Kompetisie vir joernaliste aangekondig

31 July 2019 | Gebeure
Ronelle Rademeyer - Ná ‘n afwesigheid van sowat ‘n dekade herleef die Namibië Joernalistiektoekennings vanjaar en sal 2019 se Joernalis van die Jaar saam met wenners in nege ander kategorieë op 18 September tydens ‘n glansgeleentheid aangewys word.

Safa al-Ahmad, die internasionaal bekende ondersoekende joernalis van Saoedi-Arabië en kollega van die vermoorde joernalis Jamal Khashoggi, is die gasspreker.

Toe die World Association of Newspapers and News Publishers (WAN-IFRA) Khashoggi in Junie vanjaar postuum met die Goue Pen vir Vryheid-toekenning vereer het, het Al-Ahmad dit namens hom ontvang.

Khashoggi is in Oktober verlede jaar in die Saoedi-Arabiese konsulaat in Istanboel, Turkye, vermoor.

Dié aankondiging is gister deur die voorsitter van die Redakteursforum van Namibië (EFN), mnr. Jospeh Ailongo, in Windhoek gemaak.

Die kategorieë waarvoor joernaliste kan inskryf, is ondersoekende werk, onderwys, landbou en omgewingsake, gesondheid, sake en innovering, sport, fotojoernalistiek, videografie en potgooie. Die prysgeld beloop N$10 000 in elk van die kategorieë.

Die Joernalis van die Jaar sal met N$20 000 se prysgeld beloon word.

Die gesoute Namibiese joernalis en oudredakteur me. Gwen Lister het in haar hoedanigheid as uitvoerende direkteur van die Namibia Media Trust (NMT) gesê goeie gehalte, onafhanklike en professionele joernalistiek is noodsaaklik vir die handhawing van ‘n gesonde demokrasie.

“Joernalistiek moenie as vanselfsprekend aanvaar word nie. Sonder goeie joernalistiek is demokrasie in die moeilikheid,” het sy benadruk.

Die hoofborg (platinumstatus) van die kompetisie en die glansdinee is FNB Namibia, met die Olhthaver & List-groep en NMT as die ander borge wat hulle reeds verbind het.

FNB Namibia borg ook die kategorie Joernalis van die Jaar en sake en innovering, terwyl Geka Pharma aangedui het hy gaan die kategorie vir gesondheidsjoernalistiek borg. Borgskappe vir die ander kategorieë word nog ingewag.

Soortgelyk

 

Geingob: Kabinet sien mense se woede oor kurrupsie

1 dag gelede | Regering

Pres. Hage Geingob het vanoggend vanjaar se die laaste kabinetsvergadering gelei.Hy sê die land se topleierskap is bewus van die huidige korrupsiestorm in die visbedryf,...

Von Bach, Daan Viljoen kry water

1 dag gelede | Omgewing

Die Von Bachdam is nou 2,5% voller as Maandag. Teen 09:00 vanoggend het 3,4 m³ water die dam elke sekonde binnegevloei. NamWater het pas ’n...

NHE to build houses in informal settlement

2 dae gelede | Infrastruktuur

The National Housing Enterprise (NHE) has embarked on a pilot study for the construction of houses for qualified land owners living in informal settlements.Speaking at...

Crafting a future

2 dae gelede | Mense

Elizabeth JosephFrancois Wahl studied B.Acc at Stellenbosch University and is a qualified chartered accountant. Since taking the seat as the CEO of Nictus Furnishers, he...

Oordragplanne van Hatuikulipi’s gefnuik

2 dae gelede | Misdaad

Ronelle Rademeyer - Die Teenkorrupsiekommissie (ACC) het gistermiddag by die aktekantoor in Windhoek beslag gelê op dokumente vir die oordrag van 15 deeltiteleenhede op Swakopmund...

Waarskuwing: Swaar storms tot Saterdag

2 dae gelede | Weer

Elvira Hattingh - Terwyl ’n vrou van Otjiwarongo Woensdag gesterf het toe reënwater haar meegesleur het, waarsku die Namibiese weerkantoor nog swaar storms kan tot...

Highly mechanised

2 dae gelede | Mense

Justicia Shipena Vivacious Marco Swart is a mechanical technician in the packaging engineering department at Namibia Breweries Limited (NBL) - a subsidiary of the Ohlthaver...

Compassion is the new fashion

2 dae gelede | Mense

Evany van WykMarizelle Pienaar lives by the motto, “the more you have to do, the more you get done.” She believes in being a balanced...

Never say never

2 dae gelede | Mense

Mariselle StofbergHester Uushona is a firm believer that being average in life is not an option. She strives towards making her mark while providing others...