Kameras vat padgebruikers oor langpad vas

Gebruik van gordels, selfone ook gemonitor

29 June 2018 | Polisie
Die Namibiese polisie (Nampol) is tans besig om die gebruik van tegnologies gevorderde spoed­kameras op die B1- en B2- ­nasionale paaie te toets.

Adj.komm. Amalia Gawanas, hoof van Nampol se verkeersbeheerafdeling, het op 21 Junie aangekondig dié kameras sal binnekort in werking gestel word.

Weens hul kenmerkende geel kleur staan die kameras as “geelpaalkameras” bekend.

“Dié kameras is van vandag (verlede Donderdag) af in werking,” het Gawanas gesê.

Gedurende die twee weke lange toetsfase word 12 kameras gebruik om 'n nuwe stelsel te toets wat spoed oor 'n afstand sal meet.

Die gemiddelde spoed van 'n voertuig oor 'n sekere afstand kan bereken word omdat die verskeie kameras met mekaar in verbinding is.

Volgens insp. Rozario Coetzee sal die stelsel boetes vir spoedoortredings aanteken die oomblik wat 'n foto geneem word, en wéér as die voertuig die spoedperk by die volgende kamera oorskry.

Met drie kameras op een stuk pad kan padgebruikers dus tot ses boetes op een reis ontvang.

Veral in die Erongo- en Otjozondjupastreek tussen Okahandja en Swakopmund of Okahandja en Otjiwarongo word hierdie drie­kamerastelsel tans getoets.

NOG NIE VERVOLG

Volgens Coetzee sal oortreders wat op hierdie manier gevang word, egter nog nie daarvoor vervolg word nie.

Vervolging sal van toepassing wees sodra die toepaslike regulasies in die Staatskoerant gepubliseer is en alle wetlike kwessies opgeklaar is.

Die Namibiese Instituut vir Standaarde (NSI) moet die nuwe stelsel ook nog goedkeur.

Ander funksies waarmee die nuwe kameras spog, wat geen twyfel met betrekking tot aanspreeklikheid laat nie, sluit in 'n inzoem-funksie wat selfs sal kan vasstel of bestuurders hul selfone gebruik terwyl hulle bestuur, en of padgebruikers veiligheidsgordels dra.

Volgens Coetzee sal die stelsel verder uitgebrei word.

Hy sê die toetsproses is goed op dreef.

Die polisie is reeds in besit van foto's wat die kameras geneem het en neem dit tans onder oë, sê hy.

Coetzee wil lesers se aandag ook vestig op onlangse kennisgewings van die NSI wat 'n beroep op die publiek doen om insette oor die nuwe stelsel te lewer.

Dié geleentheid verstryk op 15 Julie, waarna dit bestudeer sal word en veranderinge wat meriete het, aangebring sal word.

Die polisie verwag dat die betrokke regulasies teen die einde van Julie in die Staatskoerant gepubliseer sal word “en daarna sal ons dié wet afdwing”, het Coetzee gesê.

Soortgelyk

 

Venaani boos oor grondkonferensie

3 ure gelede | Politiek

Denver Kisting – Die amptelike opposisie sê hy is ongelukkig met hoe volgende week se grondkonferensie beplan word.Volgens die leier van die Popular Democratic Movement...

Krisis met toetse vir hondsdolheid

16 ure gelede | Plaaslik

Ronelle Rademeyer - Namibië staar ’n nasionale krisis in die gesig aangesien geen toetse vir hondsdolheid tans by die sentrale veeartsenylaboratorium in Windhoek gedoen kan word nie. Dr....

Prins William is hier

16 ure gelede | Plaaslik

Francoise Steynberg - Prins William van Brittanje is in Namibië om die internasionale gemeenskap se oë op Namibië se ikoniese spesie, die swartrenoster, te vestig....

EES kook op Duitse X-Factor

16 ure gelede | Kuns en vermaak

Tanja BauseDie Namibiese kwaitokunstenaar EES het na die finale regstreekse uitsending van X-Factor Duitsland deurgedring. EES en sy Yes-Ja!-band werk tans hard daaraan om hulself...

Vermeende stroper doodgeskiet

16 ure gelede | Misdaad

Tanja Bause – Daar word beweer die 73-jarige eienaar van die plaas Senderling by Kamanjab het Saterdag om 11:30 die Angolese burger mnr. Tuayunda Mbwale...

Weer vir 25 September

16 ure gelede | Weer

WEERWAAK: Hittegolftoestande sal na verwagting oor die noordelike streke voortduur.BINNELAND: Mooiweer en baie warm in die verre Noord- en Suidweste, andersins gedeeltelik bewolk en baie...

Laughter is the best medicine

16 ure gelede | Gesondheid

Henriette Lamprecht – It’s contagious and good medicine – not only for the body, but for the mind and soul as well. It lightens your...

Smelling the roses is not just a pipe dream

16 ure gelede | Gesondheid

In today’s rat race it’s easy to lose your way in the daily grind while trying to keep your head above water. Our responsibilities as...

Een maand ná Avihe

16 ure gelede | Misdaad

Denver Kisting – Me. Jessica Kaimu, ousus van die vermoorde Avihe Ujaha, sê die familie probeer steeds hul voete vind ná die tragedie wat die...