Konstruksiebedryf mik vir internasionale standaarde

Die Namibiese Federasie vir die Konstruksiebedryf (CIF) en die Namibiese Instituut vir Standaarde (NSI) het vanoggend ‘n samewerkingsooreenkoms onderteken wat tot die ontwikkeling en aanvaarding van die beste internasionale praktyke sal lei.
Die adjunkminister van nywerheidsontwikkeling, handel en SME-ontwikkeling, mnr. Pieter van der Walt, het tydens die geleentheid gesê die plaaslike konstruksiebedryf staar uitdagings vir onder meer beter winsgrense en laer kostes in die gesig. Internasionale standaarde kan konstruksiemaatskappye help om risiko’s te beheer en oplossings daarvoor te bied, sê hy.