Koffie, koek en kuier
Cordes & Co op Swakopmund is anders. Anders omdat dit nie ‘n plek is wat maklik beskryf kan word nie. Dis nie ‘n restaurant nie, maar hulle bedien die heerlikste kos. Dis ook nie ‘n koffiewinkel nie, want jy kry baie meer as ‘n eenvoudige cappuccino.
Daar’s ‘n kroeg, maar nie ‘n kroegvlieg in sig nie. Soms voel dit of jy besoek by ‘n vriend se huis aflê, en by tye voel dit of jy jouself in een van Praag se strate bevind.
Noem vir Cordes & Co wat jy wil, maar alledaags is dit beslis nie.
Die plekkie trek al die afgelope paar jaar menige Namibiër se aandag.
Hierdie unieke kafee is in die middelste deel van Daniel Tjongarerostraat in ’n opgeknapte ou mynhuis geleë.
Wat jou eerste opval, is dat hulle jou verseker jy kan die beste koffie in die land daar drink.
Dit klink natuurlik ‘n bietjie voor op die wa, maar sodra jy jou eerste sluk van een van die vele koffie-opsies geneem het, maak hierdie stelling vir jou sin. Sóveel sin dat jy sommer vinnig nog ‘n beker bestel.
Cordes & Co se koffie word spesiaal vir die kafee deur ‘n plaaslike koffieverskaffer gemeng.
Baie eetplekke probeer om die alledaagse effens anders te doen.
Cordes & Co kry dít besonder goed reg – met alles van die aanbieding van die kos tot die spyskaart se ontwerp.
Die dae van ‘n spierwit porseleinbord met ‘n silwer mes en vurk is verby.
Namibiërs wil unieke ervarings beleef. Cordes & Co doen hul bes om elke ervaring, oomblik en dis met perfeksie tot in die fynste besonderhede aan te bied.
Of jy nou ’n slaai of ’n wrap bestel het, die aanbieding gaan jou verras.
Hoewel ‘n voorafopgestelde spyskaart bestaan, is spesiale aanbiedinge daagliks beskikbaar.
Sjef Eddie Riksen is in beheer van die kombuis en alles aspekte van die spyseniering.
Nog ‘n element wat hierdie kafee bo ander laat uitstaan, is dat die eienaar, Bronwin Ockhuys, tyd en moeite bestee het daaraan dat die kos gesond moet wees.
“Gesonde kos hoef nie smaaklose kos te wees nie,” sê sy.
“Ons wil vir gaste altyd ‘n gesonder opsie ook bied. Ons het natuurlik ook al die lekkernye, nie almal hoef gesond te eet nie.”
Die spyskaart het ‘n wye verskeidenheid kosse. Wat veral uitstaan is hul tuisgebakte croissants, wat elke dag vars gebak word, kaaskoek, wafels en slaaie.
Van besigheidsmense tot by skoolkinderswat ná skool aan ’n melkskommel wil teug, besoek hierdie plekkie gereeld.
Die goeie nuus is Cordes & Co kry binnekort ‘n sussie.
Net om die draai van waar hulle tans geleë is, het ‘n nuwe Cordes & Co oopgemaak. Natuurlik in dieselfde styl en met dieselfde uniekheid as haar ouer boetie.
Of jy nou ná werk ‘n bier wil graan drink, Saterdagoggend vroeg ‘n koffie wil deurwerk of jou eggenoot met ‘n vinnige middagete wil bederf, Cordes & Co is dié plek.
Iemand het eendag gesê ’n gaap is net ‘n sagte gil vir koffie.
So, as jy weer gaap, moenie wonder wat om te doen nie.
Gaan gooi ‘n draai by Cordes & Co.
En dan besluit jy self of hulle die lekkerste koffie in die land het.
Cordes & Co se sjef
Naam: Eddie Riksen
Ouderdom: 42
Ondervinding: Eddie spog met meer as 27 jaar in die bedryf en was al by verskeie eetplekke as sjef in diens.
