Kalkrand oorleef op druppels

Koshuisleerling ly onder omstandighede

21 October 2021 | Maatskaplik
Augetto Graig – Die klein en arm gemeenskap van Kalkrand moet al bykans drie weke lank met net druppels water oor die weg kom nadat ’n pomp sowat 20 km van die dorp gebreek het. Die pomp voorsien water uit die Visrivier aan die dorp se reservoir.

Gerugte op die dorp is dat NamWater die foutiewe pomp met ’n kleiner pomp vervang het om druk op die plaaslike owerheid te plaas om hul skuld te delg.

Volgens dominee Düring Cornelius van die NG Kerk ly die Primêre Skool Kalkrand se koshuisleerlinge die ergste onder dié omstandighede. Sonder lopende water kan die toilette nie gespoel word nie en hul groentetuin wat groente aan die koshuis verskaf, kan nie natgelei word nie.

Dit het gister op die dorp gereën en dit het hoop vir die plante gebring, maar Cornelius is steeds bekommerd, want “kinders raak maklik siek,” sê hy.

Die skoolhoof, mnr. Stalin Skrywer, het die situasie gister aan Republikein bevestig en sê daar is geen watertoevoer na die skool toe nie.

“Ons probeer maar ons bes,” het hy gesê van skoolbeamptes se pogings om na die meer as 50 leerlinge in die koshuis om te sien.

Kalkrand se uitvoerende hoof, mnr. Ruben Sitanga, het ook die stand van sake bevestig. Hy sê die situasie duur nou al amper drie weke waar inwoners slegs tussen sewe in die oggend en agt saans water uit hul krane kan kry, en dan ook net ’n klein stroompie, en ook nie orals op die dorp nie.

“Buurmense help mekaar. Op die oomblik kry ons maar wat ons kry,” sê hy.

Sitanga sê hy is in gesprek met NamWater en het die versekering gegee die kwessie het niks met skuld te make nie. “Daar is net te min water in die reservoir, omdat die pomp nie werk soos dit moet nie,” het hy gesê.

Volgens hom het NamWater belowe hulle sal die situasie hanteer en sal ook alle vrae beantwoord.

Vrae wat al vroeg gister aan NamWater se amptelike woordvoerder, mnr. Johannes Shigwedha, gestuur is, was teen druktyd onbeantwoord, terwyl die NamWater-beampte verantwoordelik vir die betrokke gebied ook nie bereik kon word nie.
[email protected]

FOTO Nampa/ Argief

Soortgelyk

 

Vroeë Kersgeskenk vir die Kankervereniging

6 ure gelede | Kuns en vermaak

Die Kollege van die Kunste (Cota) bied eerskomende Sondag (5 Desember) die Christmas Memories-konsert ten bate van die Kankervereniging van Namibië (CAN) aan. Jürgen Kriess,...

Vrou toets positief vir Omicron in Tseggiese Republiek ná...

7 ure gelede | Gesondheid

'n Finale ontleding by 'n hospitaal in die stad Liberec in die Tseggiese Republiek het getoon 'n 60-jarige vrou wat teruggekeer het van 'n reis...

Shifeta: Regering in gesprek oor reisverbod

7 ure gelede | Toerisme

Die Namibiese regering gaan voort om deur middel van diplomatieke kanale met die relevante owerhede in Brittanje, Verenigde Arabiese Emirate, die Europese Unie en sy...

Nasionale Raad hervat sy sitting

7 ure gelede | Regering

Die Nasionale Raad het vanoggend (Maandag) sy sitting hervat, onder meer om die nuwe Wysigingswetsontwerp op Bewilliging te bespreek.Dit is vroeër deur die Nasionale Vergadering...

Geen sterftes, sewe nuwe gevalle

10 ure gelede | Gesondheid

Die Covid-sterftes bly op 3 573, terwyl sewe nuwe gevalle gister aangeteken is. Dit is 'n positiewe koers van 0,6% en sluit 'n student in....

Wêreld se optrede ‘oneerbiedig, agterbaks, diskriminerend’

21 ure gelede | Gesondheid

Die uitvoerende voorsitter van Ohlthaver & List, Sven Thieme, sê Brittanje, die Europese Unie, Amerika en ander lande se reisverbod op vlugte uit Suider-Afrika is...

G7-lande se gesondheidsministers vergader vandag

21 ure gelede | Internasionaal

Gesondheidsministers van die wêreld se rykste sewe demokrasieë sal Maandag vergader om die nuwe variant van die coronavirus, Omicron, te bespreek.Reuters berig die dringende G7-vergadering,...

Veldbrand ‘buite beheer’

21 ure gelede | Ongelukke

Nadat Republikein vanmiddag ondersoek by die veldbrande in die omgewing van Midgard gaan instel het, het mnr. Cornè Kruger intussen laat weet die vuur was...

Twee bome in die woestyn

21 ure gelede | Gemeenskap

Tanja Bause Langs die pad tussen Uis en Hentiesbaai staan twee apiesdoringbome by ’n piekniekplek. Familie en vriende het dié bome op 30 Augustus 2010...