Kalender 9 November

09 November 2018 | Kuns en vermaak
Nou aan die gang

» Die bekende sangduo BLEND tree vanaand en môreaand om 19:00 by die Wolfshack in Windhoek op. BLEND is gewild vir hul akoestiese weergawes van bekende en verskeie oorspronklike liedjies. Die duo het ook onlangs hul vollengte album, In Transit, vrygestel, wat tydens die show te koop sal wees. Vir meer inligting oor BLEND of Wolfschack, besoek hul onderskeie Facebook-blaaie.

» Sluit om 10:00 by Midgard Country Estate aan vir 'n prettige uitstappie met die gesin. Braaivleis en slaai sal beskikbaar wees. Kinderaktiwiteite sluit 'n splinternuwe avontuureiland-kasteel, mini-gholf, kunsklasse en ’n Kersmark in. Toegang beloop N$50 by die hek.

» Side by Side behels uitvoerings deur Orkes 1 van Hemholtz Musikgimnasium, Karlsruhe, en Namibië se Jeugorkes (Yona). Hulle bied môre verskeie uitvoerings onder leiding van Hans-Jochen Stiefel by Windoek Hoërskool aan. Môre kan jy die jong kinders van Yona en 'n groep entoesiastiese hoërskoolmusikante uit Duitsland ontmoet. Om 18:00 vind ’n gesamentlike konsert plaas, waartydens Namibiese en Duitse kinders verskeie items saam uitvoer. Die Hemholtz Musikgimnasium-orkes sal op hul eie, meer gevorderde werke fokus, en uiteindelik sal Yona vir die laaste item by hulle aansluit. Die geleentheid beoog om jongmense aan te spoor om klassieke musiek te maak en te waardeer, en ook om brûe tussen verskillende kulture te bou. Toegang is gratis, maar skenkings is welkom.

» Vier St. Joe's Day by Joe’s Beerhouse met shows deur Just Jack en ander bands. As jy iets in geel aantrek, kan jy ’n prys wen. Dit begin 11:00 en geselekteerde biere word teen spesiale pryse verkoop.

» Wêreldmusiekdag 2018: Die legendes Ras Lando & The Internationals bied jou die geleentheid om die diepste wortels van Namibiese kultuur deur reggae te ervaar. Die geleentheid word om 19:30 by die Franko-Namibiese Kultuursentrum (FNCC) aangebied. Kaartjies kos N$70 en kan by die deur gekoop word. Vir meer inligting, besoek die FNCC se Facebook-blad.

»

»

»

» Die Stephanus-kerk by Kenneth Kaundastraat 3, in Klein Windhoek, bied elke Saterdag van 08:00 tot 12:00 ’n biomark aan. Alle produkte wat by die mark verkoop word, is tuisgemaak en plaaslik gekweek.

Maandag

» Textures & Textiles is ’n groepuitstalling wat die Amerikaanse kunstenaar Carol Marshner-Malone se werk tans by die Woermannhaus-galery op Swakopmund vertoon. Dit word met trots deur Swakopmund se kunsvereniging aangebied. Besoek die galery Maandag tot Vrydag tussen 10:00 en 12:00, of 15:00 en 17:00, en Saterdag tussen 10:00 en 12.00. Toegang is gratis.

Dinsdag

» Jo Black tree vanaand om 18:30 by SKW op. Die show is ten bate van kankerbewusmaking. Kaartjies is by die deur teen N$280 beskikbaar. Moenie Jo se eerste optrede ooit in Namibië misloop nie.

» Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by die restaurant beskikbaar.

» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.

Woensdag

» Twee jong Namibiese kunstenaars werk saam aan 'n multimedia-uitstalling, wat die dubbelsinnigheid van monumente in ’n koloniale Windhoek ondersoek en politieke kompleksiteite aanspreek. MA NDILI open vandag om 18:30 by die Goethe-Institut. Die uitstalling duur tot 30 November voort.

» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare tromslaansessie in die boma by Joe’s aan. Almal is welkom. ’n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar skenkings is welkom.



Donderdag

» ’n Galadinee om fondse vir Mej. Namibië 2018 se sosiale program en haar deelname aan Mej. Wêreld 2018 in te samel, vind by die Roman Parish Hall in Windhoek plaas. Die gasspreker is Sam Shivute en topvermaak sal aangebied word. Kaartjies is by Pick n Pay en aanlyn by webtickets.com.na beskikbaar.

» Die wenner van die Kaapse Fringe Fresh Performer-toekenning en die Kaapse Fringe Fresh Creative-toekenning, Billy Langa, is vanaand in Tswalo op die Warehouse-teater se verhoog te sien. Tswalo behels gedigte wat deur middel van stem en beweging aan die gehoor oorgedra word, en temas soos chaos en skoonheid, bloed en geboorte, en liefde en oorlog aanspreek. Kaartjies is by die deur beskikbaar en die show begin om 19:00.

Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Almal is welkom.

Soortgelyk

 

Afrika-lied kom tuis in Namib

22 ure gelede | Kuns en vermaak

Elvira Hattingh - Die Duits-Namibiese kunstenaar Max Siedentopf het wêreldwyd opslae gemaak met ‘n kunsinstallasie in die Namib wat Toto se bekende liedjie “Africa” oor...

CoW verloor ronde teen baas

22 ure gelede | Regering

Denver Kisting - Die geskorste uitvoerende hoof van die Windhoekse stadsraad (CoW), mnr. Robert Kahimise, het 'n ronde teen sy werkgewer gewen.CoW sal waarskynlik binne...

Sowat 7 000 skeepspassasiers sak op Walvis toe

22 ure gelede | Toerisme

Geskiedenis is gister gemaak toe vier groot passasierskepe in die Walvisbaai-hawe op anker gelê het en sowat 7 000 internasionale reisigers op die hawedorp toegesak...

Herstel internet, toegang tot sosiale media in Zim

22 ure gelede | Plaaslik

Ronelle Rademeyer - Om mense in Zimbabwe die gebruik van internetdienste te ontneem, is ‘n skending van hul menseregte en benadeel die ekonomie.“Ons raam die...

Weer vir 17 Januarie 2019

22 ure gelede | Weer

BINNELAND: Sonnig en bloedig warm in die ||Kharasstreek. Elders sal dit gedeeltelik bewolk en baie tot bloedig warm wees met enkele donderbuie oor die sentrale,...

Jong Namibiër maak biomediese deurbrake

22 ure gelede | Gesondheid

Denver Kisting - Sy twee jonger sibbe se worsteling as kinders met asma het ’n jong Namibiese ingenieur aangespoor om ’n toestel te ontwerp wat...

Lui-lui telefoon

22 ure gelede | Tegnologie

Telecom Namibia se landlyne in Windhoek was sedert Dinsdag buite werking. Mnr. Oiva Angula, Telecom Namibia se hoof van korporatiewe kommunikaise en openbare skakelwese, het...

Gedenkdiens gehou vir slagoffers van ongeluk

22 ure gelede | Plaaslik

’n Gedenkdiens vir ses van die sewe slagoffers wat onherkenbaar verbrand is tydens die ongeluk op 10 Augustus 2018, is Dinsdag op Otjiwarongo gehou. Die...

Meer as N$2 miljoen se stukkende verkeersligte

22 ure gelede | Regering

Die hoofstad se munisipaliteit het in 2018 meer as N$2 miljoen bestee om stukkende verkeersligte te herstel nadat dit in padongelukke beskadig is.Mnr. Harold Akwenye,...