Kersfees en kuns in Julie

19 July 2019 | Kuns en vermaak
As jy lus is vir feestelikheid in Julie, maak gerus ’n draai by die Omba-galery in Talstraat waar die ’Ikhoba Textiles Farm Project sy 17de jaarlikse Christmas in July-uitstalling aanbied.

Vanjaar het die ’Ikhoba-span, onder leiding van Mildred von Frankenberg-Lüttwitz en Heidi Lacheiner-Kuhn, met Namibiese kunstenaars saamgespan om dié uitstalling met die tema “Tingatinga” aan te bied.

“Afgesien van ons tradisionele handgemaakte Kersversierings, sal besoekers Tingatinga-geïnspireerde skilderye en geborduurde stukke kan sien. Ons het ook ’n paar werke uit die shy wild-reeks deur Anne Lacheiner-Kuhn ingesluit. Anne is ’n geliefde Namibiese kunstenaar wat tans in Londen woon. Ons wil die plaaslike én toeristemark verras en meevoer. Ons wil mense ook aan vernuwende idees van vorige jare blootstel.”

Vanjaar se tema is geïnspireer deur ’n reis na Zanzibar waar die kunstoneel deur Edward Said Tingatinga se werk oorheers word.

Die Tingatinga-styl het in die tweede helfte van die 20ste eeu in Oyster Bay, in Tanzanië, ontwikkel. Dié styl het later na die meeste van Oos-Afrika versprei.

Vandag is dit steeds gewild onder veral toeriste in Tanzanië.

Tingatinga-skilderye is gewoonlik baie kleurvol en het ’n Afrika-tema. Dit kan beskryf word as naïef, amper spotprentagtig, met ’n tikkie humor.

Toe Mildred van haar vakansie in Zanzibar terugkeer, was sy opgewonde om te sien hoe Namibiërs dié kunsvorm sou interpreteer.

By vanjaar se uitstalling sal besoekers groot akrielskilderye en -tonele in die Tingatinga-styl aantref.

Daar sal ook mandjies, juwele en dekoritems van talentvolle kunstenaars van oraloor Afrika wees.

Die kunstenaarsgroep verskuif elke jaar doelbewus grense om ’n wye verskeidenheid produkte ten toon te stel en unieke Afrika-handewerk en -vaardighede te vertoon.

Die verskeidenheid Kersversierings en -ornamente sal artikels bevat wat onder meer uit ou drankdoppies en -deksels, herwonne plastiek, Espresso-kapsules en waterbottels gemaak is.

Besoek die Omba-galery tot 31 Augustus om dié tradisie aan die gang te hou.

Soortgelyk

 

Verklaar raad nietig, sê Itula

14 ure gelede | Politiek

Henriette Lamprecht - Dr. Panduleni Itula, tandarts van beroep en onafhanklike presidentskandidaat in die pas afgelope verkiesings, wil hê die aanstelling van nuwe lede van...

Makalani’s se voete in die water

14 ure gelede | In beeld

Die Namibiese weerkantoor het gister wéér ’n weerwaak vir wydverspreide donderstorms uitgereik, wat na verwagting in die Ohangwena-, Otjozondjupa-, Khomas- en Omahekestreek sal voorkom. Daar...

Opposisie, Itula gaan hof toe oor verkiesings

14 ure gelede | Politiek

Denver Kisting – Die amptelike opposisie, die Popular Democratic Movement (PDM), het gister by monde van sy leier, mnr. McHenry Venaani, gesê hulle gaan ook...

Noa kap na ‘leunstoel-kritici’

14 ure gelede | Misdaad

Ronelle Rademeyer - Die Teenkorrupsiekommissie (ACC) se uitvoerende direkteur, mnr. Paulus Noa, het teruggekap na wat hy “leunstoel-kritici” noem en sê pleks dat hulle dié...

STEMFEITE: OSHANA

14 ure gelede | Politiek

Die infografiek lig Ondangwa se verkiesingsuitslae uit. In 2014 het Swapo 86% van alle stemme in die kiesafdeling gewen.

Weer vir 5 Desember 2019

14 ure gelede | Weer

WEERWAAK: Donderstorms van 50 mm en meer oor 24 uur kan kitsvloede in Ohangwena, Otjozondjupa, Khomas en Omaheke veroorsaak.BINNELAND: Gedeeltelik bewolk en baie warm...

PDM steek skadukabinet aan die werk

14 ure gelede | Politiek

Denver Kisting – Mnr. McHenry Venaani, leier van die amptelike opposisie, die Popular Democratic Movement (PDM), het gister die party se skadukabinet aangekondig.Volgens hom gaan...

Vervoerpionier se roudiens Saterdag

14 ure gelede | Mense

Francoise Steynberg - Die roudiens van ’n pionier en legende in die Namibiese vervoer- en toerismebedryf, wyle mnr. Willie du Toit (68), vind Saterdag om...

Namibiër vlieg agter rooikuifloerie aan

14 ure gelede | Omgewing

Francoise Steynberg - Ná die skaars rooikuifloerie (Musuphaga rossae) onlangs vir die eerste keer langs die Kavangorivier ontdek is, het ’n kranige Namibiese vryskutfotograaf en...