Kort nuus uit die howe

06 September 2018 | Howe
Standard Bank

Charles Manale erken bedrog

Die 35-jarige Charles Winston Manale, ‘n voormalige werknemer van Standard Bank Namibia, het Dinsdag erken hy het in 2015 meer as N$4 miljoen by dié bank gesteel.

Hy het voor regter Dinah Usiku in die hoërhof in Windhoek skuld op 147 klagte van bedrog, alternatiewelik diefstal, beken.

Manale het getuig hy het tussen Januarie 2011 en Desember 2015 by 147 geleenthede geld uit rekeninge by dié bank na sy eie rekening en dié van ‘n vriend oorgeplaas.

Hy moet weer op 22 Oktober in die hof vir getuienis ter strafverswaring en -versagting verskyn. – Nampa

RCC

Oudhoof weier om te pleit

Die voormalige uitvoerende hoof van die Padkontrakteursmaatskappy (RCC), mnr. Kelly Nghixulifwa, het Dinsdag geweier om op bedrog- en korrupsieklagte teen hom te pleit.

Dít in die saak wat die B1 City-ontwikkelingsprojek betrek.

Nghixulifwa (58) staan saam met mnr. Hafeni Nghinamwaami (50) en me. Anna Ndoroma (49) voor regter Christie Liebenberg op dié klagte tereg.

Nghixulifwa het beswaar gemaak oor die wyse waarop die klagte teen hom op die klagstaat geformuleer is en geweier om te pleit.

Die verhoor is na 13 September uitgestel sodat die staat op dié besware kan reageer. - Nampa

Tses

Verkragter op 18 September gevonnis

Jesaya Boois (42) van Tses, wat op 30 Julie vanjaar daaraan skuldig bevind is dat hy in September 2014 ‘n swanger vrou van dié nedersetting verkrag en vermoor het, sal later vandeesmaand gevonnis word.

Regter Nate Ndauendapo het bevind Boois het die swanger me. Bonaventura Jahs (28) die nag van 2 tot 3 September 2014 verkrag en vermoor. Hy is ook aan regsverydeling skuldig bevind.

Ndauendapo het Dinsdag, ná voorlegging van versagtende en verswarende omstandighede, gesê hy sal Boois op 18 September vonnis. - Nampa

Soortgelyk

 

Hepatitis E woed landswyd voort

14 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

14 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

14 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

14 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

14 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

14 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

14 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

14 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

14 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...