Kganyago, Fed help rand tot onder R14 teenoor dollar

12 July 2019 | Ekonomie
Elvira Wood – Die rand verhandel weer teen minder as R14 teenoor die dollar.

Vroeg Donderdagoggend sou ’n dollar jou R13,98 kos.

Dit is bykans 20c minder as Woensdag.

Daar was Woensdag goeie nuus uit alle oorde om die rand te help verstewig.

Internasionaal het Jerome Powell, voorsitter van die Federale Reserweraad (Fed), onverwags voor die kongres getuig dat die Fed nou meer geneë is om rentekoerse te verlaag, sê Bianca Botes, ’n vennoot van Peregrine Treasury Solutions.

Sy het nadat dié nuus bekend geword het, voorspel dat die rand weer na R14 sal mik omdat die dollar onder hernude druk kom.

Die aankondiging deur die tesourie laatmiddag dat Tito Mboweni, minister van finansies, wéér vir Lesetja Kganyago vir ’n verdere vyf jaar as president van die Reserwebank aangestel het, het die rand waarskynlik net die verdere hupstoot gegee om wél deur dié sleutelvlak te breek.

Prof. Raymond Parsons, ekonoom verbonde aan die Noordwes-Universiteit se sakeskool, sê dié aanstelling is baie goeie nuus vir die bank en die ekonomie.

“Kganyago is nie net ’n bankier wat plaaslik en internasionaal gerespekteer word nie, maar sy heraanstelling stuur ’n baie sterk boodskap dat die onafhanklikheid van die sentrale bank gehandhaaf word,” sê hy in ’n verklaring.

Hy het ook die aanstelling van Fundi Tshazibana en dr. Rashad Cassim as sy adjunkte verwelkom.

Die rand het vroeg Donderdagoggend teen R17,49 teenoor die Britse pond en R15,75 teenoor die euro verhandel.

Met hulpbronne staan sake soos volg:

· Goud: $1 426,40 per fynons

· Platinum: $827 per ons

· Olie: $67,18 per vat

Digitale geld

· Bitcoin: $11 304,00/R176 001

· Ethereum: $266,15/R4 251 – Netwerk24

Soortgelyk

 

Net 20,6% water in damme oor

1 dag gelede | Weer

Elvira Hattingh - Damme in Namibië het in totaal net 20,6% of 144,030 Mm³ (miljoen kubieke meter) water oor, vergeleke met dieselfde tyd verlede jaar...

Kiessaak misluk ure voor eerste kruisies

1 dag gelede | Politiek

Jana-Mari Smith - Enkele ure voordat die stembus vir Namibië se 2019-verkiesings in Japan as eerste van die buitelandse sendings sou open, is gister in...

Japan reg om eerste te stem

1 dag gelede | Politiek

Denver Kisting – Namibiërs wat tans in Japan is, kon sedert middernag die eerste mense word om aan vanjaar se presidensiële en Nasionale Vergadering(NV)-verkiesings deel...

Weer vir Woensdag 13 November

1 dag gelede | Weer

BINNELAND: Meestal mooi weer en baie tot bloedig warm in die Suide, andersins gedeeltelik bewolk en baie tot bloedig warm met 'n paar tot geïsoleerde...

Toerismebedryf bekommerd na nog ’n toeris sterf ...

1 dag gelede | Ongelukke

Ronelle Rademeyer - In ’n donker week vir toeristeveiligheid in Namibië is ’n 32-jarige Belgiese man Sondagaand dood toe die toerlorrie waarin ’n groep van...

SME Bank: Krediteure kan hul geld kry

1 dag gelede | Misdaad

Catherine Sasman – Die meester van die hoërhof het op 8 November toestemming gegee vir die eerste krediteure- en ledevergadering van die SME Bank, wat...

Volvo to use blockchain traceability of cobalt

1 dag gelede | Motors

Volvo Cars will become the first carmaker to implement global traceability of cobalt used in its batteries by applying blockchain technology. The announcement follows the...

VERKIESINGS 2019: ONDERWYS EN GESONDHEID

1 dag gelede | Politiek

In die reeks neem ons politieke partye se manifeste in oënskou wat sekere sleutelkwessies betref.ALL PEOPLE’S PARTY (APP)• Gratis onderwys van kleuterskool tot eerste tersiêre...

Eenheid teen geslagsgeweld kry hupstoot

1 dag gelede | Misdaad

Yolanda Nel - Wanneer ’n kind by die huis verkrag word, word dié kind vir 21 dae na ’n plek van veiligheid geneem en daarná...