Kantoor van eerste dame kry hulp van FLAC om weerloses te help
Daadwerklike pogings word deur die kantoor van die eerste dame aangewend om maatskaplike euwels in die land die hoof te bied en oplossings daarvoor te vind.
Estelle de Bruyn
Die tyd het aangebreek dat Namibië erken dat die land ‘n post-konflik gemeenskap het, wat aanleiding tot vele maatskaplike euwels soos geslagsgegronde geweld gee.
So sê die gade van die president, me. Monica Geingos, wat gister die lede van die eerste dame se raadgewende komitee (Flac) bekend gestel het. Die komitee sal haar kantoor bystaan om kwessies soos geslagsgegronde geweld (GBV) en MIV/vigs te bekamp en te verseker dat die werk wat hulle doen relevant bly en nie net Windhoek teiken nie, maar al die streke van die land.
Van die lede van die komitee is die voormalige eerste dame, me. Penehupifu Pohamba, adv. Bience Gawanas, me. Vicky ya Toivo, pastoor Willem Hanse en me. Bernadette Harases.
By ‘n geleentheid by Staatshuis het Geingos gesê GBV raak byna elke huishouding in die land en dat dit noodsaaklik is om die strukturele redes vir die voorkoms hiervan vas te stel.
Sy wys daarop dat te veel Namibiërs deur die psigo-maatskaplike veiligheidsnet val en sê die land moet dit in sy ontwikkelingsplanne in ag neem.
Sy het ook vertel van haar kantoor se werk met die direktoraat korrektiewe dienste en kontak wat met oortreders gemaak is om vas te stel waar dinge in hul lewens skeef geloop het. ‘n Samewerkingsooreenkoms tussen die direktoraat en die kantoor van die eerste dame is ook by die geleentheid onderteken.
Geingos se span was die afgelope naweek by Club London in Windhoek, waar hulle berading gedoen en aktiewe interaksie met jongmense gehad het om hulle op die gevare van drank- en dwelmmisbruik en die euwels wat daaruit kan voortvloei soos “date rape” en ander onbeheerste gedrag, gewys het. ‘n Tent waar sielkundige beraders byderhand was om bystand aan getraumatiseerde jeugdiges te verleen, was naby die klub opgeslaan.
‘n Jong jeugmisdadiger wat maar in graad 9 was toe hy deel van ‘n groep was wat ‘n meisie verkrag het, en nou gevangenisstraf uitdien, het klubgangers toegespreek oor hoe hy op die verkeerde paaie beland het en wat die gevolge van sy dade was.
“Ons het baie pyn en seerkry in ons samelewing. Namibië besef nie dat ons ‘n post-konflik samelewing is nie, maar ons is inderdaad,” het Geingos gesê.
Sy het ook op die belangrikheid daarvan gewys dat kinders openlik met hulle ouers moet kan praat oor wat hulle op die hart het en dat ouers moet luister en volwasse raad moet gee. “Dit help nie ‘n 16-jarige vra ‘n ander 16-jarige vir raad nie,” het sy gesê.
Die kantoor van die eerste dame werk nou saam met verskeie instansies waaronder die regshulpsentrum, nieregeringsinstansies en instellings van die Verenigde Nasies soos onder meer Unicef en UNAids ten einde ‘n geslag vry van MIV/vigs te verseker.
“Ons wil dit verder neem tot ‘n ‘wees vry’ beweging: nie net vry van MIV/vigs nie, maar vry om veilig te kom en te gaan soos ‘n mens wil, vry van portuurgroepdruk, vry van mishandeling en teistering en vry van alles wat mense weerloos maak,” het Geingos verduidelik.
Die kantoor van die eerste dame werk ook nou saam met die ministeries van veiligheid en sekuriteit; onderwys, kuns en kultuur; geslagsgelykheid en kinderwelsyn en gesondheid en maatskaplike dienste om hierdie sosiale probleme die hoof te bied.
Die tyd het aangebreek dat Namibië erken dat die land ‘n post-konflik gemeenskap het, wat aanleiding tot vele maatskaplike euwels soos geslagsgegronde geweld gee.
So sê die gade van die president, me. Monica Geingos, wat gister die lede van die eerste dame se raadgewende komitee (Flac) bekend gestel het. Die komitee sal haar kantoor bystaan om kwessies soos geslagsgegronde geweld (GBV) en MIV/vigs te bekamp en te verseker dat die werk wat hulle doen relevant bly en nie net Windhoek teiken nie, maar al die streke van die land.
Van die lede van die komitee is die voormalige eerste dame, me. Penehupifu Pohamba, adv. Bience Gawanas, me. Vicky ya Toivo, pastoor Willem Hanse en me. Bernadette Harases.
By ‘n geleentheid by Staatshuis het Geingos gesê GBV raak byna elke huishouding in die land en dat dit noodsaaklik is om die strukturele redes vir die voorkoms hiervan vas te stel.
Sy wys daarop dat te veel Namibiërs deur die psigo-maatskaplike veiligheidsnet val en sê die land moet dit in sy ontwikkelingsplanne in ag neem.
Sy het ook vertel van haar kantoor se werk met die direktoraat korrektiewe dienste en kontak wat met oortreders gemaak is om vas te stel waar dinge in hul lewens skeef geloop het. ‘n Samewerkingsooreenkoms tussen die direktoraat en die kantoor van die eerste dame is ook by die geleentheid onderteken.
Geingos se span was die afgelope naweek by Club London in Windhoek, waar hulle berading gedoen en aktiewe interaksie met jongmense gehad het om hulle op die gevare van drank- en dwelmmisbruik en die euwels wat daaruit kan voortvloei soos “date rape” en ander onbeheerste gedrag, gewys het. ‘n Tent waar sielkundige beraders byderhand was om bystand aan getraumatiseerde jeugdiges te verleen, was naby die klub opgeslaan.
‘n Jong jeugmisdadiger wat maar in graad 9 was toe hy deel van ‘n groep was wat ‘n meisie verkrag het, en nou gevangenisstraf uitdien, het klubgangers toegespreek oor hoe hy op die verkeerde paaie beland het en wat die gevolge van sy dade was.
“Ons het baie pyn en seerkry in ons samelewing. Namibië besef nie dat ons ‘n post-konflik samelewing is nie, maar ons is inderdaad,” het Geingos gesê.
Sy het ook op die belangrikheid daarvan gewys dat kinders openlik met hulle ouers moet kan praat oor wat hulle op die hart het en dat ouers moet luister en volwasse raad moet gee. “Dit help nie ‘n 16-jarige vra ‘n ander 16-jarige vir raad nie,” het sy gesê.
Die kantoor van die eerste dame werk nou saam met verskeie instansies waaronder die regshulpsentrum, nieregeringsinstansies en instellings van die Verenigde Nasies soos onder meer Unicef en UNAids ten einde ‘n geslag vry van MIV/vigs te verseker.
“Ons wil dit verder neem tot ‘n ‘wees vry’ beweging: nie net vry van MIV/vigs nie, maar vry om veilig te kom en te gaan soos ‘n mens wil, vry van portuurgroepdruk, vry van mishandeling en teistering en vry van alles wat mense weerloos maak,” het Geingos verduidelik.
Die kantoor van die eerste dame werk ook nou saam met die ministeries van veiligheid en sekuriteit; onderwys, kuns en kultuur; geslagsgelykheid en kinderwelsyn en gesondheid en maatskaplike dienste om hierdie sosiale probleme die hoof te bied.
Kommentaar
Republikein
Geen kommentaar is op hierdie artikel gelaat nie