Kanse op La Niña klim na 50%

23 June 2020 | Omgewing
Elvira Hattingh – Die Australiese Buro vir Meteorologie het pas sy Enso-uitkykstatus na ’n La Niña-wag verander.

Dit omdat hulle meen die temperatuur van die wateroppervlak in die tropiese Stille Oseaan kan teen die lente La Niña-vlakke bereik – wat goeie nuus vir reënvooruitsigte in Suider-Afrika is.

In die uitkykstatus wat pas uitgereik is, sê die buro beide die El Niño- Suidelike Ossilasieklimaatspatroon (Enso) asook die Indiese Oseaan-dipool (IOD) is tans neutraal, maar dat die tropiese Stille Oseaan steeds besig is om af te koel.

“Die meerderheid klimaatsmodelle voorspel dat dié tendens sal voortduur en dat dit in die vroeglente digby La Niña-drumpels sal wees. Daarom het die buro sy Enso-status na ’n La Niña-uitkyk verander,” het die buro in ’n verklaring geskryf.

’n La Niña-uitkyk beteken dat daar tans ’n 50% kans bestaan dat La Niña nog vanjaar sal vorm. Dit is ongeveer dubbel die gemiddelde waarskynlikheid.

“Drie modelle toon dat La Niña reeds teen láát winter gaan vorm, terwyl nog twee modelle voorspel dat La Niña-drumpels eers vroeg lente bereik sal word.

Mnr. Johan van den Berg, landbouweerkundige-konsultant by Santam Suid-Afrika, het vroeër vandeesmaand gesê terwyl La Niña-toestande dreig om te ontwikkel, word dit ook vereenselwig met ’n negatiewe Indiese Oseaan-dipool (IOD) – “wat ’n baie positiewe vooruitskouing vir somer­reën is”.

Die buro sê drie uit ses van hul weermodelle voorspel dat ’n negatiewe IOD in die winter of vroeglente kan ontwikkel. Tog dui die meeste modelle aan dat die IOD iewers tussen neutraal en negatief sal bly.

Sou vooruitsigte vir La Niña-toestande verder versterk, sal die buro volgende sy uitkykstatus na ’n La Niña-waarskuwing verander. Sou La Niña-toestande in werklikheid vir ’n aantal maande heers, word ’n La Niña formeel aangekondig.

Soortgelyk

 

Iran: Kernkragontploffing veroorsaak beduidende skade

5 ure gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

6 ure gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

8 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

9 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

9 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Twee vas oor olifanttande

20 ure gelede | Misdaad

Volgens die weeklikse wildmisdaadverslag vanaf 29 Junie tot 6 Julie is twee nuwe wildmisdaadsake aanhangig gemaak en vier verdagtes in hegtenis geneem. Mnre. Alfred...

Kleintjies terug skool toe

20 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

20 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

20 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...