Klein meisie, groot hart

11 February 2019 | Plaaslik
Tanja Bause - Sy’s net 12 jaar oud, maar haar hart is groot, en haar toekomsplanne nóg groter.

Lelita Esterhuizen van Windhoek het drie jaar gelede met modelklasse begin.

Die eerste skoonheidskompetisie waaraan Lelita deelgeneem het, was Miss Spring 2018.

Hiertydens is sy in haar ouderdomsgroep as tweede prinses en mej. Fotogenies gekroon.

“Dít het haar laat kwalifiseer vir deelname aan Toddler & Tween of the World 2019 (TTTW19) op Klerksdorp, in Suid-Afrika,” vertel haar ma, me. Denita Rossouw.

Lelita benodig geld vir haar vervoer en ’n rok.

“Om net vir geld te gaan vra met 'n borgvorm leer kinders nie enige verantwoordelikheid nie. Hulle moet werk vir dit wat hulle wil hê. Daarom het ek vir Lelita gesê sy moet aan iets dink om fondse vir haarself in te samel. Sy sal lewenservaring opdoen en leer enigiemand kan vir geld vra, maar dit beteken baie meer as jy vir die geld werk en moeite doen,” het Rossouw gesê.

“Ek het besluit om geld vir die Have a Heart-stigting op Rundu (HAH Rundu) in te samel. My tannie is al jare lank daarby betrokke en elke keer as ek by haar gaan kuier, help ek haar met fondsinsameling vir die stigting,” het Lelita gesê.

“Daar is ook baie diere in die nedersettings wat swaarkry en die mense kan hulle nie veearts toe neem nie. Die kinders in die nedersettings verdien ook troeteldiere. Dis vir my baie hartseer dat hulle die diere nie medies kan versorg nie, hoewel hulle die diere baie liefde gee,” het Lelita gesê.

Die wenners van TTTW19 kwalifiseer om oorsee aan Little Miss Universe deelneem.

“’n Groot deel van die kompetisie behels liefdadigheid. Hoewel dit nie verpligtend is nie wil Lelita dit doen. Sy hou baie meer daarvan om te gee as om te ontvang,” het Rossouw gesê.

“Lelita droom ook daarvan om eendag die Mej. Wêreld-kroon terug Namibië toe te bring. Sy werk nou al aan haar droom,” het Rossouw gesê.

Tans hou sy haar met ’n koekiebak-projek besig. Bestellings kan by haar vir funksies, skoolsnoepies of sportdae geplaas word.

Van dié geld sal 10% aan HAH Rundu geskenk word.

Lelita se vriendin Danel du Toit (11), wat as Miss Spring 2018 gekroon is en ook aan die TTTW19-kompetisie gaan deelneem, gaan haar met haar fondsinsamelingsprojek bystaan.

Mense wat dié twee meisies wil ondersteun, kan op Facebook gaan loer na die bladsy “LelitaBlessingsPIF” om bestellings te plaas of skenkings te maak.

Soortgelyk

 

NSFAF sluit ooreenkoms met Bank Windhoek

22 ure gelede | Onderwys

Die Finansiële Hulpfonds vir Namibiese Studente (NSFAF) en Bank Windhoek het vandag ʼn ooreenkoms aangegaan vir ʼn nuwe stelsel waardeur geld aan kwalifiserende studente gestuur...

Chinees Dinsdag in hof ná werker se skietdood

22 ure gelede | Misdaad

Die man wat gister na bewering deur sy Chinese werknemer in die Andara-nedersetting doodgeskiet is, is as mnr. Andreas Hausiku (32) geïdentifiseer.Hausiku was ‘n inwoner...

Twintig jaar tronkstraf vir verkragter

23 ure gelede | Howe

‘n 34-jarige man van Otjiwarongo is gister 20 jaar tronkstraf opgelê nadat hy skuldig bevind is aan die verkragting van ‘n minderjarige. Die dogter was...

Taking charge

1 dag gelede | Mense

Mariselle Stofberg Anthea van Heerden decided to take a leap of faith to start her own company in Windhoek.She is the managing director and...

Moontlike deurbraak

1 dag gelede | Misdaad

Denver KistingDie man wat gisteroggend weens Maandag se bloedbad op Arandis aangekeer is, het glo vir etlike ure geweier om met die polisie saam te...

Só staan sake in die Namibiese huis

1 dag gelede | Regering

Denver KistingPres. Hage Geingob het gistermiddag gesê sy boodskap van “welvaart vir almal” moenie verkeerd verstaan word nie.Volgens hom was die bedoeling nooit om oordaad...

Kabajani blossoms at GIPF

1 dag gelede | Mense

Michelline Nawatises Annette Likeleli Kabajani is a holder of a bachelor’s degree from the University of Namibia (Unam). She has also attained several management and...

Baking a name for herself!

1 dag gelede | Mense

Ester Kamati At the age of 28, Alma Tangi Nakanduungileh is climbing the entrepreneurial ladder and adding sweetness to her clients’ lives. A qualified...

A passion to unlock potential

1 dag gelede | Mense

Ester KamatiJustina Mulokoshi is a chartered accountant (CA) at PwC who has big dreams and is constantly on the lookout for new ways to improve...