Koshuise midde pandemie oorvol

Stapelbeddens as oplossing oorweeg

29 September 2020 | Ministeries
Ester Kamati – ’n Groep ouers het eerder hul kinders terug huis toe geneem, as om hulle saam met ’n groot groep in ’n enkele kamer in koshuise in die sentrale noordelike streek te laat bly.

Volgens die raadslid van die Omatako-kiesafdeling, mnr. Israel Hukura, het ouers wat nie tevrede met die oorvol skool- en koshuisomgewing was nie, eerder verkies om die leerlinge terug huis toe te vat.

Me. Josephine Mutenda, direkteur van onderwys in die Otjozondjupastreek, sê die koshuise het ’n groot gebrek aan sosiale afstand omdat beperkte ruimte beskikbaar is.

Volgens Mutenda het amptenare van die ministerie alle koshuise in die streek besoek en skoolhoofde aangeraai om leerlinge wat nie te ver van die skool af woon nie, eerder van die huis af te laat skoolgaan. Dit sal volgens haar oorbevolking in koshuise verminder.

“Ons probeer leerlinge huis toe stuur wat binne die gemeenskap bly, sodat ons die kan huisves wat ver van die gemeenskap bly,” het sy gesê.

Ouers dring dikwels daarop aan dat hul kinders in die koshuis gehuisves word, maar volgens Mutenda moet voorkeur eerder gegee word aan leerlinge wat ver van skole woon.

In ’n poging om leerlinge in koshuise te huisves terwyl sosiale afstand gehandhaaf word, word volgens Mutenda oorweging geskenk aan die gebruik van stapelbeddens.

“Ons het reeds beddens gekoop, dit is by ons,” het sy gesê en verduidelik die ministerie is in die proses om die stapelbeddens na skole en koshuise te versprei.

Sy het beklemtoon skole behoort steeds die basiese protokol van die dra van maskers, hande te was en ’n meter afstand tussen leerlinge te handhaaf.

“Dit geld of hulle in die koshuis of tuis is.”

Die aantal bevestigde Covid-19-gevalle in skole in die streek staan tans op 13; wat vyf leerlinge en vyf onderwysers, sowel as drie personeellede van die streekkantoor insluit.

Volgens Mutenda is dié gevalle nie ernstig nie en is hulle in isolasie en in goeie gesondheid. - [email protected]

Soortgelyk

 

Geingob onder skoot oor ‘wit’ opmerkings

10 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

10 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

10 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

10 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

10 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

10 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

10 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

10 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

10 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...