Kinderverkragting: Dossier nie in hof

Vermeende reeksverkragter bly in aanhouding

07 December 2018 | Howe
Francoise Steynberg - Die vermeende reeksverkragter mnr. Gewen Gawa-nab (24) het Woensdag in die Windhoekse landdroshof in Katutura op twee klagte van verkragting verskyn.

Die dossier van die kinderverkragtingsaak was nie in die hof nie en landdros Loide Amwaandi-Ndangi het die saak tot 29 Januarie uitgestel.

Dié saak spruit uit Gawa-nab wat daarvan beskuldig word dat hy 26 Oktober 'n negejarige meisie wes van Windhoek verkrag en haar geslagsdele gesny het. Hy het in die berge in op die vlug geslaan, maar is op 29 Oktober in 'n sinkhuis in die Otjomuise-woonbuurt vasgetrek.

Daar is verskeie verkragtings- en ander klagte wat teen Gawa-nab aanhangig gemaak is, waarop hy telkemale op borgtog vrygelaat is.

Hy het ook Woensdag op een van die ander verkragtingsklagte verskyn en dié saak is tot 18 Desember vir die uitslag van laboratoriumtoetse uitgestel.

Gawa-nab bly in aanhouding. Me. Victoria Thompson het aangekla.

Ds. Zack Pienaar, stigter van die organisasie Voice of the Voiceless en predikant van die NG Kerk se Eros-gemeente wat betrokke is by barmhartigheid- en gemeenskapsontwikkelingsprojekte, was ook Woensdag by die hof om die familie te ondersteun. Hy bied geestelike berading aan die familie.

Saam met hom was 'n groepie vroue geklee in swart in stille protes teen geslagsgeweld.

"Een van die vroue is vandag hier om die familie te ondersteun, want sy was self 'n verkragtingslagoffer toe sy sewe jaar oud was. Sy sê haar lewe is verwoes," het Pienaar aan Republikein vertel.

"Hierdie man (die beskuldigde) moet net in aanhouding bly. As hy uitkom, sal ek hom eerste kry," het 'n familielid gesê wat op dié rampspoedige dag op die bebloede meisie afgekom het.

Die ouers van die slagoffer was ook by die hof en het vertel dit gaan beter met hul dogter.

"Fisiek het sy mooi herstel, maar sy kry nog baie nagmerries," het sy aan Republikein gesê.

"Sy sal volgende jaar teruggaan skool toe."

Soortgelyk

 

Afrika-lied kom tuis in Namib

20 ure gelede | Kuns en vermaak

Elvira Hattingh - Die Duits-Namibiese kunstenaar Max Siedentopf het wêreldwyd opslae gemaak met ‘n kunsinstallasie in die Namib wat Toto se bekende liedjie “Africa” oor...

CoW verloor ronde teen baas

20 ure gelede | Regering

Denver Kisting - Die geskorste uitvoerende hoof van die Windhoekse stadsraad (CoW), mnr. Robert Kahimise, het 'n ronde teen sy werkgewer gewen.CoW sal waarskynlik binne...

Sowat 7 000 skeepspassasiers sak op Walvis toe

20 ure gelede | Toerisme

Geskiedenis is gister gemaak toe vier groot passasierskepe in die Walvisbaai-hawe op anker gelê het en sowat 7 000 internasionale reisigers op die hawedorp toegesak...

Herstel internet, toegang tot sosiale media in Zim

20 ure gelede | Plaaslik

Ronelle Rademeyer - Om mense in Zimbabwe die gebruik van internetdienste te ontneem, is ‘n skending van hul menseregte en benadeel die ekonomie.“Ons raam die...

Weer vir 17 Januarie 2019

20 ure gelede | Weer

BINNELAND: Sonnig en bloedig warm in die ||Kharasstreek. Elders sal dit gedeeltelik bewolk en baie tot bloedig warm wees met enkele donderbuie oor die sentrale,...

Jong Namibiër maak biomediese deurbrake

20 ure gelede | Gesondheid

Denver Kisting - Sy twee jonger sibbe se worsteling as kinders met asma het ’n jong Namibiese ingenieur aangespoor om ’n toestel te ontwerp wat...

Lui-lui telefoon

20 ure gelede | Tegnologie

Telecom Namibia se landlyne in Windhoek was sedert Dinsdag buite werking. Mnr. Oiva Angula, Telecom Namibia se hoof van korporatiewe kommunikaise en openbare skakelwese, het...

Gedenkdiens gehou vir slagoffers van ongeluk

20 ure gelede | Plaaslik

’n Gedenkdiens vir ses van die sewe slagoffers wat onherkenbaar verbrand is tydens die ongeluk op 10 Augustus 2018, is Dinsdag op Otjiwarongo gehou. Die...

Meer as N$2 miljoen se stukkende verkeersligte

20 ure gelede | Regering

Die hoofstad se munisipaliteit het in 2018 meer as N$2 miljoen bestee om stukkende verkeersligte te herstel nadat dit in padongelukke beskadig is.Mnr. Harold Akwenye,...