subsidiary of the Ohlthaver...

Compassion is the new fashion

2 dae gelede | Mense

Evany van WykMarizelle Pienaar lives by the motto, “the more you have to do, the more you get done.” She believes in being a balanced...

Never say never

2 dae gelede | Mense

Mariselle StofbergHester Uushona is a firm believer that being average in life is not an option. She strives towards making her mark while providing others...