Kenia verras vrouespan
Kenia verras vrouespan
Hokkie
13 August 2019 | Sport
Die Namibiese vrouehokkiespan se aanslag op Olimpiese kwalifisering is gisteroggend 'n gevoelige slag toegedien met 'n onverwagse nederlaag van 1-0 teen Kenia.
Die Afrika-toernooi op Stellenbosch dien om een kontinentale kwalifiseerder in beide die mans- en vroue-afdelings na die 2020 Olimpiese Spele in Tokio te bepaal.
Grace Makokha het die Oos-Afrikane se wendoel in die derde kwart (44ste minuut) aangeteken.
“Ons het die wedstryd oorheers, maar ons het nie ons kanse benut nie. 'n Paar oordeelsfoute in besluitneming by die hoekhoue en in die doelsirkel het ons duur te staan gekom,” het die Namibiese afrigter Erwin Handura agterna laat weet.
Die vrouespan onder kapteinskap van Magy Mengo se volgende wedstryd is eers Donderdag, wanneer hulle om 15:00 hul tweestryd met Suid-Afrika hervat.
Namibië het in onlangse tye die Suid-Afrikaners uitgestof deur in die binnenshuise spel vir kwalifiserende plekke vir groter toernooie op te raap, maar in veldhokkie kon die buurland sover daarin slaag om sy oorheersing vol te hou.
Ghana en Zimbabwe is die ander twee vrouespanne teen wie Namibië onderskeidelik Saterdag en Sondag opgeweeg word.
• Die uitslag van die Namibiese mans se openingswedstryd gister teen Suid-Afrika was teen druktyd nie bekend nie. Die ses spanne in die manskompetisie speel ook op 'n rondomtaliegrondslag (Suid-Afrika, Namibië, Ghana, Zimbabwe, Egipte en Kenia).
Die Afrika-toernooi op Stellenbosch dien om een kontinentale kwalifiseerder in beide die mans- en vroue-afdelings na die 2020 Olimpiese Spele in Tokio te bepaal.
Grace Makokha het die Oos-Afrikane se wendoel in die derde kwart (44ste minuut) aangeteken.
“Ons het die wedstryd oorheers, maar ons het nie ons kanse benut nie. 'n Paar oordeelsfoute in besluitneming by die hoekhoue en in die doelsirkel het ons duur te staan gekom,” het die Namibiese afrigter Erwin Handura agterna laat weet.
Die vrouespan onder kapteinskap van Magy Mengo se volgende wedstryd is eers Donderdag, wanneer hulle om 15:00 hul tweestryd met Suid-Afrika hervat.
Namibië het in onlangse tye die Suid-Afrikaners uitgestof deur in die binnenshuise spel vir kwalifiserende plekke vir groter toernooie op te raap, maar in veldhokkie kon die buurland sover daarin slaag om sy oorheersing vol te hou.
Ghana en Zimbabwe is die ander twee vrouespanne teen wie Namibië onderskeidelik Saterdag en Sondag opgeweeg word.
• Die uitslag van die Namibiese mans se openingswedstryd gister teen Suid-Afrika was teen druktyd nie bekend nie. Die ses spanne in die manskompetisie speel ook op 'n rondomtaliegrondslag (Suid-Afrika, Namibië, Ghana, Zimbabwe, Egipte en Kenia).
Soortgelyk
Windhoek se beursie leeg
7 ure gelede | Regering
Man sterf in bootbrand
7 ure gelede | Ongelukke
Kalahariwoestyn II skop skiet-skiet af
7 ure gelede | Polisie
Henties hou weer dié fees
7 ure gelede | Byvoegsels
Weer, Maandag 19 Augustus 2019
7 ure gelede | Weer
Nida moet sê oor groot geld
7 ure gelede | Plaaslik
Opposisie: Verwyder Katrina
7 ure gelede | Politiek
Raak liries oor 'Suidwes'
7 ure gelede | Byvoegsels
Henties Bay is where /Honeb's heart is
7 ure gelede | Byvoegsels
KleinadvertensiesKleinadvertensies
