Kanker: ‘Breek stigma af’

Tweede dodelikste siekte ter wêreld

04 February 2019 | Gesondheid
Henriette Lamprecht - Jy is die held van die storie.

Wie jy ook al is, jy het die vermoë om die impak van kanker op jouself, die mense wat jy liefhet en die wêreld te verander.

Hierdie ingesteldheid is deel van ’n veldtog vir Wêreldkankerdag vanjaar, wat vandag gevier word.

Jaarliks word tussen 3 500 en 3 700 nuwe kankerdiagnoses in Namibië gemaak.

Vanjaar, onder die vaandel van #IAmNamibia en #IWillFightCancer, rus die onus op elke Namibiër om sy deel te doen om die impak en stigma van die siekte te verminder en te vernietig.

“Dis om met een stem op te staan en te praat,” sê die Kankervereniging van Namibië (CAN) se uitvoerende hoof, mnr. Rolf Hansen.

“Dit fokus nie net op die pasiënt se reis nie, maar ook op sy of haar familie, die mense om ons. Ons moet opstaan en die stigma breek – veral in Afrika, waar ons met verskillende tale en kulture spog. Ons is almal een stem,” het Hansen benadruk.

Wêreldkankerdag is ‘n inisiatief van die Unie vir Internasionale Kankerbeheer, die grootste en oudste internasionale kankerorganisasie, wat daartoe verbind is om die wêreld te verenig om die wêreldwye las van die siekte te verminder, groter gelykheid bevorder en kankerbeheer in ontwikkelings- en gesondheidsagendas oraloor die wêreld te integreer.

Jaarliks sterf 9,6 miljoen mense aan die siekte – die tweede dodelikste siekte ter wêreld.

Tog kan ‘n derde van kankers voorkom word.

Volgens ‘n onlangse Britse studie is die oorlewingsmoontlikheid vir agt kankers, wat insluit blaas-, derm-, bors-, servikale, baarmoeder-, kwaadaardige melanoom, eierstok- en testikulêre kanker, drie keer hoër as ander soorte kanker as dit vroeg gediagnoseer word.

Die totale jaarlikse ekonomiese koste van kanker word op US$1,16 triljoen beraam.

Deur US$11 miljard in voorkomingstrategieë in lae- en middelinkomste lande te belê, kan ’n koste van US$100 miljard op kankerbehandeling gespaar word.

Toenemende bewustheid en die regte inligting kan elkeen bemagtig om vroeë waarskuwingstekens te herken, ingeligte besluite te neem en vrese en wanopvattings oor kanker uit die weg te ruim.

Nie alle kankers toon vroeë simptome nie, maar in sommige is vroeë waarskuwingstekens wel teenwoordig.

Dit sluit bors-, servikale, kolon-, vel-, orale en sommige kinderkankers in.

Deur vroeë waarskuwingstekens te herken, is daar ‘n groter kans op oorlewing en lewensgehalte.

In die lig van vanjaar se tema vir Wêreldkankerdag kan mense hulself en die mense vir wie hulle lief is, bemagtig deur oor kennis van waarskuwingstekens en simptome te beskik.

“Ingryping en voorkoming red lewens, en dít is ons as CAN se hoofdoel vir 2019,” het Hansen gesê.

Die publiek kan vandag nog vars vrugte aan kankerpasiënte by CAN se hoofkantoor in John Meinertstraat 90 in Windhoek-Wes skenk.

Deel van vandag se plaaslike vieringe vir Wêreldkankerdag is ‘n ook ‘n Lavender Walk wat om 08:30 by CAN begin, en van daaraf na die Dr. AB May-kankersorgsentrum by die Sentrale Hospitaal beweeg.

Vrugte wat geskenk en ingesamel is, sal dan aan pasiënte by die sentrum uitgedeel word.

Vir meer inligting, kontak CAN by (061) 237-740, [email protected] of www.can.org.na

Soortgelyk

 

Windhoek klop waterteikens

13 ure gelede | Plaaslik

Elvira Hattingh - Inwoners van die hoofstad neem waterbesparings uiteindelik ernstig op en het die afgelope week weer 4% bespaar. Volgens me. Lydia Amutenya,...

Kalahariwoestyn keer terug

13 ure gelede | Polisie

Denver Kisting – In ’n poging om soortgelyke tragedies te verhoed soos die een waarin ’n Zimbabwiese taxibestuurder gesterf het, gaan alle beamptes wat aan...

Weer, Woensdag 7 Augustus 2019

13 ure gelede | Weer

BINNELAND: Gedeeltelik bewolk en matig in //Kharas, maar warm tot baie warm in die Noorde. Elders sal dit sonnig en warm wees.KUS: Gedeeltelik bewolk en...

Tweejarige sterf in ongeluk

13 ure gelede | Ongelukke

’n Tweejarige meisie, Andrea Pawa Jason, het Saterdagoggend in ’n ongeluk sowat 2 km buite Usakos gesterf.Volgens die Namibiese polisie se misdaadverslag het die ongeluk...

Nudo, UPM voeg stem by antikuberkraakkoor

13 ure gelede | Politiek

Denver KistingDie president van die National Unity Democratic Organisation (Nudo), me. Esther Muinjangue, sê hulle is nie onder die huidige omstandighede beskikbaar vir die kuberkraaktoets...

renosters by Onguma onthoring

13 ure gelede | In beeld

Om stropery te voorkom het die Onguma-wildreservaat naby die Etosha Nasionale Park onlangs al hul renosters ontho­ring. Volgens die reservaatbestuurder, mnr. Jonathan Strijbis, was die...

Jong beesbeoordelaars beïndruk

13 ure gelede | Gebeure

Elvira HattinghBank Windhoek en Feedmaster span tans saam om 'n nasionale beesbeoordelaarskompetisie en -kursus vir Namibiese jongmense aan te bied.Tot dusver het die organiseerders deelnemers...

Elfjarige glo deur oom (48) verkrag

13 ure gelede | Misdaad

’n Meisie (11) is Vrydag omstreeks 14:00 glo deur haar 48-jarige oom in die Etaneno-nedersetting naby Onankali verkrag.Die verdagte is in hegtenis geneem en sou...

An update for the design icon

13 ure gelede |

Familiarly known as Audi’s design icon, the Audi TT’s third generation takes the stage with a facelifted appearance: sporty and refined exterior design, higher-powered engines...