Katutura kry 24/7-gesondheidsentrum
Ondanks finansiële beperkings het die ministerie geld bewillig om nog personeel aan te stel.
Henriette Lamprecht – Sewe dae per week, 24 uur per dag.
Dít is die tye wat die Katutura-gesondheidsentrum in Windhoek se dienste beskikbaar sal wees.
Die sentrum is gister amptelik deur die minister van gesondheid en maatskaplike dienste (MoHSS), dr. Kalumbi Shangula, geopen.
Hy het gesê personeel sluit twee mediese beamptes, agt geregistreerde verpleegsters, agt ingeskrewe verpleegsters en agt apteker-assistente in.
Dit verskaf dienste soos gesinsbeplanning, opvolgbehandelings, wondversorging, stabilisering van noodgevalle en verwysings na die afdeling vir ongevalle by die Katutura-hospitaal.
Volgens Shangula sal die druk op die Katutura-hospitaal veral saans en ná ure deur die sentrum verlig word.
“Ons glo die vermindering in die opeenhoping van pasiënte sal ons gesondheidswerkers in staat stel om beter na hul pasiënte om te sien en só die gehalte van pasiëntesorg en rekordhouding by die sentrum en die hospitaal verbeter,” het hy gesê.
Die Katutura-gesondheidsentrum het in die vroeë 1970’s sy deure as kliniek geopen en is in 2000 tot ’n sentrum opgegradeer.
Die sentrum is die enigste in die land wat aanvanklik 12 ure per dag oop was en bedien sowat 120 600 inwoners in die Katutura Sentraal-kiesafdeling.
In die 2018-’19-boekjaar het die sentrum ’n totaal van 116 866 pasiënte behandel.
Sedert sy ontstaan in 2000 het die sentrum ook verskeie pasiënte ná vyf smiddae ontvang en behandel, wat nie by ander klinieke in die Windhoek-distrik gehelp kon word nie. Pasiënte wat nie deur personeel gesien is in die tyd voor die deure om 19:00 gesluit het nie, moes noodgedwonge by die Katutura-staatshospitaal om hulp gaan aanklop, wat tot baie lang rye en wagtye gelei het.
“Die Katutura-hospitaal is die enigste openbare gesondheidsinstelling wat nooddienste in die Windhoek-distrik 24 uur per dag verskaf. Verwysings van ander geriewe in die Khomasstreek en ook die land moes hier gehelp word. Dit het die werklading op ons personeel verhoog, veral snags wanneer nood- en traumagevalle dikwels inkom,” het Shangula gesê.
In die loodsfase van die sentrum se 24 uur diens in Augustus is 3 159 pasiënte hier behandel.
Shangula het personeel en inwoners aangemoedig om eienaarskap van die sentrum te neem en dit op te pas.
“Die geriewe en alles wat hier is, van ’n stoel tot medisyne tot personeel, is hier tot voordeel van die gemeenskap.”
- [email protected]
Dít is die tye wat die Katutura-gesondheidsentrum in Windhoek se dienste beskikbaar sal wees.
Die sentrum is gister amptelik deur die minister van gesondheid en maatskaplike dienste (MoHSS), dr. Kalumbi Shangula, geopen.
Hy het gesê personeel sluit twee mediese beamptes, agt geregistreerde verpleegsters, agt ingeskrewe verpleegsters en agt apteker-assistente in.
Dit verskaf dienste soos gesinsbeplanning, opvolgbehandelings, wondversorging, stabilisering van noodgevalle en verwysings na die afdeling vir ongevalle by die Katutura-hospitaal.
Volgens Shangula sal die druk op die Katutura-hospitaal veral saans en ná ure deur die sentrum verlig word.
“Ons glo die vermindering in die opeenhoping van pasiënte sal ons gesondheidswerkers in staat stel om beter na hul pasiënte om te sien en só die gehalte van pasiëntesorg en rekordhouding by die sentrum en die hospitaal verbeter,” het hy gesê.
Die Katutura-gesondheidsentrum het in die vroeë 1970’s sy deure as kliniek geopen en is in 2000 tot ’n sentrum opgegradeer.
Die sentrum is die enigste in die land wat aanvanklik 12 ure per dag oop was en bedien sowat 120 600 inwoners in die Katutura Sentraal-kiesafdeling.
In die 2018-’19-boekjaar het die sentrum ’n totaal van 116 866 pasiënte behandel.
Sedert sy ontstaan in 2000 het die sentrum ook verskeie pasiënte ná vyf smiddae ontvang en behandel, wat nie by ander klinieke in die Windhoek-distrik gehelp kon word nie. Pasiënte wat nie deur personeel gesien is in die tyd voor die deure om 19:00 gesluit het nie, moes noodgedwonge by die Katutura-staatshospitaal om hulp gaan aanklop, wat tot baie lang rye en wagtye gelei het.
“Die Katutura-hospitaal is die enigste openbare gesondheidsinstelling wat nooddienste in die Windhoek-distrik 24 uur per dag verskaf. Verwysings van ander geriewe in die Khomasstreek en ook die land moes hier gehelp word. Dit het die werklading op ons personeel verhoog, veral snags wanneer nood- en traumagevalle dikwels inkom,” het Shangula gesê.
In die loodsfase van die sentrum se 24 uur diens in Augustus is 3 159 pasiënte hier behandel.
Shangula het personeel en inwoners aangemoedig om eienaarskap van die sentrum te neem en dit op te pas.
“Die geriewe en alles wat hier is, van ’n stoel tot medisyne tot personeel, is hier tot voordeel van die gemeenskap.”
- [email protected]
Kommentaar
Republikein
Geen kommentaar is op hierdie artikel gelaat nie