Klimaat kan lei tot meer honger in SA

'Kommerwekkend'

12 July 2018 | Landbou
Vida Booysen



Ná jare waarin hongersnood wêreldwyd stadig maar seker afgeneem het, is daar kommer dat dit weer in Suider-Afrika opvlam.

Klimaatsverandering, peste en plae wat grense oorsteek en die voorkoms van MIV/vigs en weerstandige tuberkulose is enkele faktore wat voedselonsekerheid in dié weerlose streek aanblaas.

Die aantal mense wat voedselonsekerheid in die Suider-Afrikaanse Ontwikkelingsgemeenskap (SAOG) beleef, word op 29 miljoen geraam vir die 2018-'19-landboujaar. (Sien grafika.)

Dít is 14% van die bevolking, volgens navorsing wat die SAOG Dinsdag bekend gemaak het.

In die verslag “State of Food and Nutrition Insecurity and Vulnerability in Southern Africa” is ontledings van 11 lidlande van die SAOG vervat.

“Die situasie bly onstabiel en onvoorspelbaar. Wat kommerwekkend is, is dat die persentasie voedselonseker lede van die bevolking met 13% gestyg het teenoor 'n jaar gelede,” lui die verslag. Die toename keer die verbeterings van 2017-'18 om, toe die getal tot 27 miljoen gedaal het.

Dít is as 'n groot deurbraak beskou ná die droogtegeteisterde 2016-'17 se syfer van 38 miljoen mense in Suider-Afrika wat uitgelewer was aan honger en wanvoeding.

Oor die afgelope dekade het die gemiddelde getal voedselonseker mense in die streek egter hardnekkig bokant 22,7 miljoen gebly.

Die verslag meld ook dat voedselonsekerheid die sukses van antiretrovirale middels en middels teen weerstandige tuberkulose ondermyn, wat 'n bose kringloop word.

Peste soos die herfskommandowurm en voëlgriep het ook oor landsgrense heen verwoesting gesaai.

Tesame met hierdie faktore gaan klimaatsverandering daartoe bydra dat kospryse styg en hongersnood onder die streek se armstes toeneem.

“Met al meer klimaatskokke wat die streek tref, moet dringend opgetree word en volhoubare veerkragtigheid hierteen moet ingebou word, anders sal dié syfer net aanhou styg,” lui die verslag.

Die lidlande van die SAOG is veral kwesbaar vir klimaatsverandering omdat die landboubedryf hier baie afhanklik is van reën. Tot 70% van die bevolking in die streek maak staat op bestaanslandbou vir hul voedselbehoeftes.

“Die verslag beklemtoon die dringende noodsaak vir regerings om beleggings te doen in ingrypings wat dadelik 'n impak maak om chroniese voedselonsekerheid te beveg,” sê Panduleni Elago, hoof van die SAOG se eenheid vir voedselsekerheid.

– Netwerk24

Soortgelyk

 

Honderde miljoene vir veevoer nodig

17 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

17 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

17 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

17 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

17 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

17 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

17 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

17 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

17 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...