Khomasdal brei uit
Twee nuwe woonbuurte met besighede, instansies, openbare ruimtes en strate word beoog.
Augetto Graig
Netjiese nuwe strate loop oor die bulte van Uitbreiding 16 in Khomasdal.
Kontrakteurs, bestaande uit 'n vennootskap tussen die boumaatskappy Oluzizi en Amibex-ingenieurs, diens tans grond in dié area en baie Windhoekers droom daarvan om eendag 'n huisie van hul eie hier te besit.
Windhoek se stadsraad het sopas 'n plan goedgekeur om erf 5491 anderkant Ploverstraat, en die yslike erf 5940, wat verby Chatstraat strek, saam te voeg.
Die nuwe stuk grond sal dan weer in twee verdeel word om 391 nuwe erwe weerskante van die verlenging van Magpiestraat te skep, wat by Sam Nujomarylaan sal aansluit.
Dié 391 erwe sluit in 371 nuwe woonerwe, tien algemene behuising-erwe en enkele erwe vir besigheid, beperkte besighede, instansies, openbare ruimtes en strate.
Twee nuwe woonbuurte sal deur die projek geskep word in 'n poging om Windhoek se huidige behuisingskrisis te verlig.
Die nuwe woonbuurte sal tussen Khomasdal, Otjomuise en Rocky Crest opgerig word om die gaping tot langs Sam Nujomarylaan te vul.
Beperkings van toepassing op die toekomstige erf-eienaars sluit in dat die waarde van geboue wat daar opgerig word, ten minste dubbel die waarde van die grond moet wees.
Erwe vir die bou van huise sal tussen 300 en 690 vierkante meter groot wees, terwyl die stadsraad ook voorsiening maak vir die bou van woonstelle in die nuwe woonbuurte.
Die gebruik van elke erf sal beperk word tot die doel waarvoor dit geoormerk is.
Erwe wat byvoorbeeld vir beperkte sake aangewys is, sal slegs vir pakhuise en geen ander ligte nywerheidsdoel gebruik kan word nie.
Nog 'n vereiste vir dié ontwikkeling is die verlenging van die watertoevoerpyplyn van Rocky Crest af.
Die grootmaatrioollyn moet ook van die Suide af, onder Sam Nujomarylaan, verleng word om die nuwe woonbuurte te bedien.
Water- en rioolinfrastruktuur wat voldoen aan standaarde van toepassing op groot woonbuurte moet ook gebou word.
Die hoofstad is van plan om 'n professionele ingenieur aan te stel om die ontwerpverslag eers goed te keur en om dan na die toepassing van die ontwerp om te sien.
Ander munisipale dienste wat aangelê moet word, sluit in dat strate gebou moet word, kragverskaffing beskikbaar gemaak word, en dat die huidige stortingsterrein in toekomstige skoolgronde omskep word.
Die stadsraad sien die stigting van die nuwe woonbuurte as goeie vordering om die uitdaging van die langtermynbehuisingstekort in die hoofstad aan te pak, sowel as die tekort aan gedienste grond.
Volgens die stadsraad sal die bou van woonstelle inwoners ook meer opsies bied.
Goedkeuring vir die ontwikkeling moet nog deur die beplanning- en adviesraad en ook die nedersettingsraad gekry word, terwyl 'n volledige omgewingsimpakstudie nodig is om 'n omgewingsbestuur-klaringsertifikaat van die omgewingskommissaris te kry.
Die stadsraad het dié stappe ook goedgekeur.
Netjiese nuwe strate loop oor die bulte van Uitbreiding 16 in Khomasdal.
Kontrakteurs, bestaande uit 'n vennootskap tussen die boumaatskappy Oluzizi en Amibex-ingenieurs, diens tans grond in dié area en baie Windhoekers droom daarvan om eendag 'n huisie van hul eie hier te besit.
Windhoek se stadsraad het sopas 'n plan goedgekeur om erf 5491 anderkant Ploverstraat, en die yslike erf 5940, wat verby Chatstraat strek, saam te voeg.
Die nuwe stuk grond sal dan weer in twee verdeel word om 391 nuwe erwe weerskante van die verlenging van Magpiestraat te skep, wat by Sam Nujomarylaan sal aansluit.
Dié 391 erwe sluit in 371 nuwe woonerwe, tien algemene behuising-erwe en enkele erwe vir besigheid, beperkte besighede, instansies, openbare ruimtes en strate.
Twee nuwe woonbuurte sal deur die projek geskep word in 'n poging om Windhoek se huidige behuisingskrisis te verlig.
Die nuwe woonbuurte sal tussen Khomasdal, Otjomuise en Rocky Crest opgerig word om die gaping tot langs Sam Nujomarylaan te vul.
Beperkings van toepassing op die toekomstige erf-eienaars sluit in dat die waarde van geboue wat daar opgerig word, ten minste dubbel die waarde van die grond moet wees.
Erwe vir die bou van huise sal tussen 300 en 690 vierkante meter groot wees, terwyl die stadsraad ook voorsiening maak vir die bou van woonstelle in die nuwe woonbuurte.
Die gebruik van elke erf sal beperk word tot die doel waarvoor dit geoormerk is.
Erwe wat byvoorbeeld vir beperkte sake aangewys is, sal slegs vir pakhuise en geen ander ligte nywerheidsdoel gebruik kan word nie.
Nog 'n vereiste vir dié ontwikkeling is die verlenging van die watertoevoerpyplyn van Rocky Crest af.
Die grootmaatrioollyn moet ook van die Suide af, onder Sam Nujomarylaan, verleng word om die nuwe woonbuurte te bedien.
Water- en rioolinfrastruktuur wat voldoen aan standaarde van toepassing op groot woonbuurte moet ook gebou word.
Die hoofstad is van plan om 'n professionele ingenieur aan te stel om die ontwerpverslag eers goed te keur en om dan na die toepassing van die ontwerp om te sien.
Ander munisipale dienste wat aangelê moet word, sluit in dat strate gebou moet word, kragverskaffing beskikbaar gemaak word, en dat die huidige stortingsterrein in toekomstige skoolgronde omskep word.
Die stadsraad sien die stigting van die nuwe woonbuurte as goeie vordering om die uitdaging van die langtermynbehuisingstekort in die hoofstad aan te pak, sowel as die tekort aan gedienste grond.
Volgens die stadsraad sal die bou van woonstelle inwoners ook meer opsies bied.
Goedkeuring vir die ontwikkeling moet nog deur die beplanning- en adviesraad en ook die nedersettingsraad gekry word, terwyl 'n volledige omgewingsimpakstudie nodig is om 'n omgewingsbestuur-klaringsertifikaat van die omgewingskommissaris te kry.
Die stadsraad het dié stappe ook goedgekeur.
Kommentaar
Republikein
Geen kommentaar is op hierdie artikel gelaat nie