Katte verbrysel in Kleine Kuppe

Beloning van $N5 000 uitgereik

05 January 2017 | Misdaad
Yochanaan Coetzee

Inwoners van die Mountain Breeze-kompleks in Kleine Kuppe is geskok oor die erge verminking en wrede dood van drie katte in die kompleks.

Die diere se skedels is vergruis waarna hul karkasse in 'n ry voor die kompleks se ingang gerangskik is.

“Dit was 'n gruwelike gesig, helder oordag, en dit het gelyk asof die persoon wat dit gedoen het die katte se karkasse so wou rangskik om dit ten toon te stel,” het mnr. Carl van der Merwe, lid van die Kleine Kuppe-buurtwag gesê.

Die voorval het vermoedelik op Vrydag, 30 Desember 2016, tussen 9:30 en 10:30 plaasgevind terwyl die katte se eienaars besig was om inkopies te doen.

“Ons was net 'n uur weg en toe ons terugkom het my bure vir my die foto’s gewys om te sien of dit ons katte was. Toe ons by die huis gaan kyk, was dit wragtig hulle. Gelukkig was die karkasse reeds verwyder sodat die kinders dit nie kon sien nie. Hulle was steeds baie ontsteld toe ons hulle vertel dat die katte siek geword het en nie meer lewe nie,” sê mnr. André Kotze, die katte se eienaar en inwoner van die kompleks.

“Die grootse probleem is dat ons geen leidrade of inligting het oor wie dit kon doen nie."

Van der Merwe sê: “Daar's baie stories wat rondloop. Een van ons lede het 'n beloning van N$5 000 beskikbaar gemaak sodat ons die persoon kan vind. Dié mens is 'n gevaar vir die samelewing en hy bly hier tussen ons.”

Me. Sylvia Breitenstein, bestuurder van die Dierebeskermingsvereeniging (DBV) in Windhoek, het die voorval as kommerwekkend beskryf.

“Ons moedig die publiek aan om dadelik sulke voorvalle by die DBV aan te meld sodat ons die ondersoek en klag kan verder vat. Ons gaan 'n klag by die polisie lê, maar ons sukkel om by die oorsaak uit te kom. Dis eers op sosiale media versprei, en nou is daar baie stories. Boonop is die bewysstukke (die katte se karkasse) reeds verwyder,” sê Breitenstein.

Sy het gesê die voorval is ernstig en dat dit nie die manier is waarop mense hul probleme met ander se diere moet oplos nie.

Ané Coetzee, 'n Cimbebasia-inwoner, sê sy is steeds ontsteld oor die grudood van een van haar Pomeranian-honde. Twee weke voor haar reun se skedel vergruis is, het haar wyfie weggeraak. Die wyfie is gevind met haar kakebeen stukkend geslaan, maar het oorleef en word behandel.

Indien die publiek inligting het wat kan lei tot die suksesvolle identifisering van betrokkenes by die onderskeie voorvalle, kontak Carl van der Merwe van die Kleine Kuppe-buurtwag by 081 383 0389.

Foto Verskaf

Soortgelyk

 

Kampe dalk spiekeries voor seisoen

1 uur gelede | Toerisme

‘n Noodplan vir die rehabilitasie van die gewilde kampoord Jakkalsputz net suid van Hentiesbaai is in werking gestel. Terselfdertyd het Namibia Wildlife Resorts se beheerbeampte...

95-jarige vas oor onwettige wildprodukte

3 ure gelede | Misdaad

'n Pensioenaris (95) is Maandag omstreeks 15:30 by die Mashare-nedersetting naby Rundu in verband met die onwettige besit van wildprodukte in hegtenis geneem. Volgens die...

Woerts-warts tussen Ondangwa, Walvisbaai

6 ure gelede | Vervoer

Namibiërs kan nou in onder 60 minute tussen Walvisbaai en Ondangwa reis.Air Namibië vlieg sedert Dinsdag drie keer per week tussen dié twee dorpe: op...

Bob bedank, Zim vry!

18 ure gelede | Afrika

Gisteraand skuins voor 18:00 het 'n gejuig in Harare losgebars ná die Speaker van die Zimbabwiese parlement Robert Mugabe se bedanking as president van die...

Karkasse in polisie-minibus

18 ure gelede | Misdaad

Tanja Bause 'n Polisievoertuig met stukke gemsbokkarkas, asook 'n vlakvarkkarkas, het Dinsdag omstreeks 02:44 op die Westelike verbypad omgeslaan. 'n Getuie wat kort ná die...

Oorde kry nie eens oulap se rooi

18 ure gelede | Toerisme

Des Erasmus Honderde Namibiërs en selfs Suid-Afrikaners se vakansieplanne is in die gedrang toe vasgestel is dat, ondanks vroeëre aankondigings deur Namibia Wildlife Resorts (NWR),...

Weer, Woensdag 22 November 2017

18 ure gelede | Weer

BINNELAND: Mooiweer en koel tot warm in die verre Suide en Weste. Elders sal dit gedeeltelik bewolk en baie tot bloedig warm wees. Enkele donderbuie...

Meer as miljoen se Mandrax gekonfiskeer

18 ure gelede | Misdaad

Henriette Lamprecht 'n Namibiese vragmotorbestuurder is op Gobabis agter tralies nadat hy by 'n grenspos met meer as 11 000 Mandrax-tablette betrap is. Die 44-jarige...

Swapo oor kongres gedagvaar

18 ure gelede | Howe

Jacqueline Louw - ’n Hofaansoek van vier lede van die Swapo-party om te verhoed dat 27 afgevaardigdes van hul streek die party se kongres bywoon,...