Gunstelingdis: Sateh Babi, ‘n Oosterse dis van varksosaties met noedels.
Daar’s ‘n kroeg, maar nie ‘n kroegvlieg in sig nie. Soms voel dit of jy besoek by ‘n vriend se huis aflê, en by tye voel dit of jy jouself in een van Praag se strate bevind.
Noem vir Cordes & Co wat jy wil, maar alledaags is dit beslis nie.
Die plekkie trek al die afgelope paar jaar menige Namibiër se aandag.
Hierdie unieke kafee is in die middelste deel van Daniel Tjongarerostraat in ’n opgeknapte ou mynhuis geleë.
Wat jou eerste opval, is dat hulle jou verseker jy kan die beste koffie in die land daar drink.
Dit klink natuurlik ‘n bietjie voor op die wa, maar sodra jy jou eerste sluk van een van die vele koffie-opsies geneem het, maak hierdie stelling vir jou sin. Sóveel sin dat jy sommer vinnig nog ‘n beker bestel.
Cordes & Co se koffie word spesiaal vir die kafee deur ‘n plaaslike koffieverskaffer gemeng.
Baie eetplekke probeer om die alledaagse effens anders te doen.
Cordes & Co kry dít besonder goed reg – met alles van die aanbieding van die kos tot die spyskaart se ontwerp.
Die dae van ‘n spierwit porseleinbord met ‘n silwer mes en vurk is verby.
Namibiërs wil unieke ervarings beleef. Cordes & Co doen hul bes om elke ervaring, oomblik en dis met perfeksie tot in die fynste besonderhede aan te bied.
Of jy nou ’n slaai of ’n wrap bestel het, die aanbieding gaan jou verras.
Hoewel ‘n voorafopgestelde spyskaart bestaan, is spesiale aanbiedinge daagliks beskikbaar.
Sjef Eddie Riksen is in beheer van die kombuis en alles aspekte van die spyseniering.
Nog ‘n element wat hierdie kafee bo ander laat uitstaan, is dat die eienaar, Bronwin Ockhuys, tyd en moeite bestee het daaraan dat die kos gesond moet wees.
“Gesonde kos hoef nie smaaklose kos te wees nie,” sê sy.
“Ons wil vir gaste altyd ‘n gesonder opsie ook bied. Ons het natuurlik ook al die lekkernye, nie almal hoef gesond te eet nie.”
Die spyskaart het ‘n wye verskeidenheid kosse. Wat veral uitstaan is hul tuisgebakte croissants, wat elke dag vars gebak word, kaaskoek, wafels en slaaie.
Van besigheidsmense tot by skoolkinderswat ná skool aan ’n melkskommel wil teug, besoek hierdie plekkie gereeld.
Die goeie nuus is Cordes & Co kry binnekort ‘n sussie.
Net om die draai van waar hulle tans geleë is, het ‘n nuwe Cordes & Co oopgemaak. Natuurlik in dieselfde styl en met dieselfde uniekheid as haar ouer boetie.
Of jy nou ná werk ‘n bier wil graan drink, Saterdagoggend vroeg ‘n koffie wil deurwerk of jou eggenoot met ‘n vinnige middagete wil bederf, Cordes & Co is dié plek.
Iemand het eendag gesê ’n gaap is net ‘n sagte gil vir koffie.
So, as jy weer gaap, moenie wonder wat om te doen nie.
Gaan gooi ‘n draai by Cordes & Co.
En dan besluit jy self of hulle die lekkerste koffie in die land het.
Cordes & Co se sjef
Naam: Eddie Riksen
Ouderdom: 42
Ondervinding: Eddie spog met meer as 27 jaar in die bedryf en was al by verskeie eetplekke as sjef in diens.
Gunstelingdis: Sateh Babi, ‘n Oosterse dis van varksosaties met noedels.
Kommentaar
Republikein
Geen kommentaar is op hierdie artikel gelaat nie