Kolonel en kie stroop glo wild

10 July 2019 | Howe
Francoise Steynberg - ’n Weermagkolonel en ’n instrukteur by ’n beroepsopleidingsentrum is Maandag op borgtog van N$5 000 elk vrygelaat nadat hulle daarvan beskuldig is dat hulle Sondag wild onwettig op ’n plaas naby Tsintsabis gejag het.

Kol. Tobias Ipangelwa Nujoma (51), van die Otavi-weermagbasis, en die 56-jarige mnr. Sameul Mumbala, ’n opleidingsinstrukteur by die Valombola-beroepsopleidingsentrum op Ongwediva, het Maandag op ’n klag van onwettige jag in die landdroshof op Tsumeb verskyn.

Nujoma is volgens die Namibiese weermag sedert Februarie 2018 hoof van die ingenieursregiment op die Otavi-weermagbasis.

Volgens die Namibiese polisie se misdaadverslag is die twee beskuldigdes Sondag omstreeks 01:00 glo met twee duikers, twee hase, twee springhase en een wildsbok in Mumbala se dubbelkajuitbakkie by die Bravo-polisiepadblokkade naby Tsintsabis in die Oshikotostreek in hegtenis geneem.

“Dit volg ná die eienaar van die plaas Tsutsab skote gehoor het en ’n voertuig se ligte op die plaas gesien het. Die eienaar, sy seun, drie plaaswerkers en ’n lid van die mans-en-vroue-netwerk het die voertuig agtervolg en polisielede by die padblokkade ingelig,” lui die misdaadverslag.

“Die verdagte voertuig is by die padblokkade gestop en deursoek. ’n Haelgeweer met een patroon wat glo aan die Namibiese weermag behoort, ’n Makarov-pistool met vyf patrone en die wild is in die bakkie gevind.”

Die polisie het beslag op al die vuurwapens en vleis gelê.

Landdros Ruben Mutuku het die saak tot 19 Augustus vir verdere ondersoek uitgestel.

Soortgelyk

 

Katrina bedank

7 ure gelede | Misdaad

Denver Kisting – Katrina Hanse-Himarwa het pas as minister van onderwys, kuns en kultuur bedank.Dít kom nadat sy gister in die hoërhof in Windhoek aan...

Saturnus kom vanaand náby

9 ure gelede | Omgewing

Vanaand is die beste tyd om na die planeet Saturnus te kyk omdat dit op sy helderste en grootste vir vanjaar sal vertoon. Vir...

Hanse-Himarwa se getuienis vals, sê hof

23 ure gelede | Howe

Denver Kisting – Nadat die hof al die getuienis in ag geneem het, is die enigste gevolgtrekking die staat het bo redelike twyfel bewys Katrina...

Katrina se toekoms duister

23 ure gelede | Howe

Denver Kisting – Teen gistermiddag was pres. Hage Geingob nog stil oor een van sy kabinetsministers wat aan korrupsie skuldig bevind is.Katrina Hanse-Himarwa, die minister...

Jessné struts her stuff

23 ure gelede | Mense

Mariselle Stofberg Even though Jessné Swart is only in grade 5, she has already made a name for herself in the modelling industry. Her love...

Weer vir 9 Julie 2019

23 ure gelede | Weer

WEERWAAK: Ooswindtoestande sal oor die kus vir die res van die week heers, asook stofstorms op plekke.BINNELAND: Koud aanvanklik, andersins mooi weer en warm tot...

Eenjarige brand in sinkhuis dood

23 ure gelede | Misdaad

Tanja Bause – Twee mense het die afgelope naweek doodgebrand toe hul sinkhuise aan die brand geslaan het. Volgens die Namibiese polisie se misdaadverslag het...

Bekentenis was glo vrywillig

23 ure gelede | Howe

Erwin Leuschner op Swakomund – Mnr. Ernst Lichtenstrasser, wat van die moorde op mnre. Eckhart Mueller en Heimo Hellwig aangekla is, was ten tyde van...

Dragtige ietermagô uit drom gered

23 ure gelede | Misdaad

Francoise Steynberg - ’n Ietermagô wat dae lank in ’n brandstofdrom gelos is, se verhaal het ’n gelukkige einde.Volgens me. Maria Diekmann, van die Rare...