Konstruksie steeds op sy knieë

Uittog van vaardighede

18 April 2019 | Plaaslik
Ogone Tlhage



Die visepresident van die Federasie vir die Konstruksiebedryf (CIF), mnr. Panashe Daringo, het 'n beroep op die regering gedoen om die konstruksiebedryf te help wat volgens hom swaar deur die huidige stand van die ekonomie getref is.

Daringo, wat die ­besturende direkteur van MPP Civils is, sê hy het eerstehands ervaar hoe hy personeel moes laat gaan weens die huidige stand van konstruksie in die land. Dit ondanks herhaalde pogings om hieroor met die regering in gesprek te tree.

“Dinge lyk sleg; ons bid vir 'n ingryping. Dit voel asof ons pleidooi op dowe ore val,” het Daringo gesê.

Volgens hom het die konstruksiebedryf 'n groot uittog van vaardighede beleef.

“Die realiteit op die grond is erger, dit het tot 'n groot verlies aan vaardighede gelei. Dit het 'n domino-effek en konstruksie is die swaarste getref.

Sy frustrasie is beaam deur die CIF se hoofbestuurder, me. Bärbel Kirchner.

“Die konstruksiebedryf word erg geraak deur regeringsbegrotings en toekennings vir kapitaal en infrastruktuurprojekte. Vanuit die perspektief van die bedryf sou ons groter begrotingstoekennings vir ontwikkelingsprojekte wil sien,” het sy vroeër gesê.

Volgens haar vind ­gesprekke plaas om 'n gunstige werks­omgewing vir plaaslike kon­trakteurs te skep.

“Besprekings word gevoer oor hoe kwalifikasievereistes tot Namibiese ekonomiese omstandighede aangepas moet word. Basies moet ons die finansiële vereistes vir prekwalifikasie verlaag. Indien dit nie moontlik is nie, moet ons die omvang van die projekte verklein sodat meer plaaslike kontrakteurs kan deelneem,” het Kirchner gesê.

“Watter besluit ons owerhede ook al neem, moet ons seker maak die plaaslike bedryf is betrek. Dit sal ons kapasiteit handhaaf, besighede aan die gang hou en verseker mense het werk. Uiteindelik verseker dit ons geld bly in Namibië in sirkulasie,” het sy gesê.

Volgens die Bank of Namibia het die werklike waarde toegevoeg in die bedryf in 2018 met 18,3% gekrimp, teenoor die 25,6% in 2017. Verlede jaar se inkrimping is deels te wyte aan die verhoging in die werklike waarde vir voltooide geboue en regerings­uitgawes wat vir konstruksie geoormerk is.

Soortgelyk

 

Sesde vermeende renosterstroper vrygelaat

40 minute gelede | Howe

Die sesde beskuldigde in 'n renosterstroperysaak is vandag borgtog van N$6 000 in die landdroshof op Outjo toegestaan. Mnr. Rukeeveni Nguronda (34) en sy vyf...

Ter plaatse ondersoek na hout-oeste

58 minute gelede | Omgewing

Die parlementêre portefeuljekomitee belas met natuurlike hulpbronne het gister besoek aan drie Chinese houtdepots in die Kavango-Oosstreek by Kapupahidi, Taratara en Kawe afgelê. Dít glo...

Windhoek klop waterteikens

16 ure gelede | Plaaslik

Elvira Hattingh - Inwoners van die hoofstad neem waterbesparings uiteindelik ernstig op en het die afgelope week weer 4% bespaar. Volgens me. Lydia Amutenya,...

Kalahariwoestyn keer terug

16 ure gelede | Polisie

Denver Kisting – In ’n poging om soortgelyke tragedies te verhoed soos die een waarin ’n Zimbabwiese taxibestuurder gesterf het, gaan alle beamptes wat aan...

Weer, Woensdag 7 Augustus 2019

16 ure gelede | Weer

BINNELAND: Gedeeltelik bewolk en matig in //Kharas, maar warm tot baie warm in die Noorde. Elders sal dit sonnig en warm wees.KUS: Gedeeltelik bewolk en...

Tweejarige sterf in ongeluk

16 ure gelede | Ongelukke

’n Tweejarige meisie, Andrea Pawa Jason, het Saterdagoggend in ’n ongeluk sowat 2 km buite Usakos gesterf.Volgens die Namibiese polisie se misdaadverslag het die ongeluk...

Nudo, UPM voeg stem by antikuberkraakkoor

16 ure gelede | Politiek

Denver KistingDie president van die National Unity Democratic Organisation (Nudo), me. Esther Muinjangue, sê hulle is nie onder die huidige omstandighede beskikbaar vir die kuberkraaktoets...

renosters by Onguma onthoring

16 ure gelede | In beeld

Om stropery te voorkom het die Onguma-wildreservaat naby die Etosha Nasionale Park onlangs al hul renosters ontho­ring. Volgens die reservaatbestuurder, mnr. Jonathan Strijbis, was die...

Jong beesbeoordelaars beïndruk

16 ure gelede | Gebeure

Elvira HattinghBank Windhoek en Feedmaster span tans saam om 'n nasionale beesbeoordelaarskompetisie en -kursus vir Namibiese jongmense aan te bied.Tot dusver het die organiseerders deelnemers...