Koshuiskosdiewe kry een jaar agter tralies
Die skoonmaker van Laerskool Karundu op Otjiwarongo en sy mede-koshuiskosdief het Woensdag in die landdroshof op die dorp skuldig gepleit en is Donderdag gevonnis. Landdros Jo-Rina Jagger het die skoonmaker, die 28-jarige Gregory Xamiseb (regs), en Virgel Uwiteb (27) Donderdag vir 12 maande tronk toe gestuur, nadat hulle Dinsdag hul eerste hofverskyning op klagte van huisbraak met die doel om te steel en diefstal gemaak het. Die twee is Sondag in hegtenis geneem nadat bees- en wildkarkasse, asook bokse hoender, vis en kaas ter waarde van sowat N$10 000, wat by die skool se koshuiskombuis gesteel is, by Xamiseb se huis gevind is. Hulle het hul eie verdediging waargeneem. Staatsaanklaer Doeses het gesê die twee het nie net die misdaad goed beplan nie, maar ook die kos van die klaer, asook koshuiskinders en ouers gesteel. Foto Nampa
Kommentaar
Republikein
Geen kommentaar is op hierdie artikel gelaat nie