Kort nuus - Internasionaal
Japan
400 000 moet dalk huise weens storm verlaat
Minstens 400 000 mense in Japan is aangemoedig om hul huise te ontruim nadat dit swaar in die weste van Japan gereën het, terwyl die tropiese storm Krosa dreig om vandeesweek toe te slaan.
Owerhede sê honderde vlugte en treine is reeds gekanselleer.
Krosa is tans onderweg na die kleinste hoofeiland, Sjikokoe, in Japan en sal dit teen Donderdagmiddag bereik.
Die owerhede het reeds gewaarsku dat daar swaar reën in sommige gebiede sal wees en voorspel meer as 1 000 mm reën kan binne 24 uur val.
Hulle het 446 000 mense aangemoedig om hul huise te verlaat, hoewel daar teen Donderdagoggend nog geen vloede was nie en net ’n handvol ligte beserings aangemeld is.
Josjihide Soega van die kabinet het op ’n nuuskonferensie egter gevra dat mense in hul huise moet bly.
Minstens 18 mense, insluitend ’n baba, is Woensdag vasgekeer nadat ’n rivier skielik gestyg het, terwyl hulle besig was om te braai. Niemand is beseer nie. – Netwerk24
400 000 moet dalk huise weens storm verlaat
Minstens 400 000 mense in Japan is aangemoedig om hul huise te ontruim nadat dit swaar in die weste van Japan gereën het, terwyl die tropiese storm Krosa dreig om vandeesweek toe te slaan.
Owerhede sê honderde vlugte en treine is reeds gekanselleer.
Krosa is tans onderweg na die kleinste hoofeiland, Sjikokoe, in Japan en sal dit teen Donderdagmiddag bereik.
Die owerhede het reeds gewaarsku dat daar swaar reën in sommige gebiede sal wees en voorspel meer as 1 000 mm reën kan binne 24 uur val.
Hulle het 446 000 mense aangemoedig om hul huise te verlaat, hoewel daar teen Donderdagoggend nog geen vloede was nie en net ’n handvol ligte beserings aangemeld is.
Josjihide Soega van die kabinet het op ’n nuuskonferensie egter gevra dat mense in hul huise moet bly.
Minstens 18 mense, insluitend ’n baba, is Woensdag vasgekeer nadat ’n rivier skielik gestyg het, terwyl hulle besig was om te braai. Niemand is beseer nie. – Netwerk24
Kommentaar
Republikein
Geen kommentaar is op hierdie artikel gelaat nie