Kapofi-saak na AG verwys
Mariselle Stofberg - Die saak van die voormalige assistent van die ontslape veteraanpolitikus mnr. Andimba Toivo ya Toivo, is tot 16 Maart 2018 vir beslissing deur die aanklaer-generaal uitgestel.
Die beskuldigde, mnr. Elia Shoopala Kapofi (49), het gister (Dinsdag) in die Windhoek-landdroshof voor landdros Gerrit Brand van Pletzen op aanklag van bedrog en diefstal verskyn.
Kapofi het na bewering in Februarie N$71 000 uit Ya Toivo se bankrekening onttrek. Hy is op 18 Augustus in hegtenis geneem en sy eerste verkyning in die hof was op 21 Augustus.
Ya Toivo is op 9 Junie in die ouderdom van 92 in Windhoek oorlede.
Kapofi se borgtog van N$10 000 is verleng met die voorwaarde dat hy op 16 Maart 2018 in die Windhoek-landdroshof verskyn. Indien die beskuldigde nie aan die vereistes voldoen nie, sal ’n lasbrief vir sy inhegtenisneming uitgereik word. Sy borgtog sal ook teruggetrek en die borgtoggeld verbeur word.
Mnr. Kadhila Amoomo verskyn vir die beskuldigde en staatsaanklaer Tatelo Cuthbert Lusepani vir die staat.
Die beskuldigde, mnr. Elia Shoopala Kapofi (49), het gister (Dinsdag) in die Windhoek-landdroshof voor landdros Gerrit Brand van Pletzen op aanklag van bedrog en diefstal verskyn.
Kapofi het na bewering in Februarie N$71 000 uit Ya Toivo se bankrekening onttrek. Hy is op 18 Augustus in hegtenis geneem en sy eerste verkyning in die hof was op 21 Augustus.
Ya Toivo is op 9 Junie in die ouderdom van 92 in Windhoek oorlede.
Kapofi se borgtog van N$10 000 is verleng met die voorwaarde dat hy op 16 Maart 2018 in die Windhoek-landdroshof verskyn. Indien die beskuldigde nie aan die vereistes voldoen nie, sal ’n lasbrief vir sy inhegtenisneming uitgereik word. Sy borgtog sal ook teruggetrek en die borgtoggeld verbeur word.
Mnr. Kadhila Amoomo verskyn vir die beskuldigde en staatsaanklaer Tatelo Cuthbert Lusepani vir die staat.
Kommentaar
Republikein
Geen kommentaar is op hierdie artikel gelaat nie