Katrina vervang

Nuus oor vakature volg

11 July 2019 | Ministeries
Denver Kisting – Amb. Martin Andjaba is gister as die waarnemende minister van onderwys, kuns en kultuur aangewys.

Hy is ook die minister van presidensiële aangeleenthede.

Dr. Alfredo Hengari, pres. Hage Geingob se woordvoerder, het die aanstelling bevestig.

Dié vakature het ontstaan nadat Katrina Hanse-Himarwa Dinsdagmiddag ná meer as vier jaar die tuig neergelê het.

Haar bedanking is voorafgegaan deur ’n skuldigbevinding aan korrupsie in die Windhoek-hoërhof Maandag.

Omdat daar nog net sewe maande van Hanse-Himarwa se termyn oor is en weens haar reg op appèl het pres. Geingob besluit om niemand in die pos aan te stel nie, sê Hengari in ’n verklaring.

Enkele minute voor Hengari bevestig het Hanse-Himarwa is vervang, het dr. Saara Kuugongelwa-Amadhila, die eerste minister, aan Republikein gesê nuus oor dié vakature sal in ’n gepaste stadium gekommunikeer word.

“’n Aankondiging in hierdie verband sal op ’n geskikte tydstip gemaak word,” het haar bondige WhatsApp-boodskap gelui.

Republikein verneem die adjunkminister, me. Anna Nghipondoka, en me. Sanet Steenkamp, die uitvoerende direkteur, het gisteroggend in Windhoek met die personeel van die ministerie vergader.

Tydens dié vergadering is personeellede amptelik ingelig oor Dinsdag se verwikkelinge.

Soortgelyk

 

Etosha Sondagmiddag deur aardbewing geskud

3 ure gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

3 ure gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

3 ure gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

4 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

5 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

15 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

15 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

15 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

15 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...