Klimmer vermis ná hy van Everest val
’n Ierse bergklimmer word vermis nadat hy Vrydag van die berg Everest geval het.
Seamus Lawless (39), een van agt lede van sy ekspedisie, het geval met die terugtog van die berg af, berig The Himalayan Times.
Lawless, ’n assistent-professor aan die Trinity College in Dublin, het glo vroeg reeds die kruin van die berg bereik.
Mingma Sherpa, voorsitter van Seven Summit Treks, het aan The Himalayan Times gesê Lawless het later die middag geval terwyl hulle op pad terug was.
“Ander klimmers het reeds kamp vyf bereik, maar ons weet steeds nie waar die vermiste Ierse klimmer is nie. Die soektog na hom word voortgesit.”
Die organisasie Summits with a Purpose het op hul Facebook-blad gesê klimmers word gedurig gewaarsku dat die moeilikste deel die terugtog van die berg af is.
“Klimmers is moeg en dit kan ook wees dat die hoogte probleme kan skep. In werklikheid was die ekspedisie eers halfpad en dit is hartseer om te hoor van Seamus Lawless se val.” - Netwerk24
Seamus Lawless (39), een van agt lede van sy ekspedisie, het geval met die terugtog van die berg af, berig The Himalayan Times.
Lawless, ’n assistent-professor aan die Trinity College in Dublin, het glo vroeg reeds die kruin van die berg bereik.
Mingma Sherpa, voorsitter van Seven Summit Treks, het aan The Himalayan Times gesê Lawless het later die middag geval terwyl hulle op pad terug was.
“Ander klimmers het reeds kamp vyf bereik, maar ons weet steeds nie waar die vermiste Ierse klimmer is nie. Die soektog na hom word voortgesit.”
Die organisasie Summits with a Purpose het op hul Facebook-blad gesê klimmers word gedurig gewaarsku dat die moeilikste deel die terugtog van die berg af is.
“Klimmers is moeg en dit kan ook wees dat die hoogte probleme kan skep. In werklikheid was die ekspedisie eers halfpad en dit is hartseer om te hoor van Seamus Lawless se val.” - Netwerk24
Kommentaar
Republikein
Geen kommentaar is op hierdie artikel gelaat nie