Kinderstoeltjies noodsaaklik vir padveiligheid

23 December 2016 | Ongelukke
Met die toenemende verkeer op Namibië se paaie tydens die feesseisoen, is dit belangrik om die noodsaaklikheid van kinderstoeltjies in motors te beklemtoon.

Arrive Alive se onlangse studies toon dat kinderstoeltjies in motors die moontlikheid van die sterfte van kinders tydens ’n ongeluk met 70% verminder.

Volgens adj.komm. Ralph Ludwig van die polisie se verkeersafdeling vereis verkeerswetgewing in Namibië dat enige kind jonger as 14 jaar of korter as 1,5 m wat in ’n voertuig vervoer word, in ’n kinderstoeltjie of ondersteunende sitplek moet vasgegespe wees. Kinders ouer as 14 en langer as 1,5 m word beskou as volwassenes en moet ’n sitplekgordel gebruik. Ouers word wel aangeraai om kinderstoeltjies vir kinders korter as 1,5 m tussen die ouderdomme van 3 en 14 jaar te gebruik. Indien dit vasgestel kan word dat die bestuurder van die voertuig nie die nodige maatreëls toepas om die veiligheid van kinders te verseker nie, kan die oortreders tot en met N$4 000 beboet word.

’n Onlangse verslag van die Regshulpsentrum (LAC) bevat die Global Road Safety Partnership Namibia (GRSP) se 2009-studie oor die nakoming van veiligheidgordelswetgewing in Namibië, wat toon dat slegs 21,4% van die 532 studiedeelnemers wat met kinders jonger as 12 jaar reis, hul kinders altyd behoorlik vasgordel.

Sodra jou kind se skouers hoër as die gleuwe van die babastoeltjie se harnas sit, hul ore bo die babastoeltjie begin uitsteek of jou kind die gewig- en lengtebeperkings van babastoeltjies oorskry, is dit tyd om die babastoeltjie in te ruil vir ’n gewone kinderstoeltjie.

Safe Kids Worldwide gee aan ouers ’n vyfpunt-lysie om seker te maak jou kinderstoeltjie is reg vir die langpad:

1. Die regte stoeltjie: Maak seker jou kind voldoen aan die gewig- en lengtebeperkings soos uiteengesit op die etiket en hou die stoeltjie se vervaldatum, gewoonlik ná 6 jaar, dop.

2. Die regte plek: Kinderstoeltjies (en kinders tot en met die ouderdom van 13) moet altyd op die agterste sitplek wees.

3. Die regte rigting: Probeer om jou kinders tot en met die ouderdom van 2 in ’n stoeltjie te hou wat agtertoe kyk. Sodra hulle te groot word vir hierdie stoeltjies kan jy hulle in ’n stoeltjie plaas wat vorentoe kyk. Maak net altyd seker die boonste gordel is behoorlik vas sodra jy die onderste gordel (“latch”) vasgegespe het.

4. Die knyptoets: Sodra jou stoeltjie se gordels behoorlik vas is, jy moet nie in staat wees om die bandjies om jou kind se skouers te veel te kan trek en knyp nie.

5. Die skuiftoets: Sodra die stoeltjie geïnstalleer, skud dit. Dit mag nie meer as ongeveer 2,5 cm skuif nie.

Soortgelyk

 

Nóg 'n prinsie is gebore

23rd of April 14:59 | Gebeure

Catherine, die vrou van prins William het vandag om 11:01 Britse tyd geboorte aan ‘n seuntjie geskenk. Die seuntjie weeg 3,8 kg en dit...

Kunene styg steeds

14 ure gelede | In beeld

Die Kunenerivier vloei sterk en gemeenskappe word steeds gewaarsku om waaksaam te wees. Vrydag het die Kunenerivier by Ruacana teen sowat 1 182,4 kubieke meter...

Twee kragstasies op Husab gebou

14 ure gelede | Energie

Augetto Graig - Swakop Uranium se yslike Husab-uraanmyn het onlangs twee nuwe kragstasies getoets en in werking gestel. Dít is deur mnr. Percy McCallum, visepresident...

‘Interdik mag nie korrupsie toesmeer’

14 ure gelede | Howe

Ronelle Rademeyer - Die inligting waaroor die weekblad The Patriot wil berig, is anders as wat die Sentrale Intelligensiediens van Namibië (NCIS) en die regering...

Kort nuus

14 ure gelede | Misdaad

HavanaDriejarige se liggaam gevind Die liggaam van die driejarige seun wat saam met sy ma, me. Saima Thomas (32), verlede Maandagaand deur 'n kitsvloed in...

Geen borgtog vir vrou wat nefie (3) glo met...

14 ure gelede | Howe

Francoise Steynberg - ’n Driejarige seuntjie se tannie, wat daarvan beskuldig word dat sy hom met 'n stok doodgeslaan het, is Vrydag borgtog in die...

Dubbele SADC-troika vergader

14 ure gelede | Regering

Die Suider-Afrikaanse Ontwikkelingsgemeenskap (SADC) se dubbele troika van staatshoofde hou môre ‘n spitsberaad in Luanda, in Angola. Die spitsberaad bestaan uit staatshoofde of hul verteenwoordigers...

Weer vir 23 April 2018

14 ure gelede | Weer

WEERWAAK: Koue toestande word môre in die Suide verwag. Die nodige voorsorgmaatreëls moet getref word.BINNELAND: Gedeeltelik bewolk en baie warm in die verre Suide en...

Verwarring oor taxistaking

14 ure gelede | Arbeid

Maria Eiseb - Hoewel die president van die Namibië Vervoer- en Taxivakbond (NTTU), mnr. Werner Januarie, gesê het taxi’s gaan vandag staak, sê die sekretaris-generaal...