Kort nuus

14 January 2019 | Internasionaal
Amerika
Sluiting van regering raak FBI negatief

Informante wat nie geld vir inligting kry nie en ’n groot opeenhoping van bewyse wat nie getoets kan word nie.

Dít is maar ’n paar van die probleme wat die Amerikaanse Federale Speurdiens (FBI) tans in die gesig staar nadat pres. Donald Trump van Amerika die regering gedeeltelik gesluit het, berig CNN.

’n Groep wat huidige en voormalige FBI-agente verteenwoordig, het ’n beroep op Trump en die Amerikaanse kongres gedoen om die departement van justisie te finansier, berig The Hill.

Dié groep sê die gedeeltelike sluiting van die regering raak nou ’n kwessie van nasionale veiligheid.

Thomas O’Connor, leier van die groep, sê minstens 5 000 van die FBI se 35 000 werkers is tydelik ontslaan, berig USA Today.

Die groep sê baie FBI-agente is nie op 11 Januarie 2019 betaal nie, maar hulle sal voortgaan om hul werk te doen omdat hulle die Amerikaanse volk moet beskerm. - Netwerk24

Kanada
Qanun kom aan in haar nuwe land

’n Tienermeisie van Saoedi-Arabië het in Toronto aangekom nadat Kanada haar as vlugteling aanvaar het.

Chrystia Freeland, minister van buitelandse sake, het Rahaf Mohammed al-Qanun op die lughawe verwelkom.

Qanun het wêreldwyd opslae gemaak nadat sy haarself in ’n hotelkamer in Bangkok, Thailand, toegesluit het om te keer dat sy na haar familie teruggestuur word. Die familie ontken dat hulle haar mishandel het.

Toe haar pa en broer in Bangkok aankom om haar te kom haal en terug te bring na haar land, het Qanun geweier om hulle te sien.

Qanun het Saterdag haar liefde vir haar nuwe land gewys toe sy op die Pearson-lughawe land met ’n baadjie aan waarop “Canada” in rooi gekryf was.

In haar laaste twiet voordat sy na Toronto vertrek het, het Qanun gesê: “ek het dit gedoen” en foto’s van die binnekant van die vliegtuig gedeel.

Freeland het aan verslaggewers op die lughawe gesê Qanun is “’n baie dapper Kanadees.”

“Rahaf wou hê Kanadese moet sien sy het by haar nuwe huis aangekom. Sy het egter ’n baie lang reis gehad en sal verkies om nie vandag vrae te beantwoord nie. Sy gaan nou na haar nuwe huis toe.” het Freeland gesê.

Kanada se besluit om asiel aan Qanun toe te staan kom in ’n sensitiewe tydperk waar betrekkinge tussen Kanada en Saoedi-Arabië versuur het nadat Kanada op die onmiddellike vrylating van aktiviste in tronke aangedring het. Saoedi-Arabië het teruggeslaan deur alle nuwe handel met Kanada te staak. - Netwerk24

Soortgelyk

 

Geingob: Gelukkig Vrouedag, vroue

1 dag gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

1 dag gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

1 dag gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Reënweer vertoef langer

2 dae gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...

Jeuggeweld ruk Outjo

2 dae gelede | Misdaad

Denver Kisting Drie jongelinge van Outjo is steeds agter tralies nadat hulle glo sowat 'n maand gelede twee ander jong mans binne 43 minute doodgesteek...

Minister gee Nida nuwe raad

2 dae gelede | Plaaslik

Ogone Tlhage – Die raad van die nuwe agentskap vir nywerheidsontwikkeling in Namibië (Nida) sal gereeld moet vergader om homself as semi-staatsinstelling te vestig. So...