Katrina se toekoms duister

Stem nie saam met hof

09 July 2019 | Howe
Denver Kisting – Teen gistermiddag was pres. Hage Geingob nog stil oor een van sy kabinetsministers wat aan korrupsie skuldig bevind is.

Katrina Hanse-Himarwa, die minister van onderwys, kuns en kultuur, sê egter sy stem glad saam met regter Christie Liebenberg se bevinding nie.

Om 12:05 gister het Liebenberg in ’n geskiedkundige stap vir Hanse-Himarwa aan korrupsie skuldig bevind.

Hof B by die Windhoek-hoërhof het uit sy nate gebars van joernaliste, familie en ondersteuners van die minister toe die uitspraak voorgelees is.

Liebenberg het om 10:17 met sy uitspraak begin en was bykans twee ure later eers klaar.

Ná afloop van die verrigtinge het die oudgoewerneur van die Hardapstreek aan joernaliste gesê: “My siening verskil heeltemal met dié van die regter.”

Op ’n vraag of sy teen haar skuldigbevinding sal appelleer, het sy gesê: “Vir seker; dié is nie die einde nie.”

Sy het toegegee gister se skuldigbevinding sal nie haar politieke loopbaan onaangeraak laat nie. “Dit is vanselfsprekend dat dit ’n impak op jou politieke loopbaan het.”

Hanse-Himarwa wou nie sê of sy as kabinetsminister sal bedank nie. “Kom ons hoor wat die weg vorentoe is. Ek sal julle op die hoogte hou.”

Volgens haar moet sy eers met haar regspan beraadslaag.

Sy wou by van haar ondersteuners in die openbare galery weet hoekom hulle hartseer lyk.

Sondag het sy via WhatsApp aan Republikein gesê: “Ek is cool. Selfs al loop ek deur die vallei van (dood)skaduwee, sal ek nie vrees nie, want God is saam met my. In die lewe of in die dood, my God is met my.”

Speaker sê

Die speaker van die Nasionale Vergadering (NV), prof. Peter Katjavivi, het gistermiddag by navraag gesê hy wil eers die uitspraak bestudeer voor hy kommentaar lewer.

Hy sê hy was gisteroggend in vergaderings en kon derhalwe nie die hofverrigtinge volg nie. “Dit is belangrik dat ek myself inlig en na die weg vorentoe kyk.”

Boonop, het Katjavivi gesê, iemand wat aan ’n misdaad skuldig bevind is, kan appèl aanteken. Daarom meen hy dit is nie in dié stadium geskik om kommentaar te lewer nie.

Swapo, kabinetsekretaris sê nie

Me. Sophia Shaningwa, die sekretaris-generaal van Swapo, het gister gesê sy wil liefs nie kommentaar lewer nie.

“Ek is regtig baie ver van daardie storie. Ek dink nie ek sal in ’n beter (sic) posisie wees om kommentaar te lewer nie.”

Dr. George Simataa, die kabinetsekretaris, het nie op vrae gereageer nie.

Soortgelyk

 

Vermeende gemsbokstroper gewond

6 ure gelede | Misdaad

'n Vermeende gemsbokstroper is Donderdag op 'n plaas in die Omaruru-distrik in die been gewond. Volgens die Namibiese polisie is 'n 49-jarige man omstreeks 17:00...

Kolonel, onderwyser vas oor wild

6 ure gelede | Misdaad

'n Weermagkolonel (51) van die Otavi-weermagbasis en 'n onderwyser is vanoggend omstreeks 01:00 met twee duikers, twee hase, twee springhase en een wildsbok by...

Leerlingdokters, -tandartse by staatshospitale uitgeplaas

7 ure gelede | Gesondheid

’n Totaal van 131 leerlingdokters is by verskeie hospitale dwarsoor die land uitgeplaas om met hul internskap van twee jaar te begin. Die leerlingdokters sal...

Hof: Minister skuldig aan korrupsie

23 ure gelede | Howe

In 'n geskiedkundige eerste vir Namibië is me. Katrina Hanse-Himarwa, die minister van onderwys, kuns en kultuur, vandag in die hoërhof in Windhoek skuldig bevind...

Voortrekker: “Namibië nie ’n desperate land”

23 ure gelede | Ministeries

Henriette Lamprecht - ‘n Wêreldbekende omgewingsaktivis het nou ook sy stem by die oproer oor die skietdood van Namibië se ikoniese ou olifantbul, Voortrekker, gevoeg,...

Dís hoekom amptenare nie verhogings kry

23 ure gelede | Arbeid

Elvira Hattingh - Dit sal onverantwoordelik wees indien die regering salarisverhogings aan staatsamptenare toestaan kort ná ‘n noodtoestand weens droogte aankondig is en burgers vir...

Nadja Namibië se mooiste

23 ure gelede | In beeld

Mej. Namibie 2019, Nadja Breytenbach (middel), is Saterdagaand tydens ’n glansgeleentheid in die hoofstad gekroon. Haar eerste prinses is Julita-Kitwe Mbangula (links) en Johanna Swartbooi...

Weer vir 8 Julie

23 ure gelede | Weer

BINNELAND: Sonnig en matig in die Suide, Ooste en Sentrale gedeeltes, andersins sonnig en warm tot baie warm. KUS: Gedeeltelik bewolk en koel tot warm...

/Khowese kry nuwe hoofman

23 ure gelede |

Mnr. Hendrik Ismael Witbooi is Saterdag by die Gibeon-nedersetting in die Hardapstreek as die /Khowese(Witbooi)-stam se negende hoofman (gaob) aangewys. Ismael volg die ontslape hoofman